#عكد الظفيرة
بقلمي/زنـــــايب ꨄ︎ .
لاتنسون تصويت وتعليق بين فقره وفقره لطفاً +تصاميمكم 🥹🩵.
صلوا على محمد وال محمد
- قراءه ممتعه -
_
أنگصت الگصيبه وچف الدم بالعرك
چان الهوى بيها ....وهسه الهوى أختنك .
𓂃 𓂃 𓂃 𓂃 𓂃 𓂃 𓂃 𓂃 𓂃 𓂃
ذياب_
فتحت عيوني صافن متصنم جسمي عيوني عليها شعرها منكص ب اطراف عشوائيه وقصير صاير على وجها ودم تارس وجها
تقربوا ناس يمها يباوعولها مشيت على كيفي اتحرك
باهته ملامحي همست بصوت ناصي حيل
ذياب_جوري
درع_جوررري
راحلها درع بسرعه موخر ناس منها حاط عليها جاكيته وصلت يمها طايح على كب رجلي
درع_اخواني ولاتفوتون روحكم ماكو شي كل واحد يكمل دربه
_خطيه شنو ماتت
درع_حجيه دحكي الدربج
اني اخذت ايدها بدون مارمش بس اباوعلها
درع_ارفعها فوتها جوه
ذياب_جوري بابا
قربت اصبعين مني خايف وارجف خليتهن على ركبتها حسيت بنبضها بلعت ريكي متنهد عارف عايشه
درع_فوتها جوه ذياب
ماسمعت الاحد قربت ايدها الشفايفي بايسها
درع_يلا ذياب
مديت ايديه جواها اريد اشيلها وماكدرت مغمض عيوني قوي
ذياب_كرم
اندار منتبهلي رفعت عيوني صاير غواش بيهن
ذياب_فز وياي
درع_الشنو
ذياب_ارفعها
درع_اساعدك !
نزلت راسي اباوعلها اريد ارفعها ماكدرت حاس حيلي انهد درع فات جوه شوي واجوا مخلين غطوه بيضه جواها رافعينها مخلينها على سديه
فوتوها جوه سريع اسمعهم يحجون عن الناس الواكفه
_ياوداام مريض امشوا هيج
رفعت رجلي حاط ايدي على وجهي متچيها على كب رجلي مغمض عيوني جسمي يهتز وايدي ثانيه على فخذي... طايحه مني ظفيرتها
درع_لاتضل هيج فارد نفسك بسياره انزل
ضربت على سيارته مأشرله ينزل
درع_يلا
