اذوب فيك موتا "الاربعيني 3"

🌷الفصل السادس🌷

الفصل السادس

صباحك بيضحك يا قلب فريدة

"ولسوف يعطيك ربك فترضى"

عن جمال الآية دي واحساس الامان اللي هيتولد جواكي مجرد ما تقريها

حسي بيها وكوني على يقين ان ربنا هيديكي وهيرضيك لحد ما ترضي وتنسي كل الشقه والتعب

اللي تعبتيه

كل الهم اللي كان على كتافك هينزل وهترتاحي بس قولي يا رب ..... انا واثقه

وبحبك

لطمت خديها بقوه وهي تقول بجنون : يا نهاااااار اسود..... انتِ اتجنيتي يا ضي ايه اللي انتِ عملتيه ده انا مش مصدقه الي سمعته ...... هكذا صرخت سما حينما عادت من احدى الدروس الخاصة التي تتلقاها وعلمت بما فعلته تلك المجنونة الحمقاء

نزلت دموعها بحرقه وهي تكمل : مش هقولك حرام عليكي نفسك علشان نفسك هانت عليكي

..... حرام عليكي الراجل اللي بيعشقك وبقى له اربع سنين بيراقبك من بعيد وبيحميكي

وانا متأكدة انه ما حاوليش يقرب ويكلمك غير لما بقى مش قادر يتحمل بعده عنك

ليه كده يا طيب..... ليه توجعيه وتموتي نفسك بالحياه

هدرت بجنون : حسين...... حسين يا ضي كلب ابوكي اللي ولا عارفين له اصل ولا فصل

ولا حتى عارفين بيشتغل ايه كلنا نعرفه ان هو تبع ابوكي انا مش هسمحلك تكملي في اللي انتِ فيه ده ابدا

ولو فكرتي تتجوزيه لا انت اختي ولا اعرفك

كفاااااااايه...... كفايه حرام عليكي......تلك كانت صرخات ضي المذبوحة و التي أطلقتها حينما فشلت في تحمل المزيد

بكت بقهر ثم اكملت : انا بموت.....بموووووت وماحدش حاسس بيا انتِ فاكره اللي عملته ده صح

ولا انا هقدر عليه...... مش هقولك انا ما بطيقش ابن الكلب ده

لاااااااا...... انا ما بشوفش قدامي راجل غير عدي..... انا نفسي مش قادره استوعب اني هكون لحد غيره

كنت مقرره اني ولا هبقى ليه ولا لغيره

بس للأسف ماكانش قدامي اختيار تاني هو اللي اجبرني اني اعمل كده