ليتك كنت رحيم

💖 الفصل 39💖

نظر رحيم لريان وعيناه تطق شرار وغضب شديد وقال بصوت عالي انت غبييييييي ايه اللي انت عملته ده ازاي تقول لها حاجه زي كده ده انا حمدت ربنا ان جدك مش موجوده ومسافر عشان كنت خايف ان هو اللي يقول الكلام ده تيجي منك انت يا حيوان ده انت اكتر واحد كنت بتلومني على اللي حصل لها اتفضل اطلع بره ومش عايز اشوف وشك تاني لا في البيت ولا في الشركه وانسي ان ليك اخ اسمه رحيم

قال ريان بندم شديد انا اسف يا رحيم والله ما اعرف انا قولت كده ازاي والله كان غصب عني لما شفتك غرقان في دمك لما تخيلت للحظه انا ممكن اخسرك انت كل حاجه ليه في الدنيا دي

قال رحيم بصوت حزين ولما انا اغلى حاجه عندك عملت كده ليه انت خربت كل حاجه اتفضل اطلع بره ومش عايز اشوف وشك تاني

صقفت ندى بقوه وقالت باستهزاء برافو برافو برافو برافو عليك والله والله صدقتك لا بجد شابو انت عايز تفهمني انك هتقطع علاقتك باخوك حبيبك اللي انت انتقمت مني علشانه اخوك اللي انت كان عندك استعداد تتنازل له عن حبيبتك لو كان هو عايزها حتى لو هي مش عايزاه يا راجل ده انا كنت بعذرك عشان خاطر حبك لاخوك بس لا بجد تمثيلك رخيص قوي

قال رحيم بصدمه انتي بتقولي ايه يا ندى انا مش بمثل انا اخويا غالي عندي بس انتي كمان غاليه عندي ومش هقبل ان اي حد مهما كان غلاوته عندي انه يهينك أو يجرحك

قالت ندى بحرقه بقول الحقيقيه انت مش كان عندك استعداد تسيبني عشانه انا اللي بقول لك انا مش عايزاك وبعدين هو ما قالش حاجه غلط انا فعلا تربية ملاجئ وتربية شوارع ما الكلام ده انا سمعته منك انت وجدك ولا نسيت معلش ما جتش عليه هو كمان بس هو بقى عرفني انتوا شايفين ازاي وان الكل متفقين معاك عليا

قالت وفيه بسرعه قسما بالله العظيم ما اعرف حاجه عن الاتفاق ده ولا اتفقت عليكي مع حد حتى موضوع ان هو ماطلقكيش انا اتفاجئت بيه زيك بالظبط صدقيني يا ندى صدقيني يا حبيبتي

قال عزيز بصوت حزين وانا يا ندى فعلا راجل مش محترم عشان في لحظه ضعف فكرت غلط واخدت حقي من مراتي وبنتي وبسبب اللي انا عملته كنتي انتي الضحيه الوحيده ومهما اعتذرت لك وتاسفت لك

عارف ان انا عمري ما هعوضك عن اللي فات بس انا بجد ما كنتش اعرف اي حاجه من اللي حصل ما كنتش اعرف ان رحيم ما طلقكيش وما اتفقتش معاه على حاجه

قال حازم فعلا يا ندى عزيز ووفيه وجدك والبنات ما يعرفوش اي حاجه احنا اللي اتفقنا مع رحيم بس مش عشان كل الهري اللي ريان قاله لا عشان كلنا عارفين ان رحيم فعلا بيحبك وندمان وانتى كمان بتحبيه

قالت ندى وهي تنظر لرحيم اسمعني كويس قوي اول ما تخرج من المستشفى تجيب الماذون وتطلقني يا اما هرفع عليك قضيه خلع ماشي وده اخر كلام عندي