ختام ثلاثيه الاربعيني
ماذا سيفعل سالم الشريف حينما يعشق احد أبنائه فتاه ليست من دينه
و الاخر غارق في عشق اخري بعيده كل البعد عن حياتهم
صراعات كثيره سنعيشها مع أبناء سالم الشريف
الاربعيني
الي ماذا ستنتهي و كيف ؟؟؟
حقااااااا
لا نعلم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صباحك بيضحك يا قلب فريده
الناس بتتكلم كثير..... ومفيش حاجه بتفضل على حالها عشان كده متهتميش بكلام حد..... اللي يقول يقول خليكي واثقه من نفسك واعتبري كلامهم تراب بتقفي عليه علشان تعلي اكثر انا بحبك
ذلك العناق الذي ياتي بغته دون ان نتخيل حدوثه رغم اننا حلمنا به كثيرا يصبح بمثابه قطره المياه التي تروي عطشنا وسط الصحراء يكون حياه بعد ان وصلت الروح الى الحلقوم تنهيده حاره هي كل ما نستطيع فعله للتعبير عن امتناننا بهذا العناق وشده احتياجنا له
هذا كان حال تلك الصغيره التي كانت تبكي بحرقه بعد تلك الكلمه التي تفوهت بها بتلقائيه.....انهي اب..... وقتها نظر لها بعدم فهم يغلفه الشفقه ثم قال -انت نسيتي انك عندك اب ولا ايه الماث اكل دماغك
تبتسم بوهن وتنهار دموعها فوق وجنتيها حينما ردت عليه بقهر ووجع شديد شعر به سريعا -الناس الغلابه دايما بيقولوا ان الاب او الام مش هما اللي خلفوا هما اللي ربوا وتعبوا وشقيو على عيالهم -انا بقى معايا اب شاكه ان هو اللي خلفني اصلا -و مشفتش منه تعب ولا شقي عشان يربيني -من اول ماوعيت على الدنيا وانا مرميه في حضن اخواتي ياسر و ضي هما اللي ربوني وهما اللي اشتغلوا وعلموني -برغم ان هما اجبروها متكملش تعليمها لما رجعوها من عندكم الا انها مقالتش ابدا كلنا نبقى في الهوا سوا -اشتغلت وطلع عينها عشان تعلمني وفي نفس الوقت تاكل بالحلال متمدش ايديها على جني من بتاعهم -وياسر برضو بقى يشتغل ويدرس ويساعد ضي في مصاريفي -معرفش يعني ايه حضن ام ومعرفش يعني ايه حنيه اب -شفت الكلام ده عندكم هنا لما دخلت بيتكم -يمكن عمو سالم وطنط سمر بيحاولوا يعوضوني او يحسسوني بحنان الام والاب واحتواءهم
-بس مبحاولش اطمع في الحنيه دي ولا اعيشها عارف ليه -عشان عارفه ان ده مش مكاني ولا بيتي..... حتى لو اختي كملت مع جوزها وربنا يكرمهم ويسعدهم هيكون بيتها هي مش بيتي انا -مقدرش افرض نفسي على حد لو روحي فيه -ماهو عدي بيحبها هي مش اخدها باكدج.....
-اقولك حاجه..... نفسي انجح قوي عشان ادخل الكليه اللي بحبها -وابدا اشتغل واصرف على نفسي -هأجر اوضه ان شاء الله فوق السطوح على قدي اعيش فيها انا واخويا او لوحدي -هملاها زرع وورد عشان بحبهم -هاكل بفلوسي من غير مااكون جعانه واتكسف اطلب -هحوش منها عشان على بال مااخلص الجامعه اقدر افتح مكتب يبقى بتاعي مشتغلش عند حد
