لعبة القدر

『 𝐏𝐀𝐑𝐓 18

الفصل الأول | ظل من الأمس 🍁

🎭 الجزء الثامن عشر | لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

 
صورة كانت موجهة ناحية داك الباب الهدوء كان قبل ما يتفتح بلا سابق اندار أول ما دخل جات عينيه على داك المنظر حط يديه على نيفو و هو كيشوف في هديك الحالة مشا نيشان جيهت الستائر بدا كيفتح فيهم وأشعة الشمس بدات كدخل فتح حتى جاج باش تخرج ديك الريحة توجه نيشان جيهت سرير بدا كيضرب برجليه في الخشب ديال سرير

جوزيف : ايه يالا نوضي نتي تحركي
وقفت وحدة وهي ملوية في إزار باش تغطي راسها حيت كانت كيف تخلقت من وجهها كتبان ماشي بنت البلاد كانت كتمشا وهي كتعرج وحاطة يديها على تحتها هو اللي بقا متبع ليها الشوفة و هو مصدوم ضار شاف فيه هو اللي باقي مغيب ما كينش في هد العالم بدا كيزعزع فيه
جوزيف : مارك فيق يالاه
مارك ( حط بديه على عينيه من الأشعة ديال الشمس و هز راسوا فيه ) : ااامم... أش بغيتي عندي في هد الصباح ؟؟
جوزيف : أشمن صباح هد نوض راه باغيك ماركوس نوض قال لك باش نتغداو مع بعضياتنا
مارك ( كان بنفس وضعيتوا رجع غمض عينيه ): واخا غير سير
جوزيف : أنا مشيت عندك تبقا ناعس ( يالاه ضار غادي يتحرك و هو يرجع وقف ) بلاتي أش ديك الحالة خرجت فيها ديك ختنا ؟ ونت أش قربك للخدمات ؟؟
مارك ( جمع الكلسة ) : جوزيف خرج بحالك أش دخلك فيا 😡

خرج من بعد ما خنزر فيه هو اللي غمض عينيه وحط راسوا على الكاضر ديال السرير و دماغوا كيمشي ويجي بالتفكير في نهار اللي قبل

□ فلاش🔙

كان كالس في مكتب و قداموا راجل اللي من اللباس ديالو يعني من الوزرة اللي لابس والشكل ديال المكتب كيبان أنه طبيب اللي كان كيتكلم معاه
طبيب : من بعد ما شفت جميع التحاليل بين ليا باللي عندك نقص فالتستوستيرون وهادشي اللي مسبب ليك البرود و نقص النشاط غادي نبداو العلاج الهرموني باش نعوضو النقص يا إما بالحقن يا بالجل على الجلد وغادي نتابعوك باش نتأكدوا أن كلشي رجع طبيعي
مارك : واش معنديش شي حاجة صعيبة ياك
طبيب : ما تخافش ماشي حاجة خطيرة غير نقص فالتستوستيرون وغادي يتحسن مع العلاج والمتابعة

🔚نهاية فلاش🔙

فتح عينيه و جمع الوقفة متوجه جيهت الحمام من بعد ما خوا راسو من التفكير ( أجي نعرفكم على هد التستوستيرون هو راه هرمون جن.......سي كيكون عند المرأة و الرجل كذلك بظبط في الخصيتين أما المرأة ف راه كيكون في المبيض هو كيزيد من الرغبة )

في الطاولة ديال الأكل اللي كان فيها هو اللي مترأس الطاولة و بنفس شكلوا و هو واضع يديه على القماشة اللي كانت على و دنيه بحال داك شي ديال القراصنة غير هو على ودنيه كيتحسسها و قدامو هو اللي كيتكلم
جوزيف : أنا راه صبرت بزاف قلتي ليا غادي ترجعها ليا صبرت ربعة ديال سنين امتى غادي ترجعها
ماركوس: من العجلة الندامة ومن التأني السلامة
جوزيف : هه التأني متأكد ولا التأني ديالك ولا في جيهة أخرى أكثر ولا مع فين كيبغي ولدك ولا لا نت مكنهموكش كيهمك غير هي مكرهتيش ولدها يكونو هوما ولدها
ماركوس( ضرب على طابلة ) : جوزيف سكت واش نت حمق ولا شنو كون تعرف أنا على قبلك ا شنو درت
جوزيف : عرفت كيما عرفت ماشي على قبلي على قبلها هي باش تفارق معاه و ( باقي كيهدر بدا كيصوني التلفون ديالو هزو بدا كيهدر في الحين مارك اللي كان نازل مع دروج لا سلام لا كلام جا جر الكرسي بدا في الماكلة دازت ثواني هوما اللي كانو كياكلوا وهو كيتكلم في التلفون حتى سالا المكالمة )
جوزيف : وأخيرا غدا غادي توصل الشحنة
ماركوس: إوا على سلامتنا دابا غادي تبدا خدمتك ا مارك