بسم الله نبدأ
-----------------
بعد مرور شهر على الأحداث
فاطمه
مر شهر وجنات بالغيبوبة ومحمد ورا انهياره هذاك اليوم صار بارد بشكل مو طبيعي نقل شغله للمستشفى لبيها
جنات كام ميرجع للبيت الا لمن يحتاج ملابس جديدة
اليوم جمعة كلهم موجودين ما عده أحمد أسيل اجت هي وامها وسميه ورقيه هم وياها دخلت
أسيل: وين مفتاح المكتب مال محمد
فاطمه: ليش
أسيل: هو كال روحي اخذي فلوس من الخزنة وشوفي الفستان اذا عجبج اخذي وإذا لا اصمملج غيره
فاطمه: واثقه من نفسج هوايه وما انطيج المفتاح اذا مو محمد يخابرني يكلي انطي
أسيل: عادي ترا عندي نسخه منه
فاطمه: والله لعد المن كتي اريد المفتاح
أسيل: هيج اريد اعرف انتي تعتبريني بت اختج لا
فاطمه: وداعت محمد غير لا انتي ولا امج اعتبرجن من كرابتي
أسيل: عادي مو مهم المهم اني رح اضل مرت محمد وعلى عنادج
فاطمه: كحبه وجانت ادور عير لكت وجلبت بي
ام اسيل: محد كحبه غيرج ام العلاقات
فاطمه: عادي حبيته وتزوجته عادي
سكتت مالي خلكها بالي يم محمد صوته اليوم معجبني .
------------
افنان
أحمد ظل طول الاسبوع يهتم بيه بس بنهاية الاسبوع اجا امر بالاتحاق بسرعه فعلآ التحق بس كالي من يرجع يطلكني راح وطول هاي الثلاث الأسابيع ما اتصل غير اربع مرات الصراحه خفت عليه لان هو دائمآ يتصل يطمني عليه اليوم جمعه كلهم مجموعين بالبيت العائلة وبنص الكعدة دخلت أسيل وصار لغوة بينها وبين فاطمه اني ما هتمية ولا تخلت اشوي ودخلت علا هي وعمة أنعام انصدمت منها جايبتها وجاية بس ما بينت اجت
شمس: لا تبين شي خليج طبيعيه وسلمي عليها واقهريها ترا لو تموت أحمد ما يصير لغيرج .
افنان: اصلا حتى أحمد بعد ما يهمني .
شمس: لا يهمج لان لسه انتي مرته .
افنان: تمام سلمت على عمة وصلت يمها مدت ايدها .
علا:هلو حبيبيتي شلونج شخبارج .
افنان: هلا بيج عمري زينه الحمدلله انتي شلونج هسة كالو اطلكتي صدك .
علا: اي إنشاء الله يوم الج .
افنان: فال الله ولا فالج الحمدلله مزوجه زينه الشباب على شنو اطلك .
علا: يعني انتي وحمودي ما متعاركين .
افنان: لا حبيبيتي إنشاء الله اليكرهونا يلا حبيبي من رخصتكم أحمد دا يتصل علية .
علا: اذا صدك ما متعاركين ردي عليه كدامنه .
افنان: عادي ارد فتحت خط اجاني صوته مبين نايم
