"Fiancé mo si Jeydon?"
"Oo, fiancé ko siya. Bakit, may angal?" Tinaasan niya ako ng kilay. Kapit na kapit siya kay Jeydon. Ano ba siya, linta? Tss.
"Yuck! Hindi kita fiancée!" Parang diring-diri pa si Jeydon kay Stacey. Tinulak pa nga niya palayo si Stacey. Abnoy talaga 'yon.
"Bakit ba ganyan ka? How could you do this to me, babe?" Hinawakan ni Stacey 'yong mukha ni Jeydon.
"Yuck! Babe yourself! Lumayo ka nga!" Tinulak na naman niya si Stacey palayo sa kanya. Muntik nang matumba si Stacey pero buti, nakakapit ulit siya kay Jeydon. Kanina ko pa pinipigilan 'yong tawa ko sa dalawang 'yon.
"Babe naman!" Humarap siya sa 'kin. "At ikaw, babae ka! Sino ka ba? Bakit lumalapit ka kay Jeydon?" Lumapit siya sa 'kin, ang sama ng tingin.
"Ako, lumapit kay Jeydon Lopez? Eww."
"Hoy, Candice Gonzales!"
"Teka, teka!" Pumunta sa harap namin si Stacey. Tiningnan niya ako mula ulo hanggang paa.
Napahawak siya sa bibig niya. "Ikaw 'yong kapatid ni Charles?"
"Oo, ako nga."
"'Di ba, pangit ka? OMG! Tsaka I remember, ikaw 'yong patay na patay kay Jeydon!"
"Ako? Hahaha! Asa! Isaksak mo pa sa baga mo 'yang si Jeydon! Bahala na nga kayo riyan."
Tumalikod agad ako sa kanila.
Bagay talaga silang dalawa. Hindi ko nga alam kung sino 'yong mas kawawa sa kanilang dalawa kapag naging mag-asawa na sila. Si Stacey ba o si Jeydon? Pareho kasi sila ng ugali.
Wala naman akong pakialam kung fiancée niya si Stacey. Mas mabuti nga 'yon, para hindi niya na ako inisin tsaka para siya naman 'yong mainis. Halata namang ayaw niya kay Stacey, e, at si Stacey, habol naman nang habol sa kanya. Natatawa nga ako kapag kinukulit siya ni Stacey. Hindi ko lang talaga kung alam bakit may naramdaman akong kakaiba kanina.
"Candice, sumabay ka na sa 'kin."
Tumingin ako sa likod at nakita ko si Kuya Charles.
"Himala yata. Isasabay mo talaga ako?"
"E di, huwag!" Umalis siga agad tapos pumunta sa may parking. Hinabol ko siya.
"Kuya, saglit!"
Nakapasok na siya sa loob ng kotse. Kumatok ako pero hindi naman niya binuksan. Sinilip ko siya sa loob, inaasar niya lang ako. Noong napalayo ako sa kotse, bigla naman niyang pinaandar.
Kainis! Nakakaasar talaga 'yong kapatid ko. Maglalakad tuloy ako suot 'yong sapatos kong may heels. Ayoko namang mag-taxi.
"Candice!"
Pagkalingon ko, nakita ko 'yong tatlong papalapit sa 'kin.
"Iniwan ka ni Charles? Haha! Sabay ka na sa 'min pauwi," sabi ni Marky.
"Oo nga, para makauwi ka na agad. May party pa tayo mamaya. Wooo!" Inakbayan ako ni Troy. Binuksan niya 'yong pintuan sa likod ng kotse ni Marky.
Ay, sa likod ako? Gusto kong katabi si Marky, e.
Pumasok na lang din ako sa likod. Pagpasok namin ni Troy, nagulat ako noong pumasok din si Jeydon.
"Bakit nandito ka?"
"Bakit, kotse mo? Kotse mo?" Epal talaga no'n. Pwede naman siyang umupo sa harap, e.
"Kdot." Pumasok na rin si Marky tapos tumingin siya sa 'min sa likod. Napagitnaan ako ni Troy at ni Abno.
"LQ kayo?"
BINABASA MO ANG
The Four Bad Boys And Me (Published with Series Adaptation)
Teen Fiction[BAD BOY 1] Gusto ko lang naman ng simpleng buhay; tahimik at malayo sa gulo. Kaso isang araw... nagbago ang lahat. Inspired by Boys Over Flowers.
