بسم الله نبدأ
-----------------
محمد
كاعد يم رأسها احجي واتعذر منها ماكدرت احميها
جنتي فتحي عينج لاتحرمني منها والله احبج اموت إذا يصير بيج شي جنات والله ما متقرب منها والله ليش محد يصدك اني احبج والله
جنات: بصوت ضعيف ومتقطع اني هم احبك.
محمد :جنات حبيبي اش اسكتي لا تعبين نفسج اش ارتاحي خل اصيح دكتور .
جنات: طلع يصيح دكتور حبيبتي كعدت وينكم دكتور هههههه دخل الدكتور هو والممرضات اثنين
دكتور: ها بابا بشري شلونج هسة حاسه بشي اكو وجع؟
جنات: الحمدلله بس شويه كلبي يوجعني .
دكتور: وجع قوي متكدرين تتحملي
جنات: اي قوي وكل اشوي يزيد
دكتور: تمام رح انطيج مسكن .
جنات: هاذا المسكن رح ينومني؟
دكتور: لا بس اذا تريدين انطيج منوم .
جنات: لا ما اريد انام .
دكتور: تمام انطاني مسكن وطلع هو بس الممرضات ضلن لان يردن يبدللي الملابس بس محمد وكفهن
محمد: شكرآ بس اني اغيرلها الملابس
الممرضه: تمام بس تحتاج شي اني موجوده.
طلعن بقى بس محمد حضني وكام يبجي ويعتذر
محمد:اسف ياروح روحي والله مجبور وداعت عيونج الحلوه مجبور اطلكها اول ما ارجع .
جنات: حبيبي باوع اني ادري انت مالك دخل ادري أنت ما نايم وياها اعرف وعاذرتك بكلشي صار .
محمد: يعني انتي مصدكتني ؟
جنات: اي حبيبي مصدكتك اكلك شوكت اطلع من المستشفى.
محمد: ما ادري هسه اسئل واجيبلج اكل تمام بس اصيح الممرضه تجي يمج .
جنات :لا حبيبي ضل يمي باجر عود اسئل حتى اكل ما اريد
محمد: بس
جنات: لا بدون بس ابقى يمي شنو لازم مليت مني .
محمد: هو اكو واحد يمل من حبيبيه .
جنات: لا ماكو تعال نام بصفي .
محمد: لا خاف اضايقج .
جنات: لا ما تضايقي تعال اريد انام بحضنك.
محمد: حلوه هاي مال انام بحضنك.
جنات: محمد بيش الساعه؟
محمد: الساعه 2:30 ليلا يعني دايحين من الساعه 7:30 سبع ساعات راحت روحي بيهن .
جنات: هيج تحبني .
محمد: اعشكج بويه والله مهوس بيج نامي وارتاحي هسة موزين تبقين كاعدة.
جنات: تمام حبيبي بست شفايفه بادلني ما عافني الا لمن اختنكت اباوعله عيونه حمر وجه اصفر تعبان ضليت صافنة عليه هم ليش هيج احنا ليش ما عدنا اهل مثل العالم والناس واني افكر غفيت كعدد على احد يخنقني
بين الكاعدة والنايمة حسيت كلبي يطلع من مكانه
------------------------
افنان
قعدت الصبح على صوت بالغرفه فتحت عيني وراسي يوجعني
افنان: حبيبي شبيك من الصبح .
أحمد: ما بية نامي انتي .
افنان: حبيبي بعد وكت ليش جاي تبدل.
أحمد: دزولي امر لازم التحق.
افنان: ليش هو مو جان بس شغل بالمركز.
أحمد: والله لازم اروح عندنا مداهمة.
افنان: لا لتروح والله اخاف ايصير شي .
أحمد: لا ما يصير اني رايح مع السلامة حبيبتي.
افنان: الله وياك يارب احمي ورجعه سالم هو الوياه.
اباوع الساعه 5:00خل اكوم اراجع احسن اني دوامي صباحي اني وجنات وجيلان مرت علي نفس الصف بس جنات كاسبة سنه بديت اراجع لحد ما صارت الساعه 7:15 كمت بدلت ورحت على مرت علي دكيت الباب فتحه علي
علي: ها بابا صاير شي.
افنان: لا خوية مصاير شي بس مرتك خل تكعد عدنا امتحان انكليزي مهم.
جيلان تعالي كاعدة فوتي .
علي ادخلي اني طالع اخذي راحتج.
جيلان: شعجب كاعدة من وكت.
افنان: كعدت ويا أحمد من راح للشغل اكلج من رح يوصلنا.
جيلان:ماادري اشوف علي يوصلنا احسن مو .
افنان: اي احسن يلا استعجلي.
جيلان: ماعندي شي بس سديلي السحاب.
افنان: اي سديت السحاب وطلعنا محد سوا الاكل لان مو يشتهي وجنات بالمستشفى طلعنا علي جان برة كنالة يوصلنا قبل وصلنا وراح بلش الدرس الأول هو خلص لو صارت الحرب العالمية الرابعة هاي انطيني قلم هاي مساحة ورقه مسطرة عبالك ميدرن عدهن امتحان دخلت المدرسه سئلت اكو غياب
افنان: ست بس جنات بالمستشفى.
المدرسه: خير شبيها .
افنان: ست اجتها النوبة واخذوها للمستشفى.
المدرسه: تمام ما بيها غير العافيه.
امتحنة وخلصنا بلش الدرس الثالث أجا الاكبر أخذنا وجه اصفر لونه مخطوف أخذنا للمستشفى اشوف محمد مشمور على السديه علي واكع بالكاع حسين مصاب بيده تنزف جيلان راحت تركض شوف علي اني ادور على أحمد ماكو شفت ابوي واكف ملثم بالشماغ رحت عليه
افنان: بابا شبيك أحمد وينه اسئله ما يرد بس يبجي بابا احجي بابا زين كرار وينه
ابو كرار:بابا باعي انتي مؤمنه بالله رجلج بالعمليات حالته خطرة اخوج هم بالعمليات بس حالته احسن من أحمد.
افنان: بابا شتحجي انت أحمد ما بيه شي حبيبي هاذا ابجي واصيح حسيت وجع قوي بطني صار عندي نزيف وكعت اغما عليه.
-------------------------
جيلان
وكعت افنان الممرضات التمن عليها شالنها فحصتها طيبه لان هي دكتوره نسائية صدمتنا من كالت هي حامل وحالت الجنين صعبة واحتمال كبير تجهض صح اني مصار الي مدة طويلة اعرفها بس انقهرت عليها طلعت برا اطمنهم عليها
ابو كرار: ها عمو بشري
جيلان: لاتشيل هم عمو إنشاء الله خير بس هي صغيره وحامل فتتعب
ابو كرار :الله يبشرج بالخير.
عفتهم ورحت يم طيبه اسئلها شنو صار
طيبه: الصبح محمد رح يجيب اكل لجنات اجت امه وامها عفتهم وطلعت عندي مريضه شوي والممرضين يركضون للغرفة البيها جنات رحت وراهم اشوف جنات ماتتحرك كلبها واكف سوالها انعاش كهربائي محمد اجا وشافها هيج كام يصرخ ويبجي من شاف كلبها مجاي يستجيب وكع بالكاع لازم كلبه اخير شي صرخ حلكه معوج شاله الممرض والدكتور اجا شافه لكا مجلوط جنات دخلت غيبوبه شويه والمستشفى انكَلب كَلاب اباوع شفت الاكبر رحت اركض عليه الفتهمته منه انو هاجمنين على مقر مشتبهين انهم تجار مخدرات فعلا لازميهم بس أحمد مصاب أصابه خطرة حسين وكرار اخو افنان هم مصابين بس أصابه بسيطه مو قويه.
جيلان: والله حتى ما اعرف شكول كومي اشوف افنان
طيبه: كومي ترا نونة حامل همين.
جيلان: هاااا والله .
طيبه: والله .
جيلان: العب نونة ام هههههه
طيبه: هو اني ما مصدكه تعاي دخلي هلا بشري شلونج هسة حاسه بشي
افنان :اي وجع قوي والنزيف ما وكف
طيبه: ليش اني اطيتج علاج
افنان: ما ادري
طيبه: باعي حبيبي انتي بعدج صغيره والعمر كله كدامج بدال الواحد تجيبين عشره زين.
افنان:يعني
طيبه: الجنين ميت ربي يحفظلج رجلج ويكومه بخير وسلامة.
جيلان: باعي عليه تدرين اني ولدته ومات بحضني بس الحمد الله هسه لو عايش جان احتمال يطلع عاق او مريض لو يعذبني ربج ما يضلم احد اخذي سيدة زينب مثال للصبر عليها افضل الصلاة والسلام .
افنان:اني ما يهمني غير أحمد يكوم بالسلامة.
طيبه: لا تخافين طلع من العمليات شوي ونروح نشوفه لان جماعتهم يمه واخوج هم بخير .
افنان: جنات ومحمد شلونهم .
طيبه: جنات دخلت غيبوبه ومحمد انجلط .
افنان: لا والله
طيبه: والله
افنان: جنات فقيره ما تستاهل ومحمد هم ما شفت منه شي .
جيلان: هي هيج الحياة الدنيا اختبار للصبر .
___________________
هلا بارت خفيف لطيف
رايكم اريد توقعتكم شوصل جنات لهل حالة
اعتذر اذا اكو أخطأ
احبكم باي باي باي 💋💋💋💋💋💋
