في تلك العتمة الباهتة اقبلت ملاكي ..

البارت التاسع

صحي من النوم شاف مكانها مثل ما هو ما اهتم غسل ولبس ونزل ما حصلها بس حصل الفطور جاهز جلس يفطر وبعدها قام هو طالع حس بانه فيها شئ فقام نداها بس مافي صوت قرر انه يطلع فوق يشوف هي وين مر من جنب غرفتهم وسمع باب الحمام (يكرم القارى) يتقفل عرف انها دخلت تنهد براحه انها ما فيها شئ نزل وراح دوامه
تسريع الاحداث
مر الشهر وصار اليوم اللي كان يتمناه راكان ومروان كل واحد فيهم قلبه مع وحده مروان اللي يموت على صوت نوف واللي طول فترة الخطوبه ما زارها ولا حتى كلمها تلفون لانه يبي يشتاق لها اما راكان اللي كان متشفق على ريم جاء يوم الزواج وطبعا حلم اعتذرت وقالت ما تقدر تجي بس جدها غصبها عشان هو بعد زواج اخوها قررت تحضر ولبس فستان بنفسجي شوي قصير وتسريحة شعرها كانت ناعمة ومكياجها كمان كان ناعم عكس امجاد اختها اللي كان ثقيل جلست مع نوف لان محد كان فاضي يجلس معها
نوف : حلم ليش وجهك اصفر فيك شئ
حلم بتصنع : لا لا حبيبتي مافي شئ انا بخير
نوف : حلم تكفين لا تخبين علي انتي تعبانه صح
حلم وهي تحاول تمسك اعصباها: لا نوف مو تعبانه وخلصي عشان مروان بيدخل يتصور معاك
نوف خلتها على راحتها بس كان واضح من شكلها انها تعبانه
تسريع الاحداث
انزفت نوف على مروان وانزفت ريم على راكان وكل واحد فيهم راح للفندق اللي حاجزه
عند مروان
كانت نوف جالسه على السرير وخايفه ومتوتره
دخل مروان وفسخ البشت وحطه الى الكرسي ومسك يد نوف وقال
مروان : مبروك ي قلب مروان
نوف بصوت خجلان وخايف : الله يبارك فيك
مروان قرب اكثر : اخيرا نوف اخيرا انا وانتي لحالنا
اخيرا ي نوف
نوف ناظرت فيه وابتسمت وقضو ليلتهم بكل هناء وحب عشان بكره طيراتهم لجزر المالديف
اما راكان وريم
دخلت ريم وجلست على الكرسي وهي خجلانه مسك يدها راكان وباسها : احبك
ريم بضحكة وخجل : ههه وانا اموت عليك
راكان : اوعدك طول ما انا عايش الضحكه الحلوه هذي ما تختفي عن شفايفك اوعدك اني طول عمري احبك واضل احبك
ريم : وانا كمان يعمري اوعدك تضل دايم مبسوط وسعيد
وقرب منها راكان وقضو ليلتهم بكل رمانسيه وحب ونامو بحضن بعض وبكره طيارتهم على نيويورك
اما حلم وصلها خالها سعود البيت وهو خايف عليها كان يقنعها ما تبات لوحدها بس رفضت وقالت انها خلاص صارت مسوؤلة عن بيت لازم تنام فيه ما حب يضغط عليها رغم ان شكلها ما كان يطمن بالخير وكان وجها فعلا تعبان ودعت خلها ودخلت البيت وهي يالله تمشي دخلت غرفتها وبالكود اخذت شور و لبست ملابسها بعدها طلعت علبة المنوم الجديده واخذت حبتين منها ونامت نامت وكانها جثه
تسريع الاحداث
سافرو كل من ريم وراكان ونوف ومروان بعد ما ودعو اهاليهم وطبعا في غياب حلم اما حلم كانت في سابع نومه وجوالها مقفل ولمن صحيت في الليل ما فكرت تفتحه اصلن وجلست على السرير وهي تفكر في حياتها اللي صارت كائيبه كيف صار هذا كله فيها بكت بانهيار بكت بقهر وصوت شهقاتها يتعالى فاض فيها قلبها وانكسر من كلام راكان اللي يعور ولا تقدر تتكلم قامت وتعوذت من ابليس وصلت ركعتين تهدي نفسها فيهم اما جوالها انحرق من الاتصالات خالها سعود فقرر انه يروح لها البيت دق الباب ومافي اي جواب خاف يكون صار لها شئ خاف يكون اغمى عليها قرر يدق على اخوه سلطان وفعلا اتصل
سعود بصوت مليان خوف : سلام سلطان وينك
سلطان : هلا سعود بالبيت وش فيك
سعود بخوف : اقولك امس حلم كانت تعبانه وصلتها بيتها وادق عليها ما ترد وانا عند باب البيت حقها وما ترد علي والحل ي اخوي اخاف البنت فيها شئ
سلطان بخوف : طيب طيب انا جايك الحين
سعود : استناك
نزلت حلم وشوي وتسمع دق الباب كان قوي مره راحت يم الباب وبصوتها الناعم التعبان : مين
سعود : حلم افتحي انا خالك
فتحت حلم وفجاءه لقت نفسها بحضن خالها سعود شوي وتشوف خالها سلطان نازل من سيارة ويركض لها مسكها ويتفحصها : يمه حلم فيك شئ تعبانه صار لك شئ
حلم وهي مستعربه : لا انا بخير
سعود بعصبيه : ليش ما تردين على الجوال
حلم : اسفه خالي كان مقفل ونسيت افتحه
سلطان : طيب كان رديتي على الباب
حلم : كنت اصلي خالي بعدين تفضلو ليش واقفين ادخلو
دخل سعود وهو يتعوذ من الشيطان
سلطان : الله يصلحك طيحتي قلوبنا على بالنا فيك شئ
حلم بابتسامه والدموع تجمعة بعينها : الله لا يحرمني منكم تطمنو انا بخير
سعود : راكان هالكمخه ليش ما خلاك تباتين عند امه
حلم : خالي انا ما ابي ابات في غرفة العروس الجديده
سعود لانه يكره ريم : عروس جدي تحمد الله انها تزوجت ولدنا يحصلها هااللي ماتستحي على وجها لولا حشيمت جدها واخوانها وابوها وابوي فوقهم كلهم كان ربيتها
حلم : هدي نفسك خالي وبعدين انا مرتاحه هنا واوعدك كل يوم اكلمك واطمنك علي وش قلت
سعود خلها على راحتها باس جبينها : انتي بنتي ي حلم انا بخليك بس كل يوم تدقين تطمنيني عليك زين
حلم : زين
سلطان : لا تطحين قلوبنا تراك غاليه علينا
حلم تبوس راس خالها سلطان : ابشر من عيوني
طلعو وتركوها لحالها
قامت حلم ترتب البيت واتنظفه وسوت لها اكل واكلت واخذت دواها
تسريع الاحداث
في الفندق في مدينه نيوريوك ريم صحت من النوم شافت راكان يتاملها ومبتسم ابتسمت
ريم بابتسامه : مساء الخير
راكان : مساء الورد ي قلبي باس شفايفها
ريم وهي تمدد يدها : يالله نمت كثير من متى انت صاحي
راكان : صحيت على الساعه ٦ كنت بقوم بس شفت كمية الجمال فجلست اتاملك
ريم استحت وغطت وجها بالفراش وراكان دخل معها تحت الفراش
اما عند مروان ونوف صحيت نوف من النوم شافت مروان نايم جمبها وحاظنها شالت يده من عليها وقامت دخلت الحمام وتروشت خرحت لبست ملابسها وبعدها صحت مروان
نوف : مرواني حبيبي مروان حبي
مروان فتح عين وعموض عين : اممم
نوف : يالله حبي اصحى
مروان ما قدر يستحملها اكثر سحبها وسحب الفراش عليهم
تسريع الاحداث
جاء الليل وجاءت صعوبه النوم عند حلم رغم وجود المنوم الا انها تمتنع عن اخذه الا في الحالات الحرجه هب نسيم الليل البارد كانت فاتحه الشباك اللي يطل على انوار الرياض الجذابه وتوها ماخذه شور ومصليه فروضها وركعتين وتر نزلت دمعتها على خدها وبكت على حالها على الوضع اللي عايشه فيه وكل ما جات لها نوبة انهيار تستغفر ربها وتسبح
-
عند راكان وريم طلعو يفطرون براء دخلت ريم الكافي اما راكان اتصل على حلم يبي يشوفها او حتى يسمع صوتها لان من يوم الزواج ما يدري عنها اتصل عليها بس الجوال يعطيه خارج الخدمة رجع اتصل واعطاه الجوال خارج الخدمه طرد الافكار السيئة من مخه ودخل عند ريم يفطرون
اما مروان انبسط مع نوف على الاجواء الرومانسيه في المالديف ونزل معها للبحر كان وقتهم كله حب ورمانسيه
تسريع الاحداث
قبل يومين من رجعة مروان وراكان جاء للرياض غبار فضيع وبرد ما يرحم كانت حلم فاكة الشباك الغرفه ودخلت تاخذ شور بعد ما نظفت البيت طلعت وصفقها الهواء وارتفعت درجه حرارتها وزادها الغبار كته لان عندها ربو و تعبت
وصلو الاولاد واول بيت زاروه بيت الجد سعد وكان عند الجد سعد الجد خالد  اول ما دخلو البيت كله غطاريف ويناثرون الحلاوه عليهم والورد كانت عين راكان تدور علي حلم اللي كلمها خالها سعود وقالت له انها مرا تعبانه وترجته انه يقنع جدها وفعلا اقتنع جدها وخلها ترتاح في بيتها وبعد السلام والترحيب جلسو يتقهوون ونسيو حلم الا خالها سعود اللي كل شوي يدق ويتطمن لحد ما مره دق ولقه خارج الخدمه رجع دق ونفس الشئ اعتقد انها نايمه زي المره اللي فاتت
-
عند الحريم
منى : ها ريم عساك استانستي
ريم ابتسمت : الحمد لله خالتي راكان ماخلى علي قاصر الله يخليه لقلبي
منى : وانتي يقلب امك عساك استانستي
نوف : اي يمه الحمد لله
سحر : عاد مروان اكيد استانس دام ماخذ هالقمر هذي
نوف استحت اما مروان قال : صدقتي يمه انا مستانس لاني ماخذ ذا القمر اللي جنبي
عند حلم وضعها تازم بزياده جوالها قفل شحن وتنفسها صار يدوب تاخذه من الغبار ومو قادرة توقف من الحراره اللي مسكت جسمها صارت كانها جثة على السرير ما تتحرك من التعب بس تبكي حتى كلام ما تقدر لان حلقها يعورها
تسريع الاحداث
بعد العشاء راكان وريم راحو على جناحهم  في بيت امه واول ما دخلت ريم انبهرت بالترتيب والمكان كان يجنن
ريم : الله حبيبي غرفتنا تجنن حبيتها الصراحه
راكان: هذا ذوق امي الله يخليها لي هي اللي صممت الغرفه لي
ريم : خالتي طلعت ذويقه
راكان : اي زين حبي اسمعي انا بطلع مشوار صغير وارجع بسرعه
ريم: بتتاخر
راكان : وانا اقدر اتاخر على مالكة قلبي وعمري باس جبينها ونزل بسرعه وعلى بيته عند حلم واول ما دخل لقى البيت مظلم ويلق من النظافه وريحة الديتول في ارجاء المكان والبخور تطمن وصعد فوق ينادي عليها
راكان: حلم حلم وينك
حلم كانت تصارع الموت على الفراش ولا هي قادرة ترد او تقوم
دخل راكان  الغرفه لقى الشباك مفتوح وهي دموعها على خذها ولا تقدر تاخذ نفسها وجها بين الاصفر والازرق انصدم من اللي شافه ركض بسرعه ولمس جبينها لقها تشتب نار بسرعه جاب عباتها ولبسها وشالها بين يده وعلى اقرب مستشفى وهي في السيارة ما قدرت تستحمل اكثر واغمى عليها من التعب
وصلو المستشفى وبسرعه جابو لها سرير وحطوها عليه ودخلوها الطوارئ كان قلبه حاسس ان فيها شئ بس ما توقع يلقى حالتها يرثى لها كذا وبعد دقائق 
خرج الدكتور وركض له راكان : ها دكتور بشر كيفها الحين
الدكتور : عشان اكون معاك صادق انت لحقتها في اخر لحظة المريضة كانت حرارتها ٤٠ كان حيحصل لها تشنوجات وتموت بس ربي سلمها هي تعاني من ربو
راكان : اي
الدكتور : انت اخوها
راكان: لا انا زوجها
الدكتور : شوف انت لازم تاخذ بالك منها بصراحه كانت بتضيع من يدك لولا لطف الله بيها كانت ماتت مناعتها جدا جدا ضعيفه وكمان عندها سوء تغذيه حاول تنتبه لها وتاخذ بالك منها
راكان: انشاء الله
الدكتور : تقدر تدخل عندها بس هي نايمه الحين
راكان: يعطيك العافيه دكتور
الدكتور : ولو هذا واجبي
دخل عليها شاف وجها واضح عليه التعب واضح انها فعلا كانت بتموت حط يده على قلبه حس بالم في قلبه للحظه كانت بتصيع من بين يده حتى ما ودها عند امه او خلها في بيت جدها نزلت دمعة من عينه على حالها اللي هو السبب فيه كيف يكون قلبه قاسي على انسانه ما سوت له اي شئ ويكرها من لا سبب مسح دمعته وقرب منها مسك يدها لقها مثل الثلج باس يدها بقوه وضمها لصدره وقال بهمس : اسف والله اسف اني حتى ما فكرت فيك
اتصل على عمه سعود وهو يبكي : عمي سعود كانت بتموت بسببي
سعود بخوف : وش فيك مين اللي كانت بتموت بسببك
راكان : ح ح حلم حلم ي عمي جيت لقيتها مثل الجثه حرارتها مرتفعه وكانت مختنقه بسبب الغبار
سعود وقف بخوف : طيب اهدا وقولي انتو باي مستشفى
راكان : مستشفى *******
سعود : طيب راكان  خلك جنبها ولا تتحرك لين اجيك وهدي ها هدي
اكان : طيب طيب عمي
قفل ورجع مسك يدها وحط راسه عليها وبكى بكى على اهماله لها كان يتوقع انه يرجع يلقها بخير وتستقبله وبطفوليتها اللي صارت تعجبه بس جاء ولقها جثه وكانت بتروح من بين يده
تسريع الاحداث
عرفت العائلة باللي صار مع حلم وطبعا امها تجننت عليها وطلعت لها ركض وهي منهاره واول ما دخلت كانت حلم باقي نايمه من تاثير الدواء عليها وحرارتها نزلت وشافت راكان جالس عندها
سحر ببكاء : اههه ي قلب امك انتي يروحي انتي وجات وجلست جنبها وضمتها وباست راسها وبكت
سعود: صلي على النبي ي سحر البنت شوفيها قدامك طيبه مافيها الا العافيه
سحر وهي تبكي : كانت بتروح كانت بتموت ي سعود بنتي بغت تروح مني لو لا الله ثم راكان كان مداني في عزهاا اهه يقلبي
راكان قام وهو تعبان من امس ما نام : استهدي بالله عمة وش هالكلام هي بخير تطمني شويه حراره ونزلت اهدي واجلسي  عندها
جات سحر وجلست مكان راكان  ومسكت يد بنتها وهي تبكي : ي قلب امك انتي سلامتك ي روحي انتي
ناظرت شافت وجه راكان تعبان
سحر : راكان يمه روح ارتاح شوي انا بجلس عندها لحد ما تجي
سعود : اي راكان روح ارتاح انت من امس معاها وتطمن انا موجود وامها عندها
ناظر راكان في حلم وتنهد
راكان: اذا احتجتو شئ دقو زين عمي انا جوالي مفتوح
طلع راكان من المستشفى وتوجه على بيت حلم كانه يبي يشم ريحتها يبي يعيش في المكان اللي كانت فيه وهو في الطريق اتصل على ريم وقالها وريم طبعا سوت نفسها تفهمت وتحمدت بالسلامه لحلم وهذا طبعا من وراء قلبها دخل البيت وطلع الغرفه كانت مرتبه بس السرير هو اللي مو مرتب قفل الشباك وطلع له ثياب دخل اخذ له شور يزيل التعب شوي وراح وانسدح في الجهه حقتها وضم مخدتها لصدره بحيث يقدر يشم ريحة شعرها اللي في المخده قد ايش كانت ريحها حلوه  نام بعمق وهو حاضن مخدتها وستنشق ريحتها
عند حلم فتحت عينها وهي ما تذكر شئ غير يد راكان اللي جات ولبستها العبايه وبعدها معد تتذكر شئ لفت لجهة اليمين لقت خالها سعود جالس على جواله
ولفت لجهة اليسار لقت امها واختها امجاد امها ماسكة يدها ومعمضه عيونها وتقراء قران وامجاد منشغله بجوالها
حلم بصوت مبحوح وتعبان : يمه
فزت سحر من سمعت صوت بنتها : لبيه ي عيون امك
حلم : يمه عطشانه ابي مويه
سحر : الحين يمه امجاد هاتي مويه لاختك طيري
راحت امجاد وجابت مويه لاختها وشربت حلم كان سعود فوق راسها يمسح عليه
سعود : الحمد لله على السلامه
حلم : الله يسلمك
سعود : كيفك الحين عساك احسن
حلم : زينه خالي
تسريع الاحداث
صحي راكان على ١٢ وشاف جواله مالقى اتصال لا من عمه ولا من عمته قام ودخل غسل ولبس ثوب واخذ جواله وطلع على المستشفى وصل واول ما دخل شافها صاحيه كانت تناظر للجهه الثانيه مشي وجلس قريب منها
يوم حست فيه لفت له لقيته يناظرها
حلم : راكان
راكان : كيفك الحين
حلم نزلت راسها بخجل اول مره يسالها عن حالها : زينه تسلم
راكان : فيه شئ يعورك
حلم : لا انا بخير
عم الصمت لدقائق وقال راكان
راكان : احد معاك
حلم بطفوليه: لا امي قالت ان فيه مرافق معي بس ما قالت مين اتوقع خالي سعود
راكان ابتسم على طفوليتها : لا مو عمي سعود انا مرافق معاك
حلم انصدمت وتكلمت بسرعه : انت طيب والدوام وريم و ا...
راكان : اهدي اهدي الدوام اخذت منه اجازة وريم كلمتها اني بجلس معاك لين تطلعين بسلامه زين ارتحتي الحين
حلم ابتسمت بنعومة : اي ارتحت
سرح راكان بجمال ضحكتها وغمازاتها اللي بانت على وجها الابيض وخدها اللي تدفق فيه الدم من خجلها قرب منها لحد ما وصل عند شفايفها غمض عينه وباسها باسها بكل حب وغرام وما كان من حلم غير انها توسع عينها بصدمه وتصنم مكانها
حس راكان وكان طعم عسل صاربفمه تعمق اكثر في بوستها  من كثر ما هي لذيذة فصل شفايفه عن شفايفها عشان ياخذ نفس ابتسم باتساع وقال: اخيرا ذقت طعم العسل
نزلت حلم راسها وهي خجلانه لكن منعتها يد راكان
راكان : تو تو تو تو لاتحرمني من جمالك تكفين ناظري فيني
قضو ذاك الوقت وحلم بين يدين راكان زي الطفله وعيونهم في بعض وبين فترة وفترة راكان يطبع بوساته على وجها
تسريع الاحداث
طلعت حلم من المستشفى وسوى الجد سعد عزيمه كبيره على سلامتها وطبعا كانت قمه في الفتنه بس للاسف ما كان يومها كان يوم ريم رجع راكان للبيت وطلع جناحه لقى ريم زعلانه وجالسه على السرير تحط كريم
  راكان فصخ شماغه وحطة على الكرسي حق التسريحه وجلس جنبها : وش فيه الحلو زعلان
ريم بزعل : مافيني شئ
راكان : علينا يالله عاد وش فيك زعلانه
ريم بزعل ودلع: صارلك كم يوم تهتم في الهانم حلم بس وانا من رجعنا من شهر العسل وانت حتى اقل اهتمام ما اعطيتني
راكان خق عليها وعلي غيرتها عليه سلبت عقله هالريم ينسى نفسه وهو معاها ويرجع يكره حلم ويحقد عليها
راكان: لابو حلم على ابو اللي خلف حلم وخلاك تزعلين وسدحها على السرير ومرت ليلتهم بكل حب ورمانسيه وريم بين احضان حبيبها راكان اما حلم رجعها خالها سعود البيت واكد عليها ما تفتح الشباك وتتصل عليه اذا حست باي تعب او تتصل على راكان دخلت وبدلت ثيابها وجلست على سريرها وتذكرت راكان لمن كان يبوسها ابتسمت بحياء اخذت دواءها وصلت الوتر ونامت
-
صباح اليوم التالي صحي راكان من النوم وشاف ملاكه ريم نايمه جنبيه باس شفايفها بسطحيه وقام وهو مقرر انه يفاجاءها بهديه عشان زعلها اللي امس قام وصلى الفجر  ولبس وطلع لدوامه في شركة جده
تسريع الاحداث
بعد الظهر خلص راكان دوامه وطلع على مول يشتري لريمه هديه دخل محل ساعات كانت ريم عاجبتها ساعه فيه قرر يشتريلها ساعة فيه قطع بسيطه من الالماس لونها فضي واخضر اخذ الساعه وراح على بيت حلم واول ما دخل مر من عند المطبخ شافها تناقز عشان تجيب الصحن ابتسم عليها وطلع فوق حط الهديه على التسريحه غسل وصلى الظهر ونزل يتغدى
ستريع الاحداث
كان مروان جالس في الجناح شوي وجاته نوف وهي لابسه فستان احمر قصير ومعاها القهوة والحلى اول ما شافها طارت عيونه فيها وفي جمالها وجمال شعرها وريحتها
مروان : شكلك بتجنني
نوف باستغراب ودلع: ليش حبيبي وش سويت
لف عليها مروان : قولي وش  اللي ما سويته لابسه لي احمر وقصير وفاكة شعرك وفوق هذا حاطه العطر اللي احبه اقولك لابو القهوه
شالها بين يده ووحطها على السرير وقفل النور معاه
عند راكان صحي من النوم مالقى حلم نادى عليها
راكان : حلم ي حلم
طلعت حلم ركض : لبيه
راكان : عادي تجهزين ملابسي بدخل اتروش
حلم: من عيوني
فتحت الدولاب طلعت له بلوزة سوداء ومبنطلون جنز ازرق فاتح وحطتها على السرير وجات بتجهز له ساعه
بس بالغلط دعست على قزاز من كاسة انكسرت وعورتها في رجلها بالغلط طاحت على التسريحة وطاحت الساعه اللي مشتريها راكان لريم يراضيها فيها
حلم : احح رجولي
جلست على الكرسي وتحاول تطلع القزازه لانها كبيره ودمها ينزف
طلع راكان من الحمام (يكرم القارى ) وشاف حلم وهي تحاول تطلع القزازه بس انتبه للعلبه اللي كانت طايحه عند الباب راح مسك العلبه وفتحها وطلع الساعه لقها مافتفته مكسره عصب مره طالع فيها لقها تحاول تطلع القزاز بدون ما تبكي ووجها احمر قام جاء لحد عندها وصفقها كف حلم ناظرت فيه بصدمه ما تدري وش سوت
حلم : اي راكان ايش سويت
راكان بصراخ وعصبيه: انتي وحده حقيره وحقوده وشايفه نفسك انا قلت بتغير معاك بس بس انتي ما يبلك الا هذا الوجه ي واطيه
راح لدولاب وفتح درج من الادراج وطلع حزام اسود جلد بدا يجلدها بدون رحمة 
حلم وهي تصيح وتصارخ : اهههه والله مسويت شئ تكفى راكان سامحني اهههه سامحني والله اسفه
راكان: انكتمي ي حقيره يابنت الكلب  كاسرة ساعة ريم وتقولين وش سويت والله لاربيك والله لطلع ذا الحقد والكره من قلبك ي بنت الكلب
ضربها بالحزام ورفسها بدون رحمه بس عشان كسرت ساعة ريم لان القزاز دخل برجلها
رمى راكان الحزام : هذا اقل من جزاك ي كلبه تف عليك ي جزمه ما كنت اتوقع انك باهلقب الاسود تف عليك
راح ولبس ثيابه وخرج وخالها طاحيه ورجلها تنزف
وجسمها مليان بالكدمات وعلامات الجلد فيها .
-
رايكم في هذا البارت ؟؟؟
اعتذر عن التاخير لكن اوعدكم اني انزل بنتظام البارتات
شاركوني رايكم في البارت والروايه بشكل عام لحد الان . ♥️