طبعا اني اول شي سويتة رحت گلت للبنات .. منار كالتلي توتة وائل خوش ولد و اني اعرفه من الطفولة ليهسة متلگين احسن منة ، كلهم خلو ببالي انه اقبل ، گعدت و فكرت ، هواي فكرت ، و بعد 3 ايام شفت وائل بالمعهد ..
وائل:توتة ليش مدتجاوبين ع مكالماتي و مسجاتي ؟
اني:لان ما اعرف شأجاوب ، اني ما اقبل بعلاقه وائل
وائل:توتة اني ماريد علاقه بس اريد اعرف اذا انتي هم تبادليني نفس الشعور و انتضرچ منا لحد ما اتخرج و اجي اتقدملچ
اني:مممم اذا هيچ اوك
وائل:صدگ ؟!
اني:يي (چنت خجلانة كلش ردت اوكع من طولي )
مرت الايام و ظلينة نحچي و تطورت العلاقه بس چان بارد و ميعبر عن مشاعرة بس اني چنت احس افهمه بدون ميحچي افهم انه هو يحبني و يكفيني انه اني اول حب بحياتة فه گلت يمكن هو طبعه هيج و اكتشفت انه هو اصلا طبعه هيچ وية الكل فه كلت عادي بس بمرور الوقت هالشي بدة يأثر علية ، مواقف احتاجه و ما اشوفه يمي ، خلال هالفترة صارت هواي اشياء انتقلت لمنطقه ثانية و اخذت نتيجة السادس و و امتحنت دور ثاني و ثالث و جانت حالتي النفسية زفت و المفروض هو وياية و هو اصلا مو سائل عني كل كم شهر يسأل مرة 5 دقايق و يروح و چنت اتحمل لان كل مرة يطلعلي بعذر و ظرف و اني اسكت و اتحمل بيوم اللي اخذت نتيجة الدور الثاني خابرتة (طبعا اني كلما اخابر ميجاوب و من ادز مسجات يقراها و ميرد )
اني(جنت ابچي و صوتي مخنوگ): وائل محتاجتك اني تعبانة
وائل:اني طالع وية اصدقائي من ارجع اخابرج (اصلا ممهتم )(و طبعا ثاني يوم الظهر يلة دزلي مسج شبيج البارحة خير صاير شي ؟ )
متحملت هالحالة و انفصلت عنة ، ظلينة اشهر و هو مو سائل عني ، بعدهه انقبلت بالجامعه و خابرني
وائل:السلام عليكم
اني:عليكم السلام
وائل:شونج توتة شخبارچ
اني:بخير و انت ؟
وائل:توتة مشتاقلج متت بدونچ ادري مقصر وياج و اذيتج ، كوليلي بعدج تحبيني و اني اوعدچ اتغير
(طبعا اني ضعفت و جنت مشتاقتلة و احس حياتي ناقصهه شي )
اني:اوك وائل بس اتغير الله يخليك
وائل:اوك توتة ❤
رجعنة و اتغير يومين و رجع ع نفس الحالة
و رجعنة بعد شهر من الدوام انفصلنة
.
.
.
