هوس العقل

بارت(10)

«بقـَلم الڪاتبه رهف»

حساب التيك توك rlllri
________________________

عيوني انتم بارت الخطوبه جزئته اجزاء♥

و على غيرك جذب ما ترهم الروح
و منو غيرك يسد حاجة نظرنا
يبن الناس غيرك ماكو موضوع
هلبت بالجذب شخصك ذكرنا
اسولف بيك لاخر لحظة بليل
و ترد الصبح تشغل فكرنا♥..
ـــــــــــــــــــــــــــــــــــــــــــــــــــــــــــ

سيلا

كملت مكياج وطلع يجنن حيل والتسريحه نازله ونازكه احمد طلبها نازله يريد ع طول شعري ونيران طلعت حلوه اتصلت بأخو احمد يجي ياخذنه لان ميصير يشوفني احمد اله ورا متكمل الخطوبه رسمي

سيلا:-نيران ح اتصل بعلاوي يجي ياخذنه
نيران:-منو علاوي ولج؟!
سيلا:-شبيج اخو احمد متعرفي؟!
نيران:-لاماعرفه بس يلا اتصلي
سيلا:-تمام

: اتصلت وكال مسافه الطريق واجي كملت ولبست الوشاح الابيض فوك الفستان الاحمر لان مفتوح دك هورن علاوي وطلعتني نيران وهوا بلسياره نزل الجامه نيران حسيتها مثل الانصدمت

وكفت بمكانها متحركت انتبهت الها وانتبهت لعلاوي واحد صافن بوجه الثاني عرفت اكو شي بينهم بس كلت بعدين احقق هسه خلي اخلص الخطبه واتفاضلهم بعدين

سيلا:-ديلا وكت صفنات خلصعد
نيران:-ها اي اي اصعدي لكدام واني اصعد ليوره
سيلا:-لاشعندي لكدام ثنينه نصعد وره واذا تردين روحي انتي لكدام خلي اخذ راحتي
نيران:-لالا يلا ثنينه وره نصعد

صعدنه وسلمت ع علي
سيلا:-شلونك علاوي
علي:-هلابيج عيني جنتنه شايفه كل الخير
سيلا:-مشكور

نيران ساكته طول الطريق محجت وصلنه ونزلت وتلكوني بل هلاهل خالاتي وبناتهم بس الغريب لكيت عمتي الي هيه ام احمد واخوات ام احمد وبناتهم ساكتات ويباوعن بحقد بس زينب اخت احمد فرحانه الي مهتمين سويت نفس مكالي احمد ورحت سلمت عليهن

سيلا:-سلام عليكم
ام احمد:-وعليكم السلام مبروك عيني
خالات احمد والبنات:-وعليكم السلام
زينب:-هله بجنتنه وبنت بيتنه يمه هله وميت هله

اجت زينب ترحب بيه وتبوس بيه حبيتها لان جانت علاقتنه متشتته وهسه رجعنه دخلت وكعدت ع الكوشه وطلعو اغاني والبنات يركصن واني بس ابتسم بوجهم اجتني ميلا ولازمه تلفوني

ميلا:-بهمس سيلا سيلا هاج هاذا ماعرف منو مراسلج
سيلا:-منو شو انطيني اشوف توقعت الحساب الي جان يدزلي تهديد

اخذت التلفون وجان حساب وهمي ونفس توقعي هوا بس الصدمه مومثل كل مره تهديد هلمره (صرتي لغيري بس أخرتج يمي) شفتها وحذفها وحضرني نخطف لوني وخفت منو هاذا وشيريد مني