ليتك كنت رحيم

💖 الفصل 35💖

كانت ندى تجلس في الكافيه تفكر في ما يحدث معاها فوجدت من يضع يده على كتفها فانتفضت ونظرت له وبخوف شديد ورعب وقالت رررر........ رحيم انت بتعمل ايه هنا

قال رحيم بحزن مالك يا ندى انتي خايفه ومرعوبه كده ليه انتي خايفه مني ما تخافيش يا ندى انا مش ممكن اعمل حاجه تاذيكي

نظرت له ندى وهي تتصنع القوه ولكن بداخلها يرتجف من الخوف وقالت وانا هخاف منك ليه وبعدين انت ايه اللي جابك هنا عايز مني ايه ما تكونش شمتان فيا بعد اللي عمتك عملته فيا

قال رحيم بصوت حزين انا يا ندى اشمت فيكي يااااااه يا ندى انتي للدرجه دي شايفاني وحش قوي كده وبعدين في حد بيشمت في روحه في حبيبته

قالت ندى بانفعال والنبي بلاش الكلام ده عشان احنا كل واحد فينا راح لحاله سيبني في حالي الله يخليك وروح لحالك

قال رحيم انتي حالي ومالي وحبيبتي وروحي وقلبي ودنيتي كلها

قالت ندى بصوت مهموم والنبي عشان خاطري سيبني في حالي الله يخليك انا فيا اللي مكفيني وما فيش روح للمناهده معاك

قال رحيم طب ايه رأيك نفتح صفحه جديده وننسي اللي فات ونبقى اصدقاء ولو في حاجه مضايقاك تحكي لي وانا لو في حاجه مضايقاني احكي لك

قالت ندى وهي تبتسم والله انت فايق ورايق ما انت عارف كل اللي انا فيه

قال رحيم حد يشوف القمر ده وما يبقاش فايق ورايق وبعدين انتي ايه اللي مقعدك لغايه دلوقتي هنا مش خايفه من وفيه

قالت ندى خايف طبعا وعارفه ومتاكده هي هتعمل ايه ثم نظرت له وقالت تفتكر يا رحيم ماما عندها حق في اللي هي عملته النهارده

قال رحيم عايزه الحق ولا ابن عمه

قالت ندى الحق طبعا

قال رحيم عندها حق طبعا عشان هي خايفه عليكي وبعدين حد يبقى عنده بنوته قمر كده ويسيبها تقعد لوحدها ينفع وبعدين انتي عارفه ان عزيز بيحبك واللي حصل كان غصب عنه ولو كان يعرف اللي حصل لك اكيد ما كانش سابك في الملجأ وما كانش كل ده حصل بس ده مقدر ومكتوب

قالت ندى تفتكر بابا ممكن يسامحني بعد اللي قلته واللي عملته

قال رحيم مش لو كان زعلان منك اصلا عزيز ده ما فيش اطيب ولا احن منه

قالت ندى بصوت حزين ودموعها تنزل بشده انا خايفه قوي يا رحيم خايفه ومرعوبه اقوم في يوم من النوم ملاقيش حد معايا ملاقيش حد جنبي خايفه يسيبوني تاني

اخذها رحيم في حضنه بلهفه واشتياق وهو يمسح على شعرها بحنيه وقال ما تخافيش يا ندى ما تخافيش يا حبيبتي ما حدش فينا هيسيبك لا انا ولا وفيه ولا عزيز ولا الكل احنا كلنا معاكي وفي ضهرك بس انتي ادينا الفرصه نصلح اللي حصل