ليتك كنت رحيم

💖الفصل 27💖

ذهبت له ندى ووقف امامه وقالت وهي تتصنع الكسوف انا مش عارفه اقول ايه بعد الكلام الجميل ده بس انا هسمعك حاجه هتكون بمثابه ردي على كلامك الجميل ده ثم اخذت الميكروفون وشغلت الهاتف فسمع الجميع المحادثه التي دارت بين ندى والرشيدي فندى كانت تسجل له كل كلمه قالها
صدمه 💥 صدمه 💥 صدمه حلت على الجميع

نظرت ندى للرشيدي وقالت اوعى تكون فاكرني هخاف منك لا انا ما بقتش اخاف من حد واذا كان على ابويا ولا اخويا ربنا يبارك في عمرهم ليهم عمر بس لما ربنا يريد مشكلتك يا رشيدي بيه انك ما بتتعلمش من اللي فات بس انا بقى اتعلمت الدرس كويس قوي

قال رحيم بصدمه وذهول ندى انتي مصدقه ان انا ممكن اعمل كده

قالت ندى وهي تبتسم باستهزاء للاسف تاريخك معايا في الغدر يخليني اصدق ان انت تعمل كده فعلا

قال رحيم صدقيني يا ندى انا ما اعرفش حاجه من اللي حصل ده وكل الكلام اللي هو قاله ده ما اعرفش حاجه عنه ثم نظر لجده وقال بصوت عالي ما تتكلم انت عملت كده ليه وقلت كده ليه

قال الرشيدي بندم وحزن صدقني يا ندى انا عملت كده من نفسي عشان ترجعوا لبعض ورحيم ما يعرفش حاجه انا اسف يا حبيبتي حقك عليا

قال عزيز للرشيدي انت ايه يا اخي ما بتحرمش مش كفايه اللي هي عشيته بسببك جي تكمل عليها تاني
وتعيدي اللي فات منك لله يا شيخ انت ايه ما بتتعلمش من اللي فات

قالت وفيه ليه يا بابا تعمل فيها كده يعني رحيم حفيدك وهي مش حفيدتك للدرجه دي بنتي مش فارقه معاك خالص طب اعمل حساب ليا

قال ريان ليه يا جدي تعمل كده دي ندى كانت خلاص وافقت تدي رحيم فرصه تانيه انت باللي عملته ده ضيعت كل حاجه

قال الرشيدي وهو يبكي حقك عليا يا ندى حقكم عليا كلكم بس والله انا كنت فاكر ان انا كده بعمل الصح

قال رحيم بصوت عالي صح ايه اللي انت عملته انت خربتها احنا كنا هنرجع لبعض خلاص عاجبك كده حرام عليك كفايه بقى افكارك اللي بتغرقنا كفايه

قالت ندى اظن المهله اللي الاستاذه ضي اديتها لك خلصت والفرصه اللي كنت طالبها انتهت والحكايه خلصت ياريت تبعت لي ورقتي يا اما هرفع القضيه

قال رحيم باستغراب انتي كنتي عارفه بموضوع المهله ده

قالت ندى اه طبعا كنت عارفه والاستاذه ضي هي اللي اقنعتني اني اديك فرصه تانيه

قال رحيم بس المهله اخرها بكره يعني لسه في وقت اخليكي تصدقي اني ما ليش علاقه بكل اللي عمله جدي واخليكي ترجعي لي برضاكي

قالت ندى كنت اتمنى بس وقتك معايا خلص فينيتو

قال رحيم في ايه ياختي فينيتو ده انتي بتحلمي ويكون في علمك انا طلاق مش هطلق وسايبان مش هسيبك وان كنت سايبك بعيده عني كل المده دي مش قله حيله منى لا انا سايبك بمزاجي عشان اعصابك ترتاح وتنسي اللي حصل وترجعي برضاكي بدل ما ترجعي غصب عنك بس انا خلاص جبت اخري منك ومش هصبر عليكي اكتر من كده