#عكد الظفيرة
بقلمي/زنـــــايب ꨄ︎ .
لاتنسون تصويت وتعليق بين فقره وفقره لطفاً وصلونه ست الاف تعليق🥹🤎
+تصاميمكم 🦋.
صلوا على محمد وال محمد
- قراءه ممتعه -
_الليلة شابگني الحزن شبگة ظفايرّ .
𓂃 𓂃 𓂃 𓂃 𓂃 𓂃 𓂃 𓂃 𓂃 𓂃
جوري:-
كمت اباوع للساعه دكت 8الليل وبعده ماجاي
تنهدت راجعه كاعده على طرف جربايه
جوري_جذاب، حجالي اجيج
كمت طالعه من الغرفه فايته للمطبخ اباوع لكيت مخلي على طباخ جدريه فافون صغيره وعليها قبق
مشيت ناحيه الطباخ موخره القبق اباوع للاكل
جوري_هسه اني بيه حيل اوكل روحي
رجعت القبق اباوع للشباك عليها برده تول قصيره حمره وخرتها اباوع للشارع عباره عن ضلمه والماي تارس شارع
جوري_معقوله بعدها تمطر
فتحت الشباك جايني هوى بارد قوي وحاسه برطوبه اخذت نفس قوي مبتسمه
جوري_واكف المطر
اتقربت اكثر مطلعه راسي شوي عيوني دور على الفرع
جوري_احنه وين؟
اجت عيني على بزونه صغيره تركض وراها بزون اسود جبير والبزونه طالع صوتها
جوري_شكد حقير شكو يركض وراها
درت على جهه لخ اباوع وين راحوا بس اسمع صوت البزونه صغيره عكدت حواجبي ضايجه
جوري_ياروحي انتي كل يوم معذبينج وماكدر اسوي شي
تنهدت عارفه قافل الباب بس رحت محاوله
سديت الشباك رايحه ناحيه الباب اباوع مخلي حديده هيه التفتح الباب جريتها ماتنجر غمضت عيوني قوي اريد اسحبها حتى ينفتح ماكو
وخرت اباوع الايدي صاير ضغط على اصبعي بلون ازرك تنهدت انفخ على اصبعي
جوري_هم قافله
برجلي دفرت الباب رجعت للمطبخ فاتحه الشباك اباوع
جوري_وينها ليش اختفى صوتها... اكلها المسربت
درت وجهي للفرع الكدام بيتنه جايه اضويه عاليات
ضيكت عيوني مفوته راسي جوه راده الشباك بسرعه
جوري_هوه؟
وكفت سياره فتحت شباك شويه لكيت غير سياره ومامضلله بس هم عاليه مكتوب على جامتها الحكومه.
ركزت بنص ضلمه وشفته ذياب بيده سبحه مطلع ايده من جام وايده ثانيه لازم تلفون
جوري_اجاني المسربت.
