ليتك كنت رحيم

💖 الفصل 24💖

نظر عزيز لرحيم بغضب شديد وقال ابعد عن بنتي وما لكش دعوه بيها عشان ما حدش هيوقف لك غيري انا وياريت تطلقها بالذوق

قال رحيم وهو يرمي كوب الماء في الأرض بقوه انت ازاي كده انت ازاي بتتكلم كده اصلا وانت السبب في كل اللي احنا فيه مش انت السبب في رميتها في الملجا

قال عزيز بندم عندك حق بس انا ما كنتش اعرف ان بنتي في ملجأ ولو كنت عرفت ما كنتش سبتها ثانيه واحده انت بقى دمرتها بمعنى الكلمه ابعد عنها يا رحيم عشان بعد كده ما حدش هيقف لك غيري

قال رحيم مش هبعد عنها يا عزيز ندى مراتي وهتفضل مراتي برضاك أو غصب عنك

مسكه ادهم من ملابسه بعنف وقال طلقها احسن لك يا رحيم عشان انت ما تستاهلش ضفرها

قال رحيم وهو يمسكه من ملابسه هو الاخر وقال مش هطلقها اللي عندك اعمله تدخل ريان وحازم وفصلوا بينهم

خرجت ندى من حضن عزيز وهي تصرخ وتقول كفايييييه حراااااام علييييكم كفايييييه  بقى كفايه ثم وقعت من طولها وفقدت الوعي لحقها عزيز قبل ان تقع في الأرض وحملها وقال بصوت عالي دكتور حد يجيب دكتور بسرعه ودخل بها الغرفه

قالت وفيه بصريخ بنتييييي

صرخت البنات وقالوا ندى

قال حازم لاسراء هاتي الشنطه بتاعتي بسرعه من الصالون بسرعه

قالت زينه طب ما نوديها المستشفى احسن

قال حازم هكشف عليها لو لقيتها محتاجه مستشفى هنوديها ثم اخذ الشنطه من اسراء ودخل الغرفه كي يكشف عليها

كان الجميع في حالة قلق وحزن شديد

كان رحيم يلف ويدور حول نفسه وهو يمسح على وجهه وشعره بعنف وغضب وقلق وندم وحزن على ما وصلت اليه ندى بسببه

خرج حازم فذهب إليه رحيم وقال طمني يا حازم ندى عامله ايه

قال حازم بحزن لاسف عندها انهيار عصبي وانا اديتها حقنه مهدها وان شاء الله علي بكره هتبقى كويسه

خرجت وفيه وهي تمسح دموعها وتنظر لرحيم وقالت الظاهر ان انا كنت غلطانه لما فكرت اقرب بينكم واديك فرصه بس انا كنت هخسر بنتي اللي فضلت ادور عليها العمر كله

قال رحيم وهو يبكي لا لا لا يا وفيه لا انتي ما غلطتيش عشان انتي عارفه ومتاكده ان انا بحب ندى وعندي استعداد افديها بعمري كله وعارفه ومتاكده ان هي كمان بتحبني بس هي مجروحه من اللي حصل لها وما حدش هيداوي الجرح ده غيري انا

قالت وفيه وهي تمسح دموعها طب عشان خاطري يا رحيم ابعد عنها واديها فرصه تهدها انا مش عايزه اخسر بنتي انا ما صدقت لقيتها وبقت في حضني

قال رحيم بصوت حزين حاضر يا وفيه هبعد عنها بس مؤقتا مش على طول عشان تبقى عارفه ثم ذهب

في اليوم التالي