REGHIE walks along the corridor of their building together with her father and Amira. Nakahawak ang magkapatid sa magkabilang braso ng ama. Pero biglang napahinto si Reghie kaya napatigil din ang dalawa sa paglalakad. Parang tinatambol bigla ang kanyang dibdib sa sobrang kaba at galit sa nakikita. Christopher Salcedo was there, talking with her mother's secretary. Ano bang ginagawa nito dito?

"Christopher." Boses 'yon ng kanyang ama. Lumingon naman ang lalaki sa direksiyon nila at kapagkuwan ay ngumiti. Kung gan'on ay kilala ng kanyang ama ang lalaki. Noon naman lumabas si Almira na kapansin-pansin ang pagkaaligaga. Natigalgal ang ginang nang makita magkaharap ang kalaguyo at ang esposo.

Lumapit si Enrique sa lalaki na kasama pa rin si Reghie at Amira. Mahigpit ang hawak niya braso ng ama na para bang ayaw niya itong palapitin.

"C-Christopher. A-anong ginagawa mo dito?" natatarantang tanong ni Almira.

"Christhoper, kumusta? It's been a while," Magiliw na bati ni Enrique dito. Akmang makikipagkamay ito kay Christopher pero mahigpit na hinawakan ni Reghie ang braso ng ama. Hindi niya gustong mahawakan ang kanyang ama ng taksil na lalaking 'yan.

"Regina bakit?" tanong ni Enrique. Tinignan niya ang lalaki at ang kanyang ina. Isang napakatalim, nanonoot at punong-puno ng pagbabanta na titig ang binigay sa kanya ng sariling ina. Para bang pinapatay na siya nito sa titig palang.

"Dad, puwede mo po ba akong ihatid sa office ko? Bigla po kasing sumama ang pakiramdam ko eh," pagdadahilan niya. Gusto lang talaga niyang ilayo ang ama sa dalawang taksil. Nagpaalam ang ama sandali at hinatid siya kanyang opisina. Umupo silang magkaharap sa visitor's chair.

"Are you okay? Gusto mo umuwi ka na muna."

"Sino siya dad?" tanong niya sa halip na tumugon sa sinabi ng ama.

"That man. Christopher," aniya.

"Kaibigan namin ng mommy mo noong college. Dating kasintahan ng mommy mo." Posible kayang ito ang unang minahal ng kanyang ina at hanggang ngayon ay mahal pa rin. Narinig niya minsan sa amiga ng kanyang ina na isang arrange marriage lang ang naganap sa pagitan ng mga magulang niya.

"Bakit po hindi sila ang nagkatuluyan? First love po ba ni mommy?"

"Ang alam ko hindi eh. Ang alam ko may mahal na iba ang mommy noon pero may kasintahan na raw kaya sinubukan niyang maging nobyo si Christopher. Alam ni Christopher ang tungkol doon. Akala ko nga noon si Christopher ang tatay mo, pero sabi ni Almira na hindi raw."

Napaisip si Reghie sa sinabi ng ama. Matagal na panahon na hindi na niya talaga inasam na makita pa ang tunay na ama. Bakit pa niya hahanapin ang umabandona sa kanila kung nagkaroon naman siya ng isang napakabuting ama na tinanggap at minahal siya ng sobra-sobra. Pero ngayon ay napapaisip siya bigla kung sino nga ba ang tunay niyang ama.

"Gusto mo bang umuwi muna?" natapos ang paglalakbay ng diwa niya sa tanong ng ama.

Umiling siya. "Marami pa akong pong gagawin dito."

"Are yous sure? Puwede mo namang ipagpaliban mo na 'yan."

"It's okay dad."

My Bastard Ex  (Published Under LIB BARE)Basahin ang storyang ito ng LIBRE!