ليتك كنت رحيم

💖 الفصل 21💖

قالت ندى بصدمه وذهول يعني انتي قصدي حضرتك المحاميه الكبيره ضي الناجي

قالت ضي اه ياستي انا ممكن بقى نتكلم في تفصيل القضيه بس من اولها كده عشان نبقى على نور انا ما بحبش الكدب ولا الكدابين يعني هسالك وانتي هتردي عليا بكل صراحه ماشي يا ندى

قالت ندى وانا كمان والله مابحبش الكدب وهكون مع حضرتك صريحه جدا

قالت ضي انتي بتحبي رحيم وممكن تديله فرصه تانيه من اللي انا سمعته منك اقدر اقولك ان هو شكله بيحبك قوي وندمان على اللي حصل

قالت ندى بحزن هتصدقيني لو قلت لك ان انا عمري ماحبيت حد في حياتي قد ما حبيته هو وبرده عمري ماكرهت حد بحياتي قد ما كرهت هو انا فعلا مش قادره اسامحه او ادي له فرصه تانيه انا اتغدر بيا واتهنت واتذليت جامد قوي

قالت ضي وانا معاكي في اللي انتي عايزاه ولو عايزاني احبسه هحبسه لان اللي عمله فيكي جريمه يعاقب عليها القانون بس انتي ليه في كل كلامك بتقولي هو ما بتقوليش اسمه

قالت ندى بسرعه لا لا لا حبس ايه انا عايزه اطلق بس وابعد عنه ده مهما كان ابن خالي ثم قالت بحزن ما بقولش اسمه عشان مش عايزه افتكره عايزه امسح اسمه من قلبي وعقلي ومن على لساني

قالت ضي وهي تبتسم ابن خالك اه قلتي لي ماشي ياندى انا هعمل لك كل اللي انتي عايزاه ورحيم ده انا هخليه يلف حوالين نفسه

في اليوم التالي

كان رحيم يجلس في مكتبه يراجع بعض الاوراق فدخل عليه ريان وهو يقول مصيبه مصيبه يا رحيم

قال رحيم بقلق بالغ مصيبه ايه في ايه اللي حصل حد جرى له حاجه

قال ريان ندى قطع كلامهم رحيم وهو يقول بخوف شديد ندى مالها يا ريان جرى لها ايه

قال ريان ما تخافش ندى كويسه ماجرلهاش حاجه بس لقت محاميه ترفع لها قضيه الخلع

قال رحيم وهو يلتقط انفاسه حرام عليك يا اخي خضتني وقعت قلبي في رجلي بحسبها جرى لها حاجه طب ما انت عارف هتتعامل ازاي زي ما اتعاملت مع المحامين اللي قبل كده اتعامل مع المحاميه دي ايه الجديد

قال ريان المحاميه دي غيرهم كلهم

قال رحيم كلهم زي بعض في اللي بيجيب الفلوس وفي اللي بيجيب التهديد شوف نقطه ضعفها ايه وهددها بيها

قال ريان انت عارف المحاميه دي تبقى مين تبقى ضي محمود الناجي مرات ليل المحمدي

قال رحيم بصدمه نعمممممم انت قلت مين الله يخرب بيتك ياريان مابتجيبليش الا الاخبار الزفت على دماغك

قال ريان طب وانا مالي انا ذنبي ايه حظك بقى ان هي تدخل الكافيه امبارح وندى تقابلها

قال رحيم حدد لي ميعاد معاهم انا اللي هروح لها بنفسي ولا اقول لك انا هروح لها بيتها