#بديلة الدم

بارت 12

البارت الثاني عشر

الكاتبه نور سمو العراق

💔💔💔💔💔💔💔💔💔💔

محمود درويش :

أينَ الطريقُ إلى أيّ شَيء؟
أرى الغَيب، أوضحَ من شارعٍ لم يعُد شَارعي؛
مَن أنا بَعْدَ ليل الغَريبـة!
كُنتُ أمشي إلى الذاتِ في الآخرين؛
وهـا أنذا أخسَرُ الذاتَ والآخرين..

................
قمر

من بعد ما خلصت كافة التجهيزات اجتاحتني موجه من الكآبة وسيطرت عليه حاله من الحزن

ما عرفت شنو سببها قريت المعوذات وصليت ركعتين واني لحد الان متكآبه وضايجه

خابرت ع روزه شرحت الها شعوري واحساسي طمنتني كالت عادي كل وحده منه مقبله ع زواج تتخوف وتتكآب بس شعور طبيعي وعادي لا تخافين

اني راودني حلم خوفني وقلقني وهذا الحلم هوسه وخبصه والي اتذكره بيه حلقتي جانت مكسوره

اني بصراحه تخوفت لان ما عندي طاقه اعيش بنفس الشعور القديم ولا عندي طاقه انغدر مرتين

زيد كسرني وتخطيته ثائر لا مدا اكدر اتخيل مجرد تخيل ان تصير بينا مشاكل او ممكن ننفصل واخته من اجت قلقتني زياده نظراتها تحركاتها كل شي يفسر بوجود شي

ما متطمنه قررت اروح ازور ماما واطلب منها تدعيلي لعلها اقرب مني الى الله

خابرت ع ثائر كتله اريد اروح ازور ماما طبعا احنه ندفن قريب ع الاعظميه ما ندفن بالنجف بحكم ان احنه من غير طائفه

كال اجي وياج بس اني جنت اريد اخذ راحتي الوحدي ما اريد واحد ويايه امي تحبني ومدللتني من اروح الها اوصل مرحلة انهيار ما اريد واحد يشوف انهياري حتى لو هو وخاصه بهاي الفتره

فترة تعارف مو فترة نكد ودموع رغم حزني ع امي ما ينتهي

وفعلا رحت زرت ماما السايق مال بابا اخذني الها بجيت يمها وحضنت قبرها بستها وخليت الها ورد ورشيت قبرها مي

طلبت منها تدعيلي وتوفق بهذا الزواج لان اني انسانه حيل حساسه ودمعتي بعيني بسرعه اتحسس وخاصه من ثائر جنت ما تحسس من زيد بكد ثائر

يمكن لان لكيت بيه الرجال الي اتمناه واحبه واحاول احافظ ع زواجنه وحبنه و اربي اولادي بينه وما اشتتهم

وهذا الي جنت خايفه منه اخاف اعيش ببيئة متحرم قرارتي ولا احساسي ويكون بينه طفل والطفل يعيش متشتت مثل بقية الاطفال العندي بالدار وهذا اكثر شي قالقني لان اني عندي هوايه اطفال واطفال اكثرهم امهم وابوهم موجودين بس بسبب الخلافات العائليه هيج يصير بيهم ويذبوهم بالدار

رجعت للبيت اكو شي كاتم ع صدري ومقهوره ما اعرف شنو السبب حجيت ويه روزه كالت يمكن لان انغدرتي من قبل هيج تحسين او يمكن لان ما لكيتي فستان هيج ديصير بيج ههههه