هزت راسها وكامت بسرعه لكنتورها تطلعه
رواتني ياه وهزيتلها راسي بمعنى لبسي
جَمرة: اي البسي حلو وشعرج امشطلج ياه قبل لا نروح
سديل: تمام وانتِ شنو حتلبسين؟
ميلت راسي ومال شعري وياي اردفت بهدوء
جَمرة: ما اعرف عود بعدين اشوف عوفج مني اكلتي؟ لو اسويلج اكل؟
سديل: اكلت بس بعدني جوعانه سويلي لفة خيار
اشرت على عيوني وهيا ضحكت بفرح اتقدمت باستني بخدي
ابتسمت وطلعت من الغرفه لكيت اخوي اباذࢪ طالع من غرفته واول ما لمحني ابتسم بحنيه واتقدم اتجاهي
اباذࢪ: شهل وجهه الحلو ابويه انتِ
نزل نفسه وباسني بخدي اردفت بخجل
جَمرة: اخجلل عفيهه اسكت
حضني وهو يضحك نزلنه سويه ودعني وباسني براسي دخلت للمطبخ واني مبتسمه رغم عصبيته بس ينكلب ويانه
سويت لسديل فواكه بدال الفه واخذتلها حليب كوكو الي تحبه انطيتهم ياها اتشكرتني بمرح وهيا تكول
سديل: مو اخت عسل وربي
جَمرة: يلا أمي اكلي ونظفي غرفتج لا تخليها مبعثره
هزت راسها بدون كلام تركتها ورحت لغرفتي شحنت تلفوني ودخلت اسبح..
" سديل "
بقيت حايره شلون انظف الغرفه مبعثره كُلش
بديت ارتب بعشوائيه لحد ما كملت، طلعت لجَمرة اكعد يمها ما احب اكعد وحدي
طرقت الباب وسمعت صوتها وهيا تكول تفضل
دخلت وشفتها توها طالعه من الحمام لابسه بجامه حرير ولازمه المنشفه تنشف بشعرها صفنت بوجهه واني اشوف وجهه الابيض وملامحها الحاده حرفيا جانت جميلةة
فزيت من صفنتي بيها على صوتها
جَمرة: شبيج صافنه
سديل: اريد اصبغ شعري حتى اصير حلوه مثلج
ضحكت بصوتها الناعم وهيا تلتفت تاخذ السشوار
جَمرة: لون شعرج الطبيعي احلى لا تخربيه بالصبغ
سديل: صدك انتِ ليش صبغتي شعرج؟
جَمرة: مدري عجبني اصبغه وصبغته
محجيت شي بقيت اباوعلها وهيا تنشف بشعرها وتمشطه رفعت انظاري على الساعه مبقى شي للاذان
كُلت بهدوء
سديل: شوكت احنا نطلع لبيت جدو؟
جَمرة: ورا الاذان
سديل: عمو سلمان وعمو نوح موجودين هناك؟
جَمرة: ماما كالتلي ملتمين هناك بس ما اعرف اذا كُلهم موجودين لو لا
سديل: اهاا تمام
Part 2
Mulai dari awal
