နွေးထွေးမှုအားပြန်လည်ခံစားရလေသော နေရာသို့ခြေချ၏။ မရောက်သည်မှာ ကြာလေပြီဖြစ်၏။ ကျွန်တော့်အတွက်အလုံခြုံဆုံးသောနေရာဆိုလျှင်လဲမမှားပေ။ ထိုနေရာသို့သည်နေ့တွင်ပြန်လည်ကာရောက်ရှိလာပါပေ၏။ ဝမ်းသာ၍မဆုံးပေ။
"သားရေ.."
"မေမေ့.."
"လာပါဦး..မေမေ့သားလေး..မေမေကသတိရနေတာ.."
"သားလဲလွမ်းနေတာ.."
မျက်ရည်ဝိုင်းနေသော မေမေ။ ကျွန်တော့်အားမည်မျှတောင်စိတ်ပူကာနေခဲ့ရမည်နည်း။ ကျွန်တော်သည်လွမ်းဆွတ်တမ်းတရခဲ့၏။ ထိုလူ့အိမ်သည် အမေ့အိမ်လောက် နွေးထွေးမှုမရှိခဲ့သည်ဖြစ်သည့်အတွက်ပင်။ မေမေ့နားမြန်မြန်သွားကာသာ ဖက်ထားလိုက်တော့၏။
"သားကိုလိုက်မပို့ဘူးလားဟင်.."
"ဗျာ..ဟုတ်..သားဘာသာလာခဲ့တာ.."
"ဟောမေမေ့သားလေးရယ်..တောင်းပန်ပါတယ်နော်မေမေက..သားလေးကိုလေပျော်ရွှင်စေချင်ခဲ့တာ..ဒါမဲ့မေမေ့အမှားတွေပဲမလား.."
"ဟင့်အင်းမေမေ့..အပြစ်မတင်ရဘူးလေနော်..ဖြစ်ခဲ့သမျှတွေကကျွန်တော့်အမှားတွေချည်းပါ.."
ကိုယ့်သားလေးပျော်ရွှင်စေရန်ပြုလုပ်ခဲ့ရမည့်အစား ဝမ်းနည်းမှုကိုသာပေးအပ်ခဲ့မိသည်အဖြစ်ပင်။ သားလေးမျက်နှာသည်လဲ အမေဖြစ်သူကိုမြင်မှ ပြုံးပျော်ကာပြေးဖက်လာရသည့်အထိပင်။ မည်မျှစိတ်ဆင်းရဲခဲ့မည်နည်း။ လက်ထပ်ပေးခဲ့သည်မှာ သိက္ခာတရားအတွက်ဆိုသော်ငြား ယခုတွင်လဲ ဘယ်သတင်းမျှကောင်းမနေခဲ့တော့ပြုခဲ့မိသည့်မိဘများအမှားများသာဖြစ်ချေလေ၏။
"သားရယ်..ချစ်တယ်..သားအပေါ်ကောင်းကောင်းဆက်ဆံရဲ့လားဟင်..မေမေဖြင့်စိတ်အရမ်းပူတာပဲ.."
"ဟီး..ဦးလွမ်းညှို့ကသားအပေါ်ကောင်းပေးပါတယ်မေမေ..စိတ်မပူရဘူးလေနော်..အခုကလဲသူကမေမေ့တို့ဆီပြန်လို့ရတယ်ဆိုလို့သားပြန်လာတာ..ဟီး.."
"ဟုတ်ပါပြီ..လိမ်မာရမယ်နော်.. သားကအငယ်ဆိုတော့ အရာအားလုံးဂရုစိုက်ရမယ်နော်..သိတယ်မလားဟင်.."
YOU ARE READING
He's The One Who Hurts Me
Poetry"မြတ်နိုးပေးပါလို့တောင်းဆိုမိရင်တောင် ကိုယ်ဖြစ်နေတဲ့အတွက် မင်းကခါးသီးနေဦးမှာပဲ.." လွမ်းညှို့သွင် "အဆုံးသတ်ကျမှ တောင်းပန်ရမှန်းသိလေတော့ ဘယ်အရာတွေကများအကောင်းတိုင်းရှိပါဦးမလဲ.." မှိုင်းကတ္တီ
