هوس العقل

بارت (1)

«بقـَلم الڪاتبه رهف»

رواية جديده وڪاتبه جديده اتمنى تعجبكم الرواية.

__________________

رواء: ولج سيلا كومي بدلي بسرعه حتتأخرين عن الامتحان
سيلا: كمت مفزوعه شنو ليش مدك المنبه ليش
رواء: كافي حجي كومي بسرعه بدلي علما احضر الريوك
سيلا: دخلت سبحت وبدلت بسرعه ومشطت شعري بسرعه وحطيت مسكاره وتنت ورتبت حواجبي وتعطرت ونزلت اتريك
رواء: يلا سيلا تأخرتي
سيلا: اي ماما اكلت شويه وطلعت بسرعه امشي سريع واراجع الامتحان وصلت للمدرسه ودخلت امتحنت والاسأله تجنن جانت وجاوبت واتوقع درجتي عاليه خلص الامتحان وطلعت انتضر بابا يجي ياخذني
علي: بابا سيلا تعاي هنا اني
سيلا: هابابا رحت بوسته وحجيتله كلشي وكلتله شلون جاوبت كتله چا وين ميلا مجبتها من المدرسه؟
علي: شوكت تبطلين تكولين چا بعدين لا هسه نروح نجيبها سوا
سيلا: بابا احبها شسوي متعوده ماحب اكول لعد
(تعالو اعرفكم على عائلتنه احنه اربع نفرات بل بيت بابا علي وماما رواء واني الجبيره سيلا واختي الصغيره ميلا طبعا مواصفاتي اني بنيه حنطاويه موبيضه حيل ولا سمره حيل بشرتي تجنن عندي شامه جوه عيني زايده جمالي شعري اسود يوصل يم خصري طولي 155 عمري17صف خامس علمي دخلت علمي جان ببالي ادخل صيدله كولش احبها اختي خامس ابتدائي وبابا عمره30وماما25حتكولون شون امج وابوج صغار تزوجو عن حب ماما تزوجت بعمر ال14 فلهاذا ماما صغيره نرجع للماضي)
سيلا: رحنه لمدرسه ميلا حته نجيبها وجان تطلع تبجي ووجها احمر نصدمت لان اختي اعز شخص عندي بابا شنوهاي شبيها ميلا نزلت من السياره اركض حاجيتها شنو شبيج ليش تبجين وابوس بيها
ميلا: اخذت بل امتحان90من100والمشرف كرم صديقاتي كلهن اله اني
سيلا: ضحكت وحاجيت بابا كتله حدخل اشوف الاداره ليش ممكرميها مثل البنات
علي: يلا بنتي لاتتأخرين امج تنتضرنه ع الغده
سيلا: اي بابا دخلت للمدرسه وحاجيت المديره كلتلها اريد احجي وي المشرف مقبلت بل بدايه بس اصريت وكالت دخلي للمكتب تلكينه دخلت واشوف شخص اسمر ولابس اسود وفاتح رجليه بطريقه رجوليه ويشرب جكاره ويخابر عنده طبره بحاجبه عقد حواجبه من شافني
سيلا: عفوا استاذ ممكن احجي وياك
اهلا عيني اي اتفضلي شنو تردين؟
سيلا: يحجي بطريقه بارده كتله استاذ مومن حقك تكرم كل البنات اله اختي
عقد حواجبه بلزايد بس يحاول يبين هوا بارد وكال هلشي راجع الي انتي الي مومن حقج تدخلين للمكتب وتتجاوزين
سيلا: بس جاي تفرق انته وهيه طفله صغيره
يصير خير طلعي برا بلا زحمه
سيلا: نغثيتت حيلل منه وركعت الباب وطلعت سمعت ضحكته ومهتميت
علي: هابابا شنو شكال
سيلا: انسه بابا مصار شي وصلنه للبيت ولكينه ماما طابخه دولمه
رواء: شو تأخرتو
سيلا: حجيتلها كلشي صار وضلو يضحكون ماما وبابا
كملنه اكل وغسلت المواعين ورحت انام ساعه واكعد ادرس للامتحان باجر اخر يوم امتحانات نمت وكعدت اراجع وغسلت ملابسي ونمت ودك المنبه ب5كعدت هم راجعت ولبست صدريه سوده طالع نص رجليه منها وقميص ابيض وشسورت شعري صار حيل طويل ولبست حذاء سوده وحطيت مسكاره وتنت وتعطرت ونزلت اكلت وطلعت للامتحان ودخلت سميت بسمالله وبديت امتحن دخلت المديره وكالت حيجي مشرف ماريد اي حركه اني مهتميت بالي كله يم الاسأله سمعت شخص كال السلام عليكم مرديت بقيت احل والبنات كلهم ردو الوحيده اني مرديت ولا رفعت راسي المديره كالت اهلا وسهلا بيك استاذ شُهيب كملت امتحان واريد اسلم الورقه حته اطلع وانتبه المشرف نفسه الي لكيته بمدرسه اختي ولكيته صافن عليه كلت اكيد عرفني خزرته دار وجهه انطيت الورقه ردت اطلع كال محد تطلع عرفته يقصدني رجعت لمكاني خلصو كل البنات بقه هوا مراقب علا القاعه طلعن البنات بقيت اني اجيت اطلع كال هم انتي كتله شعليك انته الي كلساع تطلع بطريقي خزرني وكال اخر مره تحجين هيج وياي كتله ومنو كال حشوفك حته احجي هيج وياك ابتسم وهمس لنا لقاء ومشوار طويلل ما انكر خفت وعفته وطلعت رجعت مشي افكر بكلامه واني امشي اشوف سياره مضلله عاليه تمشي وراي ركضت وما احس اله واكعه ع وجهي واغمه عليه كعدت بغرفه ضلمه واشوف شخص طويل كبالي وملثم بلثام اسود بس عيونه مبينه
سيلا: منو انتهه؟
________________
حبايب البارت قصير بس هاذا الاكدر عليه وطبعا  والقصه موقصتي طبعا اتمنى تعجبكم