لعبة القدر

『 𝐏𝐀𝐑𝐓 17

الفصل الأول | ظل من الأمس 🍁

🎭 الجزء السابع عشر | لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

  🌟 ما تنساينيش من النجمة 🌟

مر أسبوع على الأبطال ديالنا كل واحد كيفاش داز عليه كاين اللي جا عندو روتني كين اللي وسط روتين تزدو عندو أحاسيس و كين اللي كيحارب الأحاسيس اللي ما بغاتش تفارقو واش قلبوا ولا عقلوا حيث الحرب نايضة بينتهم كيقولوا أن (العقل بلا قلب قاصح و القلب بلا عقل كيكون عمى) وكين اللي الخبث عامي ليه عينيه بالأخص إلا جمع بين الخبث و نرجسية
في الجامعة في الجيهة ديال الصالات اللي كبار حتى هوما ولكن ماشي كبر من لأنفي  بضبط عندها هي اللي كانت مركزة بعينيها معاه و هي في صراع داخلي كتحاول تركز مع أش كيقول وماشي معاه و مع حركاتو و ماشي مع طية ديال الشوميز اللي لونها أخضر داكن اللي غادي يخرجوا منها عضلاتوا وماشي مع شعيرات اللي مزينين ليه يديه مع الساعة اللي زيداه فخامة علي فخامة خصيصا لونها الأبيض اللامع هد شي كلو و مابغاتش تركز معاه كتحاول تطفي عينيها و تخدم غير ودنيها و كتسهى عوتاني مع صوتوا الحرش رجولي اللي جدي رجع بيها عقلها صوتها هي

-------------------------------------------------------------
عبير  : جابر حبيبي
-------------------------------------------------------------

نورهان( حركت راسها بحال كتخويه فتحت عينيها فيه هو اللي كان ماكيشوفش فيها تكلمت بهمس ) : خوي راسك ا نورهان خوي
بدات كتسمع صوتوا عد رجع المسمع ديالو فلول مع صراعاتها النفسية كان صوتوا بالنسبة ليها  بحالا هي في شي بير غارق
جابر : Je vais vous donner une minute de plus et je vais collecter les fichiers Je veux que vous vous assuriez d’indiquer les noms de chaque rôle dans votre équipe : chef de projet, créatif, rédacteur, designer et présentateur

( سأعطيكم دقيقة إضافية وسأجمع الملفات أريد منكم التأكد من كتابة أسماء كل دور في فريقكم: رئيس المشروع، المبدع، كاتب النص، المصمم، ومسؤول العرض )
قال هد الهدرة و بدا كيجمع شي وراق عندو في المكتب هي اللي شافت في البنات اللي معاها في الفريق
شيماء : نورهان نتي خطك مازوينش كون غير خلتوني أنا اللي نكتب
البنت 1 : بالعكس نورهان خطها واعر
البنت 2 : اه أنا حمقني الخط ديالك شوفوا أنا كنكتب بحال الببوش
نورهان( بابتسامة عدبة ) : بالعكس خطك زوين صغير مي واضح و مقروء
البنت 3 : دابا كلنا خطوط ديالنا زونين ولكن ديالك نتي مكينش بحالو
البنت 1 : أويلي بقينا نهدرو على خطوط و نسينا أش قال لينا الأستاد يالاه كتبي الأسماء ديالنا ا نورهان ياك سالينا الكتابة ديال الموضوع
نورهان( هازة الملف و كتقرى فيه حتى بدات كتحس بصدرها تزير عليها تكلمت بصعوبة) : لا صافي مزيان
بدات كتكح حطت يديها على صدرها و وجهها تزير عليها
خدات صاك ديالها عندها وكتقلب بسرعة و صوت ديال السعال ديالها كيتزاد حتى ولا كيتسمع في الصال كلو وصل المسامع ديالو حتى هو بعد ما سمع صوتها يالاه قرب حداها و هي تجبد من ساكها الربوز بقوة ديق ديال التنفس اللي جاها طاح ليها حتى وصل لعند رجليه هزو من الأرض و عطاه ليها هي اللي متوقفتش من السعال يديها مع عرقت ما بغاتش يثبت ليها في يديها وجهها ولا حمر حمر كولشي كيشوف فيها و مخلوعين خداه من يديها و قرب لعندها
جابر( كلس قفازي و تكلم بهدوء ) : كالم
حط يديه في عنقها نيشان يديه اللي باردين بحال الثلج مع سخونية ديال لحمها بعد ليها خصلات ديال شعرها بلا شعور منو سها فيها لثواني وهي عقلاها غادي يخرج  تزير عليها صدرها كدير حركات بيديها بحال كتحك فيه
شيماء ( وسط هد الموقف اللي صديقتها تقدر تموت فيه كيبان ليها غير هو و يديه فين محطوطة و كتغير منها حتى من هد الموقف وقفت و تكلمت بجهد ) : نورهان مالك اصحبتي أش وقع لك
جابر اللي بصوتها فيقتوا من سهوتوا اللي دامت ربعة ثواني وعى على راسوا و قرب ليها الرابوز لشفايفها بنفس الوضعية يد شاد بيها عنقها و يد حاط بيها الفتحة ديال الرابوز في الداخل ديال فمها ضغط عليه باش يوصلها الدوا المرة الأولة و المرة الثانية بعد يديه بجوج وهي بدا كيرجع ليها التنفس بشوية بشوية
جابر ( وقف قدامها مد يديه ليه) : يالاه تخرجي برا باش يضربك البرد
نورهان هي اللي  هزات راسها فيه و في يديه اللي ممدودة ليه كتحس براسها محتاجة البرد و مقدرتش تحط يديها في يديه وقفت و هي حاطة يديها على صدرها و هو جمع يديه عادي أما شيماء اللي يالاه كانت غادي دير شي حاجة باش متخليهمش قراب حتى بانت ليها نورهان وقفت بلاما تشد فيه خرجت نورهان
جابر : أنا غادي نرجع دابا ما نسمعش صوتكم
إوا مع خرج من الباب بدات الهدرة كولشي كيدوي على شنو وقع و البنات شي عجبهم الجيست ديال جابر و شي غادي يموتوا ب السم اللي فيهم بحال شيماء أما على برا نورهان اللي فاش خرج هو لقاها كالسة في كراسي مابين لكراسة اللي تم كان رجع ليعا اللون لوجهها وقف عليها هي تعجبت من أنه جا لعندها و كتحاول تكون طبيعية
جابر : واش مابقيتيش كتحسي بالكريز ياك
نورهان( ابتسمات بلا شعور بلاما تحس لقات راسها عجبها الإهتمام اللي وجه ليها ) : لا شكرا أنا بيخير دابا
جابر ( كيتكلم بصوتوا الحرش هي اللي مركزة معاه و هو كيتكلم ): كتعاني من الحساسية ياك حيت عندك رابوز مراتي حتى هي كتعاني منو و كاينة حتى ديقة  فاش كنت كنحاول نلقا شي علاج من هد المرض عرفت كاين حتى هد نوع اللي صعيب
نورهان(  بوم بلا شعور عوتاني بدات كتجمع الإبتسامة فاش تفكرت أنه مزوج جوبت بصوت منخفض لدرجة ممكن يسمعوا يمكن لا) : اه
جابر ( لاحظ تغير ملامحها علاش مغاديش يلاحظ وهي قدامو وعى على راسوا حتى هو بحالا كثر معاها الهدرة وهادي ماشي من العادة ديالو بلأخص مع الناس اللي ماكيعرفش) : واقيلا سولتك سؤال اللي حساس مهم نتاصل ب ناصر باش يجي يديك
نورهان ( بملامح عادية خالية من أي تعبير ) : لا لا ماكين لاش صافي أنا بيخير دابا شكرا بزاف مرة خرة
جابر : أكي أنا غادي نصيفط لك لوازم ديالك مع شي حد حصة سالات
قال هد الكلام و تحرك من حدها قاصد الصال اللي كانو فيها هي اللي كان عقلها كيمرض في قلبها حيت كيفكر هو دكرها و كيقلب ليها على علاج
💔💔💔💔💔
تكاثرت عندي لحظات الإدراك.......... هل هو الإدراك......... أم سهو.......... بل أرى أنه تلاعب............. بين صوت قلبي وصوت عقلي......... كثرة الأوهام والحقائق........... بدأت أختنق في عمق هذا الصراع.......... لم أعد أعلم هل عقلي يحميني أو يقتلني......... صرخة قلبي كانت بحرقة......... كفى أريد العيش بلا قيود يا هذا القلب.............................. في النهاية كانت صرخة القلب فقط مجرد خيال أيضا🥀