للزمن رأي آخر

بارت 5

يوم الثاني على ساعة 3 العصر العايله كلها متيمعه بصالة وقاعدين يسولفون نروح صوب بنات
لولو : يلا امشوا نلعب لوخيروك أو تحديات أو أي شيء
ليان : أنا ما أبي ألعب أنتوا لعبوا مالي خلق
زينة : ليان يلا لعبي معانا
ليان : ما أحب ألعب بس بشوفكم عادي
فاطمة : بتلعبون بدوني ؟ خونه !
زينة : لا كنت بناديج
فاطمة : أي أشوه ، المهم شنو بتلعبون ؟
زينة : أنتي شنو تبين ؟
فاطمة : امم لعبة الصراحة بس لحد يجذب لعبوا عدل
راحت زينة تيب البوكس الي فيه ألعاب وقعدت تدور اللعبة وحصلتها وراحت لهم و اهي رايحه شافت حوراء و علي قاعدين يسولفون مع بعض  ضحكة حوراء كانت عالية وحركاتها مبالغ فيها و قاصده تسوي جذي عشان تلفت الانتباه تنرفزت زينة وراحت عند البنات
لولو : كا هي يت زينة شدعوة عليج كل هذا تدرون على اللعبة
زينه بنبرة هادية: أي قعدت أدروها بالغصب لقيتها
لولو حست أن زينة فيها شيء بس ماحبت تحسس أحد بشي
وقالت : يلا قعدي يمي خل نلعب
روان : نادوا حوراء بعد ختلعب معانا
زينة تنرفزت وقعدت تلعب بكفر تلفونها
فاطمة : أي صح ختلعب معانا
ليلى أخت علي : راحت تنادي حوراء ورجعت مرت ساعة تقريباً وهم للحين يلعبون
فاطمة : زينة تكفين قولي تم
زينة : على شنو ؟
فاطمة :بليز لا ترديني أنا أختج بليز قولي تم
زينة : بسم الله شنو
فاطمة : أنتي قولي تم
زينة : تم يارب ما أندم
فاطمة : عادي تسوين لنا الكيكه الي كل مره تسوينها 🥹
زينة : بس هذا وأنا عبالي بتقولين لي قومي نطي بالمسبح أخر شي الكيكه بس ما طلبتي شيء
فاطمة : مشكورة وتلوموني بحب أختي
لولو : دام بتسوين الكيكه أكيد لازم معاها قهوة عربية علي
قهوتكم
زينة راحت ولولو معاها ، بطلت زينة الثلاجة وطلعت الحليب والقيمر وثلاث حبات من البيض وبعدها يابت خليط الكيك بنكهة الكاكاو بالحليب الجاهز و هم يابت الزيت ولولو راحت تسوي القهوة العربية .
لولو : ليش لمن رحتي تيبين لعبة شوي كنتي زعلانة؟
زينة : لا ماكنت زعلانة بس جذي عادي يعني ما في شيء
لولو : لا في قولي
زينة : مافي شيء خليج من هذا شفتي حوراء و حركاتها وأحنا قام نلعب
لولو : أيييي شفت واي شكثر ما تنبلع
زينة : أي شفتيها يوم كانت تضحك بصوت عالي عشان تلفت الانتباه
لولو : أيي مو طبيعية
زينة : أنا الحين بفهم هذي الحين شلون ماتنقد على نفسها قسم بالله تفشل !
لولو : شدراني عنها مليقة وغثيثة وغصب إلا تضحك حبيبتي ما فيج ضحكة مو لازم تضحكين
زينة : أيي بضبط شكثر تنرفز
زينة طلعت الطاسة وحطت فيها الخليط والبيض وزيت والحليب وقعدت تخلط وحطته هم بخلاطة
وبعدها جهزت القالب حق الكيك و دهنته بزيت ورشه من الطحين و بعدها صبت عليه الخليط ودخلته بالفرن لمدة 40-45 دقيقة تقريبًا وبعدها راحوا يكملون لعب على ما تجهز الكيكة و صار دور زينة وسحبت الكرت وطلع لها سؤال منو أكثر شخص تكرهينه حتى لو كان ساكت
زينة ضحكت ولولو فهمت وضحكت وقالت : حوراء بس مو أنتي وحدة معاي بالجامعة شكثر تغث
حوراء بدلع : عبالي تقصديني خفت والله
زينة ردت بتسليك : لا
صار دور فاطمة سحبت الكرت وطلع لها سؤال منو هو الشخص الي دخل بحياتك فجاة وصارت حياتك أفضل
فاطمة وهي مستحية : أحم زوجي محمد
بنات بصوت واحد اووو 🥹 و يضحكون و يبتسمون
فاطمه حيل استحت ويهها صار حيل أحمر
حوراء و اهي محتره منها قالت : شدعوه ويهج صار طماطه ، زينة متى تخلص الكيكة؟ أبي أكلها
زينة بقلبها قالت يوو هذي شتبي الحين الكيكة بتخلص وأختي ماراح تذوقها منها بس ردت : الحين بروح أشوف
راحت مطبخ وطلعت طاسة حطت فيها القيمر و نوتيلا داخل المايكرويف لمدة 30 ثانيه و خلطته وردته حطته لمده 30 ثانيه و طلعته وخلطته وردت حطته لمده 40 ثانيه وبعدها طلعت الكيكه من الفرن ونطرتها شوي على ما تبرد وعقبها قلبت الكيكه بصحن و الفراغ الي بالنص حطت فيه برد بنكهة الفانيلا وبعدها صبت عليه الصوص الكاكاو الي توه سوته و اهي قاعدة تصب دخل علي المطبخ و سألها شنو قام تسوين ردت عليه ببرود : كيكة حق فطوم
علي : الله متى بتخلصين
زينة : خلصت بس بوديها الصالة
علي : أنزين شفيج جذي تكلميني
زينة : شلون يعني أكلمك
علي : ما أدري أحس قام تكلميني بنفس
زينة : لا شكو
علي : قولي الصج شفيج ؟ في أحد مزعلج ؟
زينة لا مافي شيء ، بودّي الكيكة الصالة
علي مسك أيدها وقال :زينة شفيج زعلانة مني ؟
زينة تغيرت نبرة صوتها  : لا ليش بزعل ، بودي الكيكه الصالة قبل لا يبرد الصوص
علي : ودي وتعالي بعدين بقولج شيء
زينة : يصير خير ، مشت زينة الصالة وحطت حق الكل والكل عجبته الكيكة وشكرها
فاطمة : تسلم أيدج حيل لذيذة صج مثل ما اشتهيتها
زينة : ياقلبي أنتي بالعافية
فاطمة : الله يعافيج
قعدت زينة يم لولو واهي سرحانة وتفكر
والباجي البنات قاعدين يلعبون و زينة متنحه
وبعدها بنات سألوها شفيج هواجيس ؟
زينة ردت : ههه شكو بس جذي أحس تعبت شوي
لولو : أنزين يلا كملي لعب معانا
زينة : تمام
وبعدها مرت ساعة لين تقريبًا الساعة 10 بليل و حطوا العشا و الكل قعد يأكل و يسولف و علي كل شوي يشوف زينة و يوخر عينه عنها
زينة حست بس ما بينت وقعدت تكمل سوالف
حوراء بدلع : زينة عادي تقصين لي الدياية ما أعرف ، اهي قاصده تسوي هالحركه جدام علي
زينة طالعتها بنظرة الي شنو فيه وقالت : أوك
و قصت زينة الدياية الي بصحنها وهي حيل متنرفزه من حوراء
وبعد ما خلصوا أكل الي صعد فوق عشان يتجهز وينام والي قعد بصالة يسولف و جذي علي كان برا قعد يدخن مع خوال
وزينة كانت داخل تسولف مع الجد عبدالعزيز والجدة نور وكانوا قاعدين يسولفون لها عن أيام شبابهم
وزينة تسمع و تضحك معاهم وبعدها عبدالعزيز ونور استأذنوا عشان بينامون و ظلت زينة قاعدة مع لولو وباجي البنات صعدوا و لولو راحت مطبخ تشرب ماي و زينة قاعدة تلعب بكفر تلفونها ودخل علي و قعد يمها وقالها : زينة شفيج اليوم زعلانة حتى ماكليتي
زينة : منو قالك أني زعلانة ولا كليت عدل
علي : زينة في أحد مضايقج منو ؟
زينة : علي شفيك مافيني شي مو لازم يكوو فيني شي حتى لو فيني ماراح أقولك
علي : ها شفتي شلون من هالنبره يبين فيج شيء ترا أعرف من صوتج إذا كنتي زعلانه أو لا
زينة : علي بروح أنام مع سلامة
علي مسك أيدها وقال : زينة ليش عيونج مغورقة
زينة : أفف خلاص بقول
علي : يلا قولي أسمعج
زينة : حوراء
علي : شفيها ؟
زينة : وتسأل بعد شفيها !!
علي : أي شفيها!
زينة : منرفزتني
علي : و منرفزتج عشان جذي بتبجين ؟ طز فيها
زينة : يعني أنت مو مهتم لها
علي : لا بهتم بحدود يعني
زينة : وين حدود شوي و ..سكت زينة
علي : كملي شوي و شنو ؟
زينة : ياربي خلاص بروح بنام
علي : لا لا قولي من صجي شفيج ليش مضايقتج حوراء
زينة : سو روحك مينون وما تدري ليش مضايقة منها
علي توه يستوعب بس حب يسوي روحه مو فاهم وقال : تقصدين على العشا خو عادي مافيها شيء طلبت منج تساعدينها بالأكل
زينة وهي حيل متنرفزه من حوراء وعلي وقالت : أي مافيها شيء بس باقي أوكلها
علي ضحك وقال : بس خلاص كسرتي خاطري ما أقدر ويهج حيل يكسر الخاطر
زينة : ينت أنت فجاة تضحك شيضحك ؟
علي : أدري ليش أنتي زعلانة من حوراء
زينة : ليش يلا قول
علي : متأكدة تبيني أقول
زينة : أيي قول
علي : ترا العصر لمن كنا قام نسولف أنا وهي كان عن ليلى أختي كانت متهاوشه معاها و حاولت أصلح بينهم
زينة : أنزين يعني ؟
علي : يعني هذا الي كان مزعلج أني كنت قعد أسولف معاها
زينة وهي عرفت أنها كبرت الموضوع مو مستاهل بس قالت : لا مو عشان جذي زعلانة
علي : عشان شنو يعني
زينة : عشان موضوع الورد أوك أرتحت !!
علي : شفيه الورد ؟
زينة وهي معصبة : الكرت شنو فية ؟؟
علي : أييي هذا عادي من حوراء
زينة ردت : يعني عادي حوراء تقولك حبيبي !
علي : لا قالت بالغلط و سوء تفاهم بس مو أكثر ولا أقل ،
ليش لو كان مو بالغلط ليش بتزعلين ؟
زينة : ما أدري و بسرعة ركضت لين فوق لانة تدري يابت العيد بهالقعدة وايد
يتبع ......

أسفة على التأخير كان عندي اختبارات نهائية و أنشغلت بعدين بعوضكم وبنزل البارت ثاني باجر 🔥