ليتك كنت رحيم

💖 الفصل 30💖

نظر لها رحيم وهو يبتسم بخبث وقال نعيش مع بعض شهرين زي اي اتنين متجوزين وبعد كده ننزل مصر وانفذ لك كل اللي انتي عايزاه

قالت ندى باستغراب نعمممم ياخويا انت بتقول ايه انت اكيد اتجننت

قال رحيم والله ده اللي عندي عايزاني اوافق على شروطك وافقي على شرطي ثم قام وقال انا رايح الشركه دلوقتي عشان عندي اجتماع مهم ولما ارجع تكوني فكرتي ورديتي عليا وذهب دون ان يسمع رد منها

بعد ذهابه قالت ندى بغضب وغيظ شديد اااه يابن اللي الرشيدي ثم صعدت الى غرفتها واخذت تلف وتدور حول نفسها وهي تفكر في كلامه ثم وقفت وابتسمت بشر وقالت ماشي يارحيم يا انا يا انت اما وريتك ما ابقاش انا ندى اما سويتك على الجنبين ثم خرجت من  الغرفه ونزلت وندهت على مدام الهام وعندما جاءت

قالت تحت امرك يا ندى هانم

قالت ندى اولا بلاش هانم دي انا ندى بس حضرتك زي ماما

قالت الهام ده شرف لي ان يكون عندي بنت زي القمر ومتواضعه زيك كده بس انا بشتغل عندكم

قالت ندى كلنا خدامين لقمة العيش وكلنا ولاد تسعه المهم انا عايزه اروح الصيدليه عشان عايزه اجيب حاجه

قالت الهام حضرتك شوفي عايزه ايه وانا اجيبها لك بالتليفون

قالت ندى لا شكرا انا عايزه اروح اجيب بنفسي 

قالت الهام انا اسفه بس انا ما عنديش أوامر ان حضرتك تخرجي

قالت ندى بانفعال ليه بقى ان شاء الله هو انا محبوسه هنا ولا ايه

قالت الهام بسرعه لا طبعا حضرتك بتقولي ايه بس رحيم بيه عارف ان حضرتك ما تعرفيش اي حاجه هنا فقال ان انتي ما تخرجيش لوحدك من غير هو ما يعرف عشان يبعتلك السواق بس هو ده كل الموضوع

قالت ندى ماشي مافيش مشكله حصل خير طب بصي انا كنت عايزه حاجه بس ياريت ما تقوليش لرحيم  عليها

قالت الهام حضرتك تؤمري

قالت ندى بتوتر بصراحه انا عايزه حبوب منع الحمل ومش عايزه رحيم يعرف ممكن

نظرت لها الهام بذهول واستغراب وقالت اه طبعا حضرتك تؤمري وذهبت

كان رحيم يجلس في مكتبه يراجع بعض الاوراق قبل الاجتماع فوجد هاتفه يرن برقم الهام ففتح الخط وقال خير يا مدام الهام في حاجه

قالت الهام لا بس ندى هانم طلبت مني اجيب لها حبوب منع الحمل وطلبت مني ما بلغش حضرتك بس حضرتك قولت لي ايه حاجه تخص ندى هانم ابلغك بيها

قال رحيم انا قولت لك تبلغيني تحركاتها تبلغيني اكلت ولا ما اكلتش نزلت من اوضتها جرى لها حاجه لكن اي حاجه هي تطلبها وتقولك ما تبلغنيش بيها يبقى تحترمي رغبتها يا مدام الهام وياريت حاجه زي كده ما تتكررش تاني واي حاجه هي تطلبها تيجي لها من غير ما اعرف مفهوم