اليوم الثاني
يوم العزيمه ، كل البنات مجتمعين بغرفة عمتهم نوره يتجهزون بحكم ان غرفتها كبيره ، اللي تسوي شعرها واللي تحط ميكب
غزل : بنات شرااايكم ؟
رغد : اخخ خياال تجنينن بسم الله علليك !
نوره : يحلوو بنت اخووي بس الله يحفظك
هيفاء : يحلوك بسسس
رهف : اوف اوف وانا بنت خقيت يزينك بس
غزل : اهخ احبكم ياخي شكررا
الكل : وحنا اكثر ، والخ
، تجهزو البنات واستعدوا
فساتين البنات
غزل : فستان احمر لايق مع بياضها الجميل وبشرتها الصافيه ، الفستان نوعاً ما قصير واكمامه علاق وماسك من الخصر ومن تحت نافش
رغد : فستان بيبي بنك وقصير وبدون اكمام
رهف : فستان ابيض ناعم وحلو
هيفاء : فستان كُحلي وطالع عليها حلو
نوره : فستان اسود هادي وبدون تفاصيل كثيره
-
ام غزل : بناااات يلا انزلوا تأخررتوا !
غزل : يلا ماما جايه بس دقايق ، بنات تكفون روحوا تحت ابي اروح محمد يبيني واذا شفتوا ماما علموها
البنات : يلا يلا تمام
-
عند البنات نزلوا
نروح عند غزل
غزل تمشي وتسمع الإزعاج اللي تحت وتبي تروح ل غرفة اخخوها
وطلعت من غرفتها وتمشي بسرعه وكانت تكلم رغد بالجوال وتقول لها شوي بس دقايق انزل
وفجاة !
صدمت بشخص اكبر منها بكثير ورفعت راسها وصرخت : ماتناظر انت !!!
نواف وهو مصدوم من البنت هذي اللي تجرأت انها تصارخ عليها وهي اللي غلطانه !
نواف : لسانك هذا امسكيه !
غزل : وع مالك دخل ! مريض
ومشت على طول
عند نواف مصدوم منها !
ويحاول يهدي نفسه
نزل تحت ودخل مجلس الرجال وصار يسلم على الرجال بكل هدوء وجلس جب عيال عمانه .
اما عند غزل راحت لمحمد واعطته البخور وتبخر ونزل بسرعه
ودخل يسلم
وجلس جنب نواف
سأله عبدالرحمن : وينك تأخرت !
رد محمد : اختي غزل مدري شفيها تأخرت وهي كانت بتجيب البخور
نواف عقد حواجبه ، معقول ؟ معقول هي غزل ! غزل اخت محمد اللي صدم فيها !
ولكن نفى تسائلاته واستغفر
وعند غزل نزلت تحت عند الحريم
وسلمت عليهم وجلس مع البنات ، وبعدها البنات راحوا لمجلس لحالهم عشان ياخذون راحتهم
رغد : غزل ارقصي لنا مصري تكفيين
البنات : اي والله تكفين والخ
غزل : امم يلا يلا
رغد : اوف ياشيخه احبك
غزل وهي تضحك :اكثر والله
راحت رغد تجيب اللبس ورجعت واعطته غزل ، لفت الشال على خصرها وشغلوا اغنيه وبدت غزل ترقص يكل احتررافيه
والبنات يصارخون ويصفقون ومبسوطين
بعد الرقص والتعب
غزل : اهخ بنات تعببت
رغد : هههه اسفين اسفين بس رقصك خيال
بعد مده من الاكل والسوالف ،
غزل طلعت برا لحالها تبي تشم هواء
وطلعت عند مزرعة الورد وقعدت
وبعدها لاحظت في باب بعد المزرعه وراحت تمشي له
ومشت الين بعدت عن القصر !
غزل لفت وراها بخوف وهي بعدت مرا عن البيت ! وصارت من الخوف تهلوس وتسمع اصوات كلابه !
بدت تبكي غزل
