بالصباح اليوم الثاني
دخل نواف الغرفه ونطق بشبه صراخ : غغغزللل !
غزل صحت مفجوعه منه ومن اسلوبه !
نطقت بصراخ : خخخيرر انت وش تصاررخ !!
نطق : قومي تجهزي ! خالتي بتجي بيتنا عند امي وبنروح لهم بسرعه !
غزل سكتت وقامت وراحت تاخذ شاور وتطلع تتجهز بروقان
بعد مده حست انها جوعانه طلعت وشافت نواف موجود راحت للمطبخ
ومالقت شي ، طلعت من المطبخ ونطقت : نواف قوم جيب اكل
نواف : شغال عندك انا ؟
غزل : ايوه
نواف : مافيه !
غزل : نوااف بموت من الجووع !
نواف مارد عليها
تقدمت غزل وسحبت جواله ولكن نواف كان ماسك جواله بقوه وسحب يدها وطاحت على الكنب...
نواف وهو مثبتها على الكنب : انتي ناويه تسحبين جوالي ؟ ، وضحك بإستهزاء
غزل : وخر عني
نواف : اذا ما وخرت ؟
غزل : بعضك !
نواف : جربي
غزل عضت يده بقوه وطلعت علامه
نواف : وجع دُب انتي ؟
غزل : اقول وسع عني تراني دايخه
نواف وسع عنها وقامت وهي تحس بدوخه وفجاة...!
اغمى عليها وقبل تطيح مسكها نواف من خصرها !
ونطق : غزل غزل
ونزلها على الكنب وراح يجيب مويه ورشها عليها وصحصحت شوي
نواف : طالع اجيب اكل
غزل سكتت
وبعد مده ، وصل نواف ومعه اكل
قعدت غزل تاكل ونوافّ كان مفطر ف ماكان يبغى
بعدها قامت راحت تكمل تتجهز لان الوقت راح عليها
...
بعد مده ، تجهزت غزل ولبست ولبسها كان فستان احمر ماسك من فوق ويبين خصرها واكمامه علاقي ونافش من تحت ، وشعرها ويفي ولبست كعب اسود
غزل قدام التسريحه تحاول تلبس السلسال ولكن ماقدرت وقررت انها تواجه خوفها وتروح لنوافّ يزينه لها
وطلعت من الغرفه وبيدها سلسالها الألماس الناعم
شافته جالس بالصاله ولابس ثوبه وشماغه وريحة عطره الرجالي ماليه الغرفه
نطقت : نوافّ
نواف : وش
غزل بتردد : عادي تلبسني السلسال ؟ ماقدرت البسه !
نواف : تعالي
وتقدمت غزل وبيدها السلسال واعطته ولفت ورا ورفعت شعرها بيدها
ونواف دنق راسه عشان يوصل رقبتها ونطق بإستهزاء : حتى وانتي لابسه كعب قصيره !
غزل : انت الطويل بزياده !
لبسها السلسال وجت بتمشي ولكن مسكها بيدها ونطق : قدام اهلي وخالتي خصيصاً نسوي نفسنا متفهمين فاهمه !
غزل : اي اي تغطي سواد وجهك
نواف : تراني مالي خلقك !
غزل سكتت ومشت للغرفه ولبست عبايتها وطلعوا من الشقه وركبوا السياره واتجهوا لبيت ام نوافّ
بعد مده وصلوا واستقبلتهم شيخه (ام نوافّ) وترحب فيهم وجت رغد تركض لغزل تحضنها وكانت تقول : غغغغزززلللللللل !
وغزل بادلتها الحضن بقوه وكانت مشتاقه لها
كل هذا تحت انظار نوافّ...
دخلوا داخل وصاروا يرتبون وبعد مده رغد قامت تسوي القهوه وهيفاء تتجهز وشيخه راحت تلبس ، وصلت خالة نواف
ونطقت شيخه : غزل حبيبتي استقبليها دقايق واجي
غزل : ابشري عمتي
وطلعت ونواف عند الباب ونطق : غزل ادخلي !
غزل : مالك دخل !
نواف : طيب اوريك !
فتحت غزل الباب لخالة نواف
( تعريف بسيط لخالة نواف )
مزنه عمرها ٥٣ حسوده وتغار من النااس وتبي كلشي مثل اللي عندها وتدس العسل في السم
عندها ولد وبنت
شهد ٢٣ نفس صفات امها
حمد ٢٥ ابد نفسهم ونفس صفاتهم
-
دخلت مزنه وسلمت عليها غزل
مزن : من انتي ؟ وليه طالعه قدام نوافّ بدون عبايه !
نورف سحب غزل ونطق : هذي زوجتي ي خاله !
مزنه : زوجتك ؟ متى تزوجت انت اصلاً !
نواف : تزوجت والحمدلله !
فجاة دخل حمد ونواف سحب غزل وحضنها ولف يعطيهم ظهره ونطق بحده : حمد زوجتي هنا اطلع !
ولكن حمد شاف غزل وطلع وهو يفكر بكيف انه تزوج وحده مزه وصاروخ !
شهد نطقت بقهر : راح وجع لي متى تقعدون حاضنين بعض !
وخروا عن بعض وشهد فكت حجابها متعمده قدام نواف !
غزل بحده : هي هي انتي تغطي زوجي موجوود !
شهد سفهتها ودخلت مع امها داخل وجت غزل بتدخل ولكن نورف سحبها ونطق : اسمعيني ! والله لو اشوفك طالعه برا بالحديقه اوريك فاهمه !
ماردت عليه غزل ومشت داخل
وراحت تجلس في المجلس عند رغد وهيفاء ، بعد مده من السوالف سمعت مزنه تنطق وتوجه كلامها ل شيخه
مزن : ليه يشيخه خطبتي لولدك هذي ؟ مو كنا مفكرين بشهد بنتي ؟؟
شيخة : شفيها غزل ؟ والله ملح وحلى بسم الله عليها ، بعدين كانت اختيار نواف
مزنه تنرفزت حتى شهد
بعدها قاموا البنات للغرفه عشان نواف وحمد بيدخلون
دخلو البنات للغرفه وقعدوا شوي ونطقت شهد : بروح الحمام
رغد : هنا في حمام !
شهد : ابي الثاني طيب !
غزل حست انها بتسوي شهد شي بس سكتت وراحت شهد للحمام
بعد مده طلعوا نواف وحمد ورجعوا البنات داخل وقعدوا عشان يتقهون وشهد اصرت الا هي اللي توزع صينية القهوه ( صينيه عباره عن فناجيل والفناجيل فيها قهوه حاره )
وجت وزعت وبدت في غزل متقصده ! وفجاة !
طيحت شهد الصينيه على غزل وغزل صرخت صرخه قويه من الألم والحراره اللي جتها ! نواف كان برا وسمع الصرخه ودخل على طول وصرخت شيخه : غزل حبيبتي شفيك
نواف صرخ : شفيهاا !
رغد : انكبت عليها القهوه الحاره
نواف ناظر غزل والقهوه المكبوبه على فخذها ركض لها وهو ينطق لأمه : يمه جيبي مرهم الحروق فغرفتي !
وشال غزل وركض فيها لفوق...
واما شيخه ركضت للمطبخ تجيب المرهم وراحت ورا نواف تعطيه وطقت باب الغرفه وفتح نواف الباب بسرعه واخذه وغزل كانت منهاره من الحرااره
ست فناجيل حاره انكبت عليها !!!
نواف رفع فستانها ونطقت غزل بألم : نواف اطلع انا بسوي كلشي !
نواف : غزل تراني زوجك ويمكن الحروق تضرك !!
سكتت غزل من الألم وبدا نواف يحطه على فخذها
صرخت غزل بألم من المرهم اول ما انحط عليها !
رغد طققت الباب بخوف وتكلمت : نواف نواف عادي ادخل ؟
نواف : شوي شوي رغد انا اعقم بطنها وفخذها !
رغد سكتت وكل هذا تسمعه شهد ومنقهره مره
لفت رغد على شهد
رغد : حيوانهه انتتي لليه سوييتي في غزل كذااا !
شهد : شسويت ؟
رغد تقدمت لها ومسكت شوشتها ونطقت : والله والله لو تقربين منها مرا ثانيه اوورييك شغلك فااهمه !!
شهد صاحت من الألم ونطقت : اه اه وسعي عني عورتييني !
رغد : احسسن !
عند نوافّ وغزل
لف لها بشاش وقال لرغد وامه يدخلون ودخلو على غزل
ونطقت شيخه : ماما غزل جاك شيي ؟
غزل : لا يخالتي حبيبتي عدت على خير ( تناديها خالتي احترام )
رغد : الحيوانه وع تتقهرر !
غزل : ماصار شي عادي
نواف بحده : رغد تعالي شوي !
رغد : طيب
راحت رغد مع نواف
بغرفه رغد
نواف : شصار ؟ شلون القهوه انكبت !
رغد : شهد كانت ماسكه صينيه القهوه وفيها ست فناجيل وكبتها عليها واضح متعمدده !
نواف : طيب خلاص
رغد راحت مع غزل وبعدها بشوي دخل نواف ونطق : غزل يلا بنروح البيت
شيخه : وين تروحون اقعدووا !
نواف : لا يمه انا بهتم فيها هناك معليك
غزل : خلاص خالتي عادي بنروح
وفعلاً ودعتهم وركبت السياره
(طبعا خالة نواف راحت على طول بعد اللي صار )
كانت تتألم من الحرق ولكن تحاول تخبي المها
وصلوا للشقه ونزلوا
دخلت غزل الغرفه وراحت تبدل ملابسها بصعوبه ولبست شي قصير عشان الحرق ونامت بالسرير
عند نواف
يتذكر تفاصيل اليوم كامل ! من بداية ماشال غزل وركض فيها لفوق وهو خايف عليها خوف غريب !
شلون ! مو هو اللي يكرها ؟ مو هو اللي مايطيقها ؟ كيف كذا خاف عليها ! شلون قدر انه يحط المرهم ويرفه فستانها ! شلوون !
استغفر وبعدها نام بدون يحس ، نام من كثر التفكير
باليوم الثاني ، صحت غزل وهي مره تعبانه وراحت برا وشافت نواف جالس تكلمت غزل : نواف ! ابي جوالي !
نواف : لا
غزل : للليه !
نواف : بس
غزل : طيب وين الشاش والمرهم ، ابي احط على الحرق
وقف نواف وراح يجيبه وتكلم : اجلسي بحطه لك
غزل : لا !
نواف : يليل تراني زوجك اخلصي !
وتقدمت غزل للكنبه وبدا نواف يحط المرهم
غزل من قوة ان المرهم كان يحرق ويوجع مسكت يد نواف وضغطت عليها بقووه !
وكان نواف يحس بأناملها الرقيقه والناعمه على يده الكبيره والخشنه !
وتكلمت غزل : نواف خلاص والله يوجع خلاص خلاص
نواف : شوي بس
بعد كم دقيقه خلص نواف وغزل كانت عيونها تدمع من الألم
قامت غزل بصعوبه وراحت للسرير وانسدحت وتكلمت : نواااف نوااف
نواف دخل الغرفه : وش وش
غزل : تكفى تكفى عطني جوالي حرام عليك
نواف : بعطيك عشانك تعبانه بس
ومد لها الجوال
غزل قعدت تتفرج الين نامت...
دلعتتكم ولا لاااا ؟
شراايكم بالرتت ؟ صح صار فيه اكشن ؟
اعتذر اذا فيه اخطاء املائيه ❣️❣️
تتيك لاتنسونهه ، نفس يوزر الواتباد 🙈🙈🙈
اححبكمم
