ليتك كنت رحيم

💖 الفصل 38💖

قالت ندى لحازم انا حامل

نظر لها حازم وهو يبتسم بفرحه وقال بجد يا ندى الف مبروك يا حبيبتي انتي ما تتخيليش رحيم هيفرح قد ايه بالخبر ده انتي ما تعرفيش رحيم كان نفسه يسمع الخبر ده قد ايه ده كان بيحلم ان انتي تبقى ام اولاده بس طبعا كان فاقد الامل عشان انتي كنتي بتاخدي حبوب منع الحمل

قالت ندى باستغراب هو رحيم كان يعرف ان انا باخد حبوب منع الحمل

قال حازم اه كان يعرف لما انتي طلبتيها من الشغاله اللي عنده قالت له هو قال لها هات لها اللي هي عايزاه وزعق لها وقال لها لما المدام  تطلب منك حاجه وتقول لك ان انا ما اعرفش ياريت تحترمي رايها وتنفذي لها اللي هي عايزاه

قالت ندى وهي تبتسم بهم ده حتى ماقاليش ولا جاب لي سيره ولا اتكلم معايا في الموضوع ده خالص

قال حازم رحيم كان عايز يعمل اي حاجه عشان خاطر يرضيكي وكمان ما كانش عايز يخليكي تعمل حاجه غصب عنك رحيم بيحبك قوي يا ندى وندمان على اللي حصل ونفسه يعوضك بجد انتي عارفه ياندى لما لما اختفيتي وانتي في الغيبوبه رحيم كان بينام في الاوضه اللي في الزريبه اللي انتي كنتي بتنامي فيها وكان بينضف الزريبه وبينظف الاسطبل وكانت حالته النفسيه وحشه قوي انتي عارفه اليوم اللي انتي ظهرتي في وجيتي الشركه كان اول يوم رحيم ينزل في الشركه من بعد ما انتي ما اختفيتي

قالت ندى باستغراب رحيم عمل كده عشاني

قال حازم اه عمل كده عشانك عارفه عمل ايه تاني بعد ما انتي ما رجعتي باع  المزرعه انا يمكن اول مره اتكلم معاكي في حاجه زي كده بس بجد انا شايف واحد بيحبك قد ايه وندمان قد ايه ادي له فرصه وادي نفسك فرصه عشان خاطر ابنكم اللي جاي يتربى في وسطيكم

قالت ندى بعد الكلام اللي قاله لي ريان فتح عينيا على حاجه مهمه قوي ان انتم كلكم شايفيني تربيه ملاجئ وتربيه شوارع

قال حازم باستغراب هو الحيوان ده قال لك ايه

قالت ندى قالي كلام كتير كلام خلاني اعرف الناس شايفين ازاي واولهم اهلي ثم حكت له كل شيء قاله ريان

قال حازم ريان ده حيوان وانا هجيب لك حقك منه بس انتي ما تعرفيش رحيم بالنسبه لريان ايه ده كل حاجه ليه في الدنيا دا بيعتبره أبوه وأخوه وصاحبه ولما شافه غرقان في دمه خلاه يقول كلام اهبل في ساعة غضب

قالت ندى انا مش مستنيه حد يجيب لي حقي انا اعرف اجيب حقي بنفسى من ريان ورحيم وكل واحد فيكم اتفق عليا مع رحيم بس انا في الاول كنت بقول ان انتوا عيلتي بس ريان فوقني عرفني حاجه مهمه قوي انتوا شايفين ازاي وياريت رحيم ما يعرفش ان انا حامل

قال حازم انتي بتقولي ايه يا ندى احنا ممكن نكون وقفنا مع رحيم عشان شايفين ان هو بيحبك بجد مش عشان كل الهري اللي ريان قاله وبعدين انتي ناويه على ايه