عند نواف طلع برا المجلس جاه اتصال وكان يكلم ويمشي ولما قفل من المكالمه سمع صوت غريب وصوت كأنه انين بنت تبكي !
ومشى ناحية الصوت بخفة ...
وعند غزل كانت تبكي ومتوتره ومو عارفه وش تسويي
-
عند نواف مشى الين ناحية الصوت وهمس في احد هنا ؟
غزل خافت : من انت !
نواف : انتي اللي مين ؟! وليش طالعه هنا !
غزل وهي تبكي : انا غزل
نواف تأكد هنا ان اللي صدمها هي غزل
وتكلمت غزل : خلاص وصلني للبيت تكفى
نواف بدون نفس : امشي وراي ولو شفتك طالعه والله لأوريك
مشى نواف ووراه غزل ولما دخلوا البيت من الباب الخلفي سمعوا صوت الجد وهو يصفق ...
الجد بغضب : ماشاءالله ! والله هذا اللي يشرفني عيالي جالسين بمزرعه تالي الليل !!
نواف : ياجد انت فاهم غـ...
الجد بعصبيه : وش افهم ! وانا شايفكم مع بعض ؟! امشوا وراي بسرعه على المجلس !
وغزل كانت تبكي ومتوتره من اللي بيسويه الجد !
الجد كان معصب ونادى ابو غزل وابو نواف معه للمجلس
عن الأباء ،
ابو غزل : وش السالفه ليه ابوي معصب ؟
ابو نواف : والله علمي علمك مدري الله يستر
ودخلوا للمجلس وشافو نواف وغزل جالسين وانصدموا اكثر !
الجد بحده : انا بزوج غزل ونواف !
ابو غزل : كييف !
ابو نواف : يايبه البنت صغيره !
الجد : والله اللي بيناقشني ولا اللي بيرفض والله لاني ابوه ولاهو ولدي ! واللي عندي قلته !
غزل اتجهت لجدها تترجاه : ياجدي تكفى والله فاهم المرضوع غلط انا مابيه مابيه ! تكفى ياجد !
الجد : انا قلت اللي عندي وبكرا نكلم الشيخ يملك لكم وتروحين معه ولا في زواج !
الأباء كانو مصدومين حرفياً وغزل طلعت برا تبكي
وراحت ركض لفوق وشافتها رغد وانصدمت هي ليه تبكي ؟
وراحت وراها ،
راد : غزل شفييك ؟
غزل : رغد يزوجوني بيزوجونني !
رغد : ايشش !
غزل : والله بيزوجوني اخوك انا مابي مابيي
رغد : اخوي من ؟
غزل : نواف !
رغد : علميني السالفه ولييش وكيف بسرعه
غزل علمتها السالفه من الألف الى الياء
رغد انبسطت ان صديقتها وحبيبتها بتصير زوجة اخوها بس غزل ماتبي ! تكره نواف
-
عند نواف
مقهور من اللي صار ومايبي يتزوج ! وحاول بالجد ولكن الجد رافض ! وبعد هذي السالفه زاد كرهه بغزل ،
واتجه لغرفته يرتاح بعد اللي صار له !
-
اليوم الثاني ، يوم ملكة
نواف أحمد التركي & غزل عبدالله التركي
غزل لبست وهي مغصوبه وامها اجبرتها وهي ماكانت تبي !
لبست فستان سُكري ماسك على جسمها *شكل الفستان بالتيك* ، وسوت شعرها رغد وهي اصلاً ماكنت تبي بس غصبوها ،
عند نواف
كان مرا معصب واحتمال ينهي غزل قدامه ولا يبيها وكل مايتذكر انها خلاص بتصير من اليوم في بيته ينفس اكثر !
بعد مده جاء الشيخ وملك لهم واباقي توقيع غزل وتكون زوجة نواف بالشرع
محمد اخو غزل نادى غزل عشان توقع ، وفعلاً جت ووقعت ،
محمد : مبروك ياعين اخوك
غزل بإبتسامه تسليك : الله يبارك فيك
محمد : جهزي اغراضك نواف بينتضرك برا
غزل : طيب
وراحت وهي بتنهار ماتبيه ماتتبيه !
ولبست عبايتها وودعت اهلها وطلعت برا وخلت العامله تحذ الشنطه ورا وبعدها ركبت
وسكرت الباب بقوه متعمده
نواف : البابب !!
غزل: مالك شغل !
بارت طويل لعيونكم
انتظروا بارت المغرب🫣
