ليتك كنت رحيم

💖 الفصل 32💖

عندما وصلوا مطار القاهره كان في انتظارهم ريان وعزيز وادهم اخذها عزيز في حضنه وقال وحشتيني قوي يا قلب بابا

قالت ندى وانت كمان وحشني قوي يا بابا وماما كمان وحشتني قوي هي والبنات

قال ادهم طب وانا ما وحشتكيش ولا ايه يا ست ندى ثم اخذها من حضن عزيز واحتضنها بشده وقال وحشتني قوي يا قلب اخوكي

قالت ندى وانت كمان وحشتني قوي يا دومى
ثم خرجت من حضنه وقالت لرحيم انا رايحه مع بابا واخويا ياريت تنفذ اللي اتفقنا عليه وتطلقني قبل اي حاجه ثم ذهبت

صدمه حلت على الجميع

قال عزيز لادهم روح ورا اختك بسرعه وماتسبهاش لوحدها ذهب ادهم بسرعه ثم نظر عزيز لرحيم وقال باستغراب انتوا ما تصالحتوش كل ده جاتك خيبه

قال رحيم اتصالحنا بس بشروط ثم حكى لهم كل شيء قالته له ندى

قال عزيز طب وانت ما حولتش في الشهرين دول تخليها تصالحك وتنسى  موضوع الطلاق ده

قال رحيم بصوت حزين ومهموم حاولت وعملت كل اللي اقدر عليه عشان اخليها تسامحني وتنسى شرطها وللاسف كنت فاكر ان هي هتسامحني وهتنسى موضوع الطلاق ده شهرين وانا بحاول وبعمل كل حاجه عشان اخليها تقول لي سامحتك بس ما قالتهاش مش عارف اعمل ايه اكتر من كده

قال ريان طب وانت هتعمل ايه هتنفذ لها اللي هي عايزاه وتطلقها

نظر له رحيم بشر وقال على جثتي ندى مراتي وهتفضل مراتي العمر كله بس طبعا هنفذ لها كل اللي هي عايزاه بس على طريقتي

قال عزيز باستغراب وهتعمل ايه بقى يا فالح انت ناسي ضي الناجي المحاميه دي ما صدقتش الرساله الخايبه اللي انت بعتها لها من على تليفون ندى وقلت لها ان انتوا اتصالحتوا وان هي مش هترفع القضيه

قال رحيم كنت ناقصها ضي دي كمان ثم نظر امامه ابتسم وقال بس انا عندي الحل ما تقلقوش المهم يلا نلحقها مش هنفضل واقفين هنا نتكلم وانا هقعد معاكم وافهمكم على كل حاجه وذهبوا

عندما وصل الى منزل عزيز كان الجميع في انتظارهم فأول من استقبالهم كانت وفيه فأخذت ندى في حضنها باشتياق ودموع وقالت وحشتيني قوي يا ندى وحشتيني قوي قلبي

قالت ندى وهي تحتضنها بشده وانتي كمان وحشتيني قوي قوي يا ماما

اخذها البنات من حضن وفيه وقالوا ايه يا فوفه انتي ماصدقتي تاخديها في حضنك مش عايزه تسيبها لنا نسلم عليها ثم اخذوها في حضنهم

قالت فيروز وحشتيني قوي يا ندى

قالت اسراء وحشتيني قوي يا نودي البيت والكافيه وحشين قوي من غيرك

قالت زينه وحشتيني يا نونه وحشتيني قوي النهارده في سهره صباحي عشان نقعد نحكي كل حاجه