ليتك كنت رحيم

💖 الفصل 36💖

نظر له رحيم باستغراب وصدمه وذهول وشر وقال تامر انت بتعمل ايه هنا وعايز ايه ثم نظر له بشر وقال ارمي يا حبيبي اللعبه اللي في ايديك دي بدل ما تعورك وامشي من هنا بالذوق بدل ما تخرج على نقاله

قال تامر هقتلها يا رحيم واحرق قلبك عليها زي ما حرقت قلبي على اختي

قال ريان اختك غلطت وخدت جزاءها احنا مالنا وندى مالها انت ناسي اختك عملت فيا وفيها ايه دي كانت عايزه تموتها

قال رحيم بصوت عالي اختك هي اللي عملت كل حاجه من اول اللي عملته في ريان وسرقتها لشركتي  وكانت عارفه ومتاكده ان ندى مظلومه وكانت بتتبلى عليها وبتظلمها وفي الاخر كانت عايزه تقتلها وانا مش هسيب اي حد يئذي ندى تاني

قال تامر بس هي اللي بلغت عن نجلا وهي اللي كانت السبب في حبسها وموتها في السجن يبقى لازم تموت

خرجت ندى من وراء ظهرهم وقالت بكل قوه اوعي تكون فاكر ان انا خايفه منك ولا من البتاع اللي انت ماسكه ده تبقى عبيط ثم قالت بصوت عالي عشان انا ما عملتش حاجه لاختك اختك هي اللي ظلمتني انا اكتر واحده اظلمت في الموضوع ده كله ومستقبلي ضاع وحياتي كلها ضاعت واتدمرت بسببها واتغدر بيا من الانسان الوحيد اللي حبيته اتذليت واتضربت وتهنت بسبب حاجه انا ما عملتهاش خلاص بقيت انا الجانيه مش المجني عليها

قال تامر وهو يبكي بحرقه انا اختي ماتت محروقه في السجن يعني ربنا اخذ لك حقك منها في الدنيا ممكن تسامحيها عشان خاطر ربنا

قالت ندى وهي تبتسم باستهزاء ودموعها تغرق وجهها اسامحها عادي كده وانسى اللي فات وافتح صفحه جديده ما انا عبيطه وكله يدوس عليا وفي الاخر يقول لي سامحيني وانسى اللي فات

ركع تامر على ركبتيه أمام ندى ووقع منه المسدس وقال بانهيار وحزن شديد وحياة اغلى حاجه عندك سامحيها اختي اتعذبت قوي وهي بتموت بصي انتقمي مني انا خدي حقك مني انا انا عندي استعداد اعمل لك كل اللي انتي عايزاه بس سامحيها

قالت ندى اللي بيسامح العباد ربنا ربنا يسامحها ويسامحني ويسامح الكل

قام تامر وهو يمسح دموعه وقال يعني انتي سامحتيها

قالت ندى اختك دلوقتي في دار الحق واحنا في دار الباطل وانا سامحتها عشان لما اموت الاقي اللي يسامحني

قال تامر بجد بجد انتي سامحتيها انتي انسانه محترمه جدا وقلبك طيب وكبير  وياريت تسامحيني على اللي انا عملته فيكي وما خليتكيش تهربي من الجحيم اللي انتي كنتي عايشه فيه عن اذنك وقبل ان يذهب

قالت ندى تامر البقاء لله ربنا يصبرك على فراق اختك

نظر لها تامر بامتنان وقال ونعم بالله شكرا انا بجد مش لاقي كلام اقولها لك ثم ذهب