ليتك كنت رحيم

💖 الفصل 34💖

قال صقر طب الخطوه اللي جايه ايه

نظر له رحيم باشمئزاز وقرف وقال وهو يشم رائحة ملابسه هو ايه القرف اللي انت رشه عليا ده يا صقر

قال صقر والله ما اعرف ده الدكتور حازم اللي مدهوني وقال ارش عليك عشان انت ما بتشربش خمره

قال حازم ده سبرتو بتاع الجروح وعليه خل تفاح اقرب حاجه لريحه الخمره

قال ريان انتوا هتسيبوا المهم وتمسكه في الريحه وفي الخمره عايزين نعرف الخطوه الجايه ايه وهتعرفها ان هي لسه مراتك ولا لا وان انت ما طلقتهاش 

قال رحيم بصوت مهموم مش عارف اعمل ايه انا هسيبها لغايه ما اعصابها تهدى وتفكر بقى هي عايزه ايه بس اهم حاجه عزيز ووفيه وجدي والبنات
ما يعرفوش حاجه عن اتفاقنا ده ولا اللي حصل وانتوا سيبوها بقى تعيش حياتها براحتها خليها تحس بحريتها يعني ما حدش يوديها في حته ولا يجيبها خليها تروح لوحدها وتيجي لوحدها

قال ادهم باستغراب ازاي يعني مش فاهم انت عارف ان هي ما معهاش عربيه وما بتعرفش تسوق عشان نجيب لها عربيه تروح وتيجي بيها

قال رحيم ما انا جبت لها عربيه بالسواق هيوديها ويجيبها وده هيبقى تحت عينيا طبعا فهمت بقى عن اذنكم هاروح استحمي واغير هدومي من الريحه المقرفه دي وذهب

ذهبت ندى الي غرفتها ووراءها الجميع ولكن عندما دخلت غرفتها وقفلت الباب قال عزيز خليكم انتم هنا وانا هدخل اتكلم معاها

قالت وفيه وهي تبكي وانا هدخل معك عشان اطمن على بنتي

قال عزيز بهدوء ورجاء عشان خاطري يا وفيه سيبيني انا ادخل اتكلم معاها وبعد كده انا هطمنك عليها

قالت وفيه بستسلام حاضر يا عزيز

دخل عزيز الغرفه فوجد ندى تجلس على السرير وهي تبكي وتتشحتف بحرقه جلس بجانبه واخذها في حضنه باحتواء وحنيه وقال بتبكي ليه يا قلب بابا مش عملت كل اللي انتي عايزاه

قالت ندى ببكي على قلبي اللي انكسر وعمري اللي ضاع مني وحياتي اللي خربت وحبي اللي ما شفتش من وراه غير الغدر ووجع القلب

قال للدرجه دي بتحبيه

قامت ندى وقال وعمري
ما حبيت حد ولا هحب حد زي ما حبيته بس انا اخدت ايه من الحب غير الوجع وقلبي اللي اتكسر

قال عزيز بس انا عايز اقولك كلمتين خليهم حلقه في ودنك احنا بني ادمين يا بنتي مش ملايكه مفيش حد معصوم من الغلط بس في انسان بيغلط وبيتمادى في غلطه في انسان ثاني بيندم على اللي هو عمله ده ربك غفور رحيم وكل انسان من حقه فرصه تانيه ورحيم من حقه فرصه ثانيه اللي انا شفته تحت ده واحد مدبوح واحد ندمان بيحب وندمان  والندم بينهش في قلبه اديلوا وادي حياتكم فرصه تانيه يا قلب ابوكي