لعبة القدر

『 𝐏𝐀𝐑𝐓 16

الفصل الأول | ظل من الأمس 🍁

🎭 الجزء السادس عشر| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

  🌟 ما تنساينيش من النجمة 🌟

فتحت الباب بلا سابق إنذار صافي الأعصاب عامين ليها عينيها وقفت عليه بنظرة كلها نااااار هزت عليه صبعها السبابة قدام وجهو مع هي كتبان قدامو بحال شي سنفورة ولكم أن تتخيلوا تكلمت بنبرة ديال التهديد
جوري : آخر مرة تعطي الحق لراسك تتكلم معايا بهداك الأسلوب حيث والديا وما كايتكلموش معايا بهذيك الطريقة تبدا تهين و تسهزأ فيا قدام الناس
هو غير كيشوف فيها ما نطق حتى كلمة كيشوف و كيسمع
جوري ( دفعتوا من صدرو بيد وحدة ) : اه أنا اللي كتبت داك شي اللي قريتي في هديك الورقة حيث ميشرفنيش  حتى تكون نسمة الوجود ديالك في حياتي ( خرجت عينيها مزيان فيه و نطقتها بحدة كلمة بكلمة) مفهوم المرة جاية الا شفتيني أنا جاية في هد الطريق نت قلب و سير من طريق وحدة خرة
  (استفزها الصمت ديالو صافي مبقاتش كتشوف قدمها بلا سابق اندار هزات يديها حتى لسما بغات تجمعها معاه بتصرفيقة يالاه غادي توصل يديها لحنك ديالو وهي تفيق قافزة من اللغوة اللي فيقتها من النعاس كانت ماماها اللي كتعيط عليها باش تفيق و كتحل في ستائر باش تدخل الشمس مع الغوة جات كالسة تخلطت عليها مع طريقة باش فاقت قافزة من الحلمة  )
جوري ( كتحرك يديها زعما لا و وجهها مخطوف منو اللون) : ماشي أنا اللي قلت هد الهدرة لا والله معرفتش كيفاش خرجت

عالية ( قربت عندها بزربة هديك زربة اللي بحال الجرية كلست حدها  ) : بسم الله عليك ابنيتي بسم الله عليك
جوري ( هي اللي صقلت و بقات كتشوف في ماماها و رمشت جوج رمشات بعد ما كطول الشوفة في كل رمشة  هي صافي بعد هد المدة كاملة  اللي عد حلت عينيها مزيان و عرفت راسها فين و معامن وعاد بدات كترجع فيها النفس و اللون ماماها اللي هزت يديها بجوج وشدتها من درعنها كتحركها منهم بجوج هادي الأخيرة  اللي ولات صفرة من المنظر ديال بنتها )
عالية : جوري بنتي مالك
جوري ( بحال شي مبوق ) : اه أنا أنا ما مالي والو أنا بيخير ( لحظة ادراك ) : و علاش فيقتني بهد طريقة أويلي خلعتني قلبي غادي يخرج من بلاصتو
عالية ( جمعتها معاها بقرصة في فخدها و كتكلام  ) : إوا يا بنتي يا جوري الله يمسخك خالعاني و كتخرجي في عينيك
جوري( اللي كتحاول تخفف من الألم ديال القرصة  ( احم بلاما نعطيكم معلومات على ألم القرصة ديال الأم المغربية ولا صافي راه مبغيتش يالاه حيت عزاز و طلبتوني غادي نقول ليكم اوا يا لالة كيقولو الناس اللي مجربينها أنا لا لا عمرني جربتها [ بيني و بينك جربتها ] إوا ما علينا ألم القرصة الذي تتكون من الإصبعين فقط الإبهام و السبابة هذه القرصة تتنافس مع قرصة العقارب استغفر الله العظيم لا راه الأم هادي نسيت بحال غير كتعنقك أش داني شي وصف لشي قرصة نتوما باغين تجبدو ليا صداع مع ماما نرجع لعندهم ) : ولا ماما لا قريص لا راني فقت مخلوعة من واحد الحلمة
عالية ( كانت طلقتها شفت فيها وهي منفخة ( ايه على الأم قلبها يكلها عليك يالاه كانت مخلوعة غادي تموت بالخلعة عليها ولكن داك شي تم تم الله يسمح لينا من الولدين ) ) : الحلمة خيبة بزاف
جوري ( حركت راسها بإيجاب ) : أه خايبة حلمت ب ناصر
عالية( شفتي فيها ديك شوف اللي كيديروها الأمهات اللي ناقصة غير بنص عين ) : و شكون هد ناصر
جوري ( اللي هي أصلا عندها ريزو تڤيل كتهبط في سروال ديال البيجامة اللي لابسة كانت طالعة ليها على رجليها مع سمعت شنو قالت ماماه و هي تكونسا و عد جتها لحظة ادراك على أش قالت بدات كدوي و تفتف في الهدرة  ) : اه ناصر  ااااااه ناصر  هو كان جني سميتو ناصر خايبة حلمة ماما بززززاف( بدات كتلبد في عينيها )
عالية ( اللي بعد صمت خلات دقات القلب ديالها يرتفعوا عد تكلمت هي ) : إوا دخلي الحمام وعودي الحلمة ماتقوليها لحتى حد عوديها فيه و دفلي في جنابك
جوري ( اللي ولات بغا غير تغبر من قدام ماماها لا تحصل عليها الكدبة ) : اه أنا غادي ندخل دابا
مشات تجري نيشان لحمام اللي عندها وسط البيت مع دخلات حطت يديها على قلبها من ضغط اللي حست بيه عينيها اللي دمعوا
جوري : ااااوف كنت غادي نحصل ياربي
بقات شحال وهي كطلع في النفس وتهبطها رجع تفكيرها لليلة ديال أمس و شنو وقع سهات فيه الأحداث وهي تقفز غير هي وجنابها
جوري : ناااري ميمتي شوفاتو كيخلعو
سمعت صوت من برا كانت ماماها اللي كتجمع ليها في حويجها اللي مرمين في الأرض و تنڤر عليها
عالية : جوري يالاه دغيا هبطي لتحت راه خوك باغيك أنا نمشيت خرجت وخلات جوري في أخد و رد مع راسها مخلوعة عرفات غادي يكون باقي منساش موضوع ديال البارح أنها مشات البلاصة اللي محدرينها متوصلاش ليها