ليتك كنت رحيم

💖 الفصل 33💖

كان الجميع في حالة صدمه وذهول واستغراب من رفض ندى لرحيم

قال رحيم بصدمه وذهول وانفعال نعممممممم يا ختي انتي بتقولي ايه انتي اكيد بتهزري صح

قالت ندى بكل برود لا ما بهزرش انا مش موافقه عليك فيها حاجه دي انا حره

قال رحيم بذهول انتي حره كنتي بتضحكي عليا وبتخليني انفذ لك كل اللي انتي عايزاه وفي الاخر ترفضي ثم صقف لها وقال برافو عليكي حته عيله تعمل معايا انا كده بجد شابوه ثم نظر لها بشر وقال تبقي بتحلمي لو فكرتي ان انا يتعمل معايا كده عشان انتي ملكي انا بتاعتي انا وبس

قالت ندى بكل برود وهي تربع يدها  اخبط دماغك في الحيطه اشرب من البحر بس انا مش هتجوزك وهتجوز الراجل اللي على مزاجي انا واللي عندك اعمله اعلى ما في خيلك اركبه

كاد رحيم ان يذهب إليها وهو في قمة الغضب ولكن لحقه ريان وحازم ومسكوه قال رحيم ماشي يا ندى براحتك قوي بس انتي لسه ما تعرفيش مين هو رحيم الرشيدي وممكن يعمل ايه عشان انتي مش هتتكتبي على اسم راجل تاني غيري وان شاء الله هعيد تربيتك من اول وجديد

قالت ندى وهي تبتسم ببرود لا عارفاه وعارفاه كويس قوي وما فيش حد عارفه قدي وهتجوز واعيش حياتي وانت مش هتقدر تعمل حاجه

قالت وفيه بصوت عالي بسسسس بقى كفايه كده انتوا الاتنين ثم نظرت لندى وقالت عملت اللي انتي عايزاه وارتحتي ياريت بقى ما اسمعش صوتك
ثم نظرت لرحيم وقالت وانت تستاهل كل اللي يجرالك اتفضل بقى ما عندناش بنات للجواز

قال رحيم بذهول انتي بتقولي ايه يا وفيه انتي موافقه على الكلام اللي هي بتقوله ده وبتطرديني كمان

قالت وفيه بانفعال اه بطردك عشان انا بعتبرك ابني واخويا وصاحبي بس بنتي ورايها ليهم الاولويه عندي واللي هي عايزاه انا معاها فيه حتى لو كان رأيها غلط

قال رحيم وانت يا عزيز موافق على كلام بنتك ده

قال عزيز وهو يحتضن ندى باحتواء والله اللي بنتي عايزاه واللي يريحها انا معاها فيه وعمري ما هغصبها علي حاجه هي مش عايزاها عشان دي حياتها وهي حره فيها حتى لو كان قرارها غلط هقف معها وهكون سندها وضهرها واحميها كمان

قال الرشيدي وانا كمان مع ندى في ايه حاجه هي عايزاه ومدام هي مش عايزاك هي حره الجواز مش بالعافيه يا ابني كل شيء قسمه ونصيب

نظرت ندى للرشيدي بذهول واستغراب وقالت حضرتك بتتكلم بجد انت موافق على كلامي غريبه ده انا قولت انك اكتر واحد هتعترض وهتاجمني

قال الرشيدي طبعا يا قلب جدك انا معاكي وإذا كنت غلط قبل كده فأنا اتعلمت الدرس كويس قوي يا نور عين جدك وقلبه

قال رحيم بانفعال يعني ايه كلكم معاها في اللي هي بتقوله ده موافقين

قال ادهم اه كلنا معاها وفي ضهرها في اي حاجه هي عايزاه عشان هي صاحبة الرأي الأول والأخير عشان دي حياتها وهي اللي هتعشها