ពេលរសៀលបានឈានចូលមកដល់យ៉ាងឆាប់រហ័ស បន្ទាប់ពីបានអង្គុយមើលឯកសារអស់រយះពេលយ៉ាងយូរអេរីសមានអារម្មណ៍ថាអស់កម្លាំងហើយចុកស្រពន់ក្នុងខ្លួនខ្លាំងណាស់ តែងាកទៅមើលឡរ៉ែលវិញឃើញថាគេនៅអង្គុយមើលឯកសារយ៉ាងធម្មតា៖
«ដល់ម៉ោងហើយ»មើលនាឡិកានៅលើដៃឃើញថាម៉ោង៥ល្ងាចទៅហើយ អេរីសក៏ទម្លាក់ការងារ ហើយចាប់ផ្តើមរៀបចំរបស់របរដើម្បីត្រឡប់ទៅផ្ទះវិញ
«នែ ដល់ម៉ោងហើយមិនគិតទៅផ្ទះទេ»រៀបចំឥវ៉ាន់រួចឃើញថាឡរ៉ែលនៅឈ្ងោកមើលឯកសារធម្មតាក៏ហៅ
«ចាំបន្តិច!!»នាយសញ្ញ៉េបញ្ចប់រួចបិទឯកសារ អេរីសពេបមាត់ដាក់គេរបៀបជ្រេញបន្តិចរួចក៏ក្រោកឈរដើម្បីចាកចេញ
ទឺត ទឺត
ស្រាប់តែពេលនោះទូរស័ព្ទឡរ៉ែលរោទិ៍ឡើងបង្អាក់ដំណើរអេរីសអោយងាកមកចាប់អារម្មណ៍ភ្លាមៗ។ ឯឡរ៉ែលឃើញលេខនោះក៏ញញឹមរួចចុចទទួល៖
«ហាឡូបាទ»សំដីផ្អែមមួយនេះធ្វើអោយអេរីសដឹងភ្លាមថានាយកំពុងតែនិយាយជាមួយនរណា តែខ្ជិលខ្វល់ក៏ចេញទៅចាំនៅឡានមុន
"ឡរ៉ែលល្ងាចនេះជូនអូនទៅញុំាអីបានទេ អូននៅផ្ទះអផ្សុកណាស់"សម្លេងស្រទន់ក្រអួនក្រអៅពោលឡើងប្រថាប់ចិត្តនាយកំលោះសង្ហារ។ ឡរ៉ែលងាកទៅឃើញថាអេរីសចេញទៅបាត់ហើយទើបឆ្លើយជាមួយនាងជាសង្សារ
«ឆេរីនចង់ទៅញុំាអីនៅឯណាដែរ?»
"បងជូនអូនទៅហ្អេស»នាងក្រមុំពោលទៅរីករាយ
«បងម្តេចអាចបដិសេធទៅបើសំណពព្វចិត្តបងសុំទៅហើយនោះ»
"ហិហិ ឡរ៉ែលរបស់អូនល្អជាងគេ អ៊ីចឹងចាំអូនកក់កន្លែងគេណា បងមកយកអូនផងបានទេ"
«បាទបាន»នាយឆ្លើយយ៉ាងស្រទន់ដូចដឹងថានាយស្រឡាញ់ឆេរីនណាស់ មិនថាឆេរីនសុំអ្វីចង់ទៅណាទេនាយជូនទៅហើយផ្តល់អោយគ្រប់យ៉ាងទាំងអស់
"ចុះប្រពន្ធបងនោះ គេមិនថាអ្វីទេឬ?"នាងបន្ទាបសម្លេងបន្តិចធ្វើដូចជាមានការរអៀសខ្លួន
«កុំខ្វល់អី សំខាន់ឆេរីនរបស់បងសប្បាយចិត្តទៅគឺបានហើយ»
"តែអូនខ្លាច ចុះបើប្រពន្ធបងខឹង អូនមិនចង់បានបែបហ្នឹងទេ!!"
YOU ARE READING
𝐇𝐀𝐓𝐄 & 𝐌𝐈𝐍𝐄
Romanceការរៀបការដែលកើតឡើងដោយបង្ខំ តើទៅមុខនឹងមានរឿងអ្វី???? តួឯក : ថេយ៉ុង អេរីស x ជុងហ្គុក ឡរ៉ែល
