ختام ثلاثيه الاربعيني
ماذا سيفعل سالم الشريف حينما يعشق احد أبنائه فتاه ليست من دينه
و الاخر غارق في عشق اخري بعيده كل البعد عن حياتهم
صراعات كثيره سنعيشها مع أبناء سالم الشريف
الاربعيني
الي ماذا ستنتهي و كيف ؟؟؟
حقااااااا
لا نعلم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صباحك بيضحك يا قلب فريده
في لحظة معينة هتفهمي إنك مش محتاجه تغيري لونك عشان تناسبي لوحة حد تاني… اللي شايفك بجد هيشوفك من غير ماتشرحي ومن غير ماتبرري ومن غير ماتقللي من نفسك.
مش كل الناس هتحبك، وده طبيعي… ومش كل الناس هتستوعب طريقتك… وده برضوا مش غلطك...
خليكي زي ماقلبك مرتاح… واضحه .. طبيعيه... اللي ليكي هيقرب... واللي مش ليكي هيمشي من غير ما تتعبي....
أوعى تبقى نُسخة هادية منك… إبقى الحكاية كاملة... إبقي إنتي و بس بحبك.....
كليهما ينظر بتركيز داخل شاشه الحاسوب المحمول الموضوع أمامهم أشار تميم إلى لقطهً ما . بعد أن ثبّتها وقال لأخيه - بُص.... هنا... فنفس اللحظه اللي الراجل ده عدَى من قُدامها.... أعاد تشغيل المقطع مره أخرى ثم أوقفه بعد ثانيه وأكمل - لو هتلاحظ اللقطه دي هتحس إن هيَ كانت مالت بجسمها وإتعدلت بس الراجل بمكنه قص النجيله دارىَ عليها
ركّز عُدي جيداً ثم نظر لأخيه وقال بغيظ - يبقى أكيد الراجل ده تبع أبوها ومُمكن يكون إدالها تليفون إبتسم تميم بغرور ثم أشعل سيجاره وقال - لأ هوَ مش مُمكن.... هو أكيد. تطلع له عُدي بعدم فهم ثم سأله بإهتمام - وإنت إيه اللي مخليك مُتأكد أوي كده.... لأ بٌص إنت أخدتني على مَشمي ورجعتني من شهر العسل أنا لسه جاي مبقاليش ساعتين ومن ساعه مادخلنا المكتب وإنت بتتكلم فعناوين أنا محتاج تفاصيل عشان أبقى معاك عالخط فهّمني وصلت لإيه وناوي على إيه عشان نخلص من ولاد الكلب دول أنا مراتي حامل ومش حمل فرهده أساساً من ساعه ماعرفت إنها جت عندنا وهي هتتجنن
- أساساً من يومها وكانت عايزه ترجع عشان خايفه على سما منها ..... البنت دي كانت عامله رٌعب لسما يمكن ضي كانت بتقدر عليها شويه إنما التانيه ياعيني شافت الويل منها نظر له بحزن داراه سريعا وهو يقول.. - قُلّها متخافش انا كٌنت معاها لحظه بلحظه وحتى دلوقتِ مش مِديها فرصه إنها تقرب منها
تطلع عدي إلى توأمه بتركيز شديد ثم قال بِحُنو - هو إحنا من إمتى بنداري على بعض ياحبيب أخوك مُتخيل لما تداري الحُزن اللي في عينيك أنا مش هاخد بالي ولا هحس بيه من وأنا مسافر حاسس إن إنت فيك حاجه خصوصا إمبارح بالليل قلبك كان مخنوق ياحبيب أخوك وأنا قاعد معاك دلوقتِ مش عشان قصه بنت الكلب اللي برّه دي. متشغلنيش لأنك عارف كده كده بإذن الله هنخلص منها ومن اللي جابوها إنت بقى فيك إيه
