هوس آسر

Part 1

بسم الله البدايه
..................
كعدت على صوت امي وهيه تصيح، تافأفت وكعدت باوعت وراي لكيت أريج نايمه بصفي ابتعدت بهدوء غطيته وطلعت
-ها يمه شكو خبصتيني
باوعت بعصبيه
- لج هسه يجي عمج يرعد رعد.
-ليش شكو شصاير.
-اجى وياهم اصدقائه، عوفي. هلسوالف وتعاي خدري چاي.
ركضت خذت قوري(ابريق) و خليت ماي و جاي خليته على نار باوعت اله وهيه تخلي بيض بماعون باوعت على صينيه ريوك يشهي طردت افكاري وخليت انتباهلي على قوري، اندك باب قوي وسمعت صوت ابوي
-باباتي ترف.
حطيت شالي على راسي باوعت لامي وكلت
-انتبهي للقوري.
طلعت اركض فتحت باب دخل ابوي حضنته قويي
- بابا اشتاقيتلك حيل.
ضحك وكال
-باباتي ترف شلونج
باوعتله ابتسمت
- ما طول انت موجود ف اني زينه
دخل عمي بعصبيه
- امشي دخلي جوه لا اكسر رأسج.
باوعتله بخوف ودخلت اركض ، دخلت مطبخ و دموع بعيوني باوعت علي امي حضنتني تمسح على ظهري
-يلا يمه يلا فتره وتمر وداعت عيونج
باوعتله ودموعي تنزل
-لل.. ليش هيج، شهكت، ليش هيج يتصرف وياي.
سحبت حسره
-قصه جبيره يا بنتي دخلي لغرفتج ولا طلعين خوش؟
مسحت دموعي واردفت
-تمام
دخلت غرفتي اتمددت على  فراشي حضنت أريج وبقيت هيج لساعه ونص
دخل ابوي وبأيده حبشكلات ابتسمت، كعدت على جربايتي باوعتله
-ها باباتي رايد شي.
تقدم كعد يمي مد ايده يمسح على شعري حسيت براحه نفسيه ابتسمت اليه كلش احب قربه مني
- لا عيوني بس اجيت انطيجن هاي حلويات و اشياء بنات.
اخذت  علاكه فتحتها لكيت بيه حلويات يلي نحبها و صبغ اظافر و اشياء بنات ابتسمت حظنته بسرعه
-احبك بابا، شكرا الك الله يخليك النا.
حسيت بأيدي تنجر التفتت لكيت أريج توخرني وهيه تحجي حجي شويه مفهوم
-دوحلي من بابا(دوخري من بابا)
ابتسمت
-عيني ترا هوه ابوي اول شي و بعدين انتي اجيتي
-الا بابا الي مو الج ولي يلاا مليدج( ماريدج)
ضحكت بصوت عالي
- اول شي احجي عدل عود تعاي اخذي بابا
باوعتلي بعصبيه
-دوحلي وحلي انتي مو اختت.
ابوي يباوع علينه و يبتسم، سمعت صوت عمي ينادي عليه تنهد وطلع من يمنه شلت أريج
-اريجو الحلوه نروح نسبح؟
رفعت ايده بحماس
-اااييييي نثبحح
ابتسمت وسحبته وياي للحمام سبحته،وطلعنه من غرفه، دخلت للمبطخ لكيت امي فرحانه ضحكت وكلت
-ها يمه شو مبينه فرحانه؟
باوعتلي وهيه تخدر چاي
- عمج ال** راح للعماره يومين
-اي الحمدالله نرتاح شويه، هاج هاي بنتج عود سويله ريوك اني رايحه للمكتبه،
توجهت لغرفتي لبست ملابسي طويله اني مو محجبه بس البس مرات علمود عمي ما يحجي ف هوه مو هنا، اخذت فلوس ورفعت شعري البني وطلعت من بيت مكتبه مو كلش قريبه بس احب اروح اله مشي
سمعت خطوات وراي استداريت لكيت شخص يمشي بخطوات بطيئه لابس اسود ولابس چفيه على وجه، تجاهلته وكملت طريقي، دخلت للمكتبه اشتريت دفاتر الي و الـ أريج واقلام و باقي الاغراض طلعت من مكتبه توجهت للسوبر ماركت اشتريت اندومي ورجعت للبيت، قبل ما اوصل كلش للبيت وكفني شاب عمره بين25-24 استغرب منه تقرب مني
-يحلوه ممكن نمبر
توسعت عيوني بخوف وجسمي صار يرجف، ما احس اله وهوه انسحب من كدامي باوعت لكيت شخص يلي شفتيه مساع نفسه جاي يضرب ييه بطريقة مرعبه خفت ركضت للبيت بأسرع ماعندي دخلت للبيت ما لكيت شخص غسلت وجهي ونشفته ودخلت لامي
- يمه اني اجيت
-هلا يمه، ها اشتريتي اغراضجن
-اي يمه هذني
دخلت يم أريج لكيته تلعب، رتبت غراضي وتوجهت لـ جربايتي طلعت تليفوني فتحت حسابي انستا لكيت حساب جديد متابعني مابيه اسم فقط(..) استغربت اكو واحد بدال الاسم يخلي نقاط؟ قبلت الاضافه
شويه واجتني رساله منه
-سلام عليكم.
توجهت قفلت باب ورجعت كعدت رديت عليه
- وعليكم سلام.
منو؟
- مجرد شخص حب يضيفج
-تمام.
سديت تليفوني، توجهت للسطح كعدت واني اسند ظهري للحايط، افكر بذاك اليوم مشؤم
فلاش باك
......
-شنو جاي تسوي وخر مني.
باوعلي بطريقه مقززه
-لا لا حبيبتي ما راح اسويلج شي بس تعاي هنا.
باوعت بتوتر وكلت بخوف.
-وديني لبابا اريد باباااااا.
- ما اسويلج شيي.
- لااا، عوفننيي ااريد بابااا
.....
رجعت للواقع على لمسات أريج
- تغف ليش تبجين.
مسحت عيوني.
-دخل بيهم تراب حبيبتي مو جاي ابجي.
سحبته ودخلت، صليت وحضرت العشه وي امي صارت لمه حلوه بدون عمي و بدون مشاكله بس اكو شي محيرني، تجاهلت موضوع ودخلت غرفتي سبحت ونشفت شعري اخذت صوره على المرايه واني مغطيه وجهي وشعري طالع ونشرته تركت تليفوني طلعت من غرفتي بخطوات بطيئة لكيت امي تغسل مواعين
-يمه اساعدج بشي.
-لا حبيبتي ماريد.
- زين اكو چاي.
باوعلتي
-دمشي منا لا اطيح حضج لج ادبسزز وينج وين چاي.
-يمه ترا جاي مو حبيب.
شمرت علي طاوه شردت لغرفتي واني اضحك
دخلت غرفتي سحبت تليفوني لكيت حساب وهمي دازلي رساله فتحته
-ليش ناشره صورتج
ضحكت بصوت عالي دقائق وكتبتله
-عفواً؟
- مو قصدي شي بس ديري بالج
- اعرف
تركت تليفوني ونمت
كعدت صبح على منبه ضليت اغلط عليه كمت بدلت وكعدت أريج بدلتله وحضرت الريوك كعد ابوي ما كعدنا امي، طلعت وي ابوي وأريج، وصل أريج وبعدين اني، اول سنه الي بالسادس جنت حيل متحمسه وخايفه جان يوم حلو، طلعت ورحت ادور على خطي يلي سجلاني بيه ابوي، صعدت ولكيت نص بنات صفي وياي ضلينه نسولف ونضحك، فتحت باب البيت مااحس اله انسحبت من شعري بغضب
عمي زياد-لج بربوك  تصادقين ولد
انصدمت باوعلته بغضب صيحت
-مو اني والله ما..
قاطع كلامي بحزام على ظهري
..........
يتبع في امان الله
احزرو شنو راح يصير بالبارت الجاي
هاذ قصير لان اول بارت
بارت ثاني تبدأ الاحداث