في تلك العتمة الباهتة اقبلت ملاكي ..

البارت السابع

وبعد اسبوعين من ملكة مروان ونوف تحدد عرس حلم وراكان وكان بعد ٥ اسابيع وبدت حلم تجهز نفسها وتاخذ الاشياء البسيطه اللي ناقصتها لانها جهزت نفسها  بعد ملكتها وتحدد عرس ريم بعد شهر من عرس حلم
الساعه ٩ العشاء كانت الجدة مزنه جالسه في الصاله الكبيره عند التلفزيون وكانت جنبها نوره قدامهم ثلاجه الشاهي والمكسرات شوي وتدخل سحر تتحلطم وحلم طلعت لغرفتها مع الاكياس طبعا بعد السلام
الجده مزنه : علامك تتحلطمين
سحر : البنت هذي بتجنني
نوره : هههههههههه ليش وش سويت
سحر : مو راضيه تاخذ قميص واحد من اللي خبري خبرك اقولها لازم تقول لا مو لازم
نوره والجده مزنه :ههههههههههههههههههههههههه
سحر بقهر : الحين انا اقولكم عشان تضحكون
الجده مزنه: اي يمه مستحيل البنت تشتري طول ماهي خجلانه
سحر : يعني تجلس كذا
نوره: لا طبعا اشتري لها انتي بدون ما تعرف
سحر: طيب والدبش ي فالحه شلون
الجده مزنه: حطيها في الشنطه اللي بتطلع معها الفندق مو بشنطه ملابسها
سحر : والله فكره
نوره وهي تقلدها : اي فكره المهم قومي بدلي وتعالي نختار المسكة لها 
دخلت حلم وحطت الاكياس على جنب شوي وتسمع رسالة جات لجوالها فتحتها كان محتوها
{ سلام حلم انا راكان هذا رقمي سجليه عندك }
تنهدت وسجلت الرقم باسم راكان
كان ودها تسجله باسم حبيبي بس مالها حق فيه طول ما قلبه لوحده ثانية بدلت ملابسها وجلست على السرير وسندت راسها وتذكرت لمن شافتهم في المطبخ نزلت دمعه حاره على خدها مسكة مخدتها وحظنتها ونامت
تسريع الاحداث
كان راكان ملخبط بس اللي كان متاكد منه حبه لريم وكرهه الغير معروف السبب لحلم على ان حلم جميله الا انه يكره دلعها يكره كونها ضعيفه وطفوليه يكره كل شئ فيها بلا سبب واللي زاد كره فيها هو جده اللي غصبه ياخذها كان جالس وسرحان في مكتبه شوي ويدخل عليه عمه سعود
سعود : ها يعريس طابت ليليك
راكان بضيق : عمي ماني فايق
سعود باستغراب : افا وش مكتدر خلقك
راكان تعدل بجلسته : عمي خليني اكون صريح معاك زين واتمنى تنسى غلاوة حلم ونتكلم بجد
سعود : اوكي موافق
راكان: عمي انت شايف حلم انسانه كويسه وتقدر تتحمل مسوؤلية بيت وزوج وعيال
سعود فهم راكان: اي تقدر تتحمل وتتحمل اكثر مما تتصور
راكان: طيب اوكي كلنا نتحمل بس خالي حلم طفله وانا ما ابي اكون مع طفلة
سعود : ساعات ي راكان الطفلة تكون احن وارق من الناضجه العاقله الكبيره اللي تفهم ادري انك تكره حلم وادري ان ابوي غلط لمن غصبك تاخذها عشان تتزوج ريم بس صدقيني انت لو عاشرت حلم الطفله اللي مو عاجبتك بتتمنى انك ما تفارقها وكرهك هذا اللي ماله سبب بيتلاشى وانا انصحك عاملها بلين ورفق ولا تفرق بينها وبين ريم مو عشان شئ بس عشان بكره لا تبعث وانت جنبك مايل
قام سعود وخلى راكان بحيرته وضيقته يفكره كيف بيعيش مع حلم وقلبه وعقلة مع وحده ثانيه
عند حلم كانت جالسه على الكنب وتبكي وتشهق من قلبها مو مصدقه انها بتاخد حبيبها اللي يكرها ضحكت بوسط بكاها على نفسها قامت توضت  وصلت ورفعت يدها لربها ودعت من قلبها
يوم الزواج الساعه ٥ العصر الكل مختبص بذات سحر ومنى وحلم كانت في الصالون مع نوف وامجاد والبنات وسحر ومنى خلصو وطلعو على القاعه وبعد ساعات خلصو البنات وكانت اشكالهم تهبل بذات حلم كان شكلها يسخط الواحد جاء سعود واخذهم من الصالون واتجاه على القاعه دخلو البنات الغرفه يلبسون وحلم بالغرفه الثانيه تلبس فستانها وتتجهز وكانت امها تساعدها وتعطيها نصايح
سحر : اسمعي يمه حلم الرجال ما يحب المداحر وان عصب خليه كلها وقت ويطخ ويرضى زين يمه وعامليه بالحسنى ومهما قال او سوى يضل سر بينكم حتى امه لا تدري عنه زين يمه
حلم بحزن : زين يمه
سحر : زين وابيك بعد تنتبهين لنفسك انتي خلاص معد انتي بنت بتصير حرمه خلي بالك من راكان وشوفي طلباته زين حافظي على صحتك يمه وامه امه ي حلم خالتك منى ديري بالك عليها وزوريها مو يعني تسكنين لحالك ما تطلين عليها وتسالين عنها انتبهي زين يمه
حلم : زين يمه
لفتها امها وناظرت فيها وقالت : الله يسعدك ويهنيك يبنتي انا متاكده ان راكان بيحطك فوق راسه ضمتها حلم والدموع متجمعه بعينها 
فصلت الحضن امها وراحت تنادي نوف تجلس معاها لحد ما يجي وقت الزفه
تسريع الاحداث
انزفت حلم على راكان وعند باب القاعه وهي تودع جدتها وجدها وامها
الجده مزنه : ي وليدي ي راكان بالهوين على حلم ترى ضعيفه
سحر : المعاملة الزينه لا اوصيكم عليها انتو الحين بتعيشون مع بعض
الجد سعد : العدل العدل ي راكان انتبه تقصر بحقوق ربك
راكان وهو يبوس راس جده : ابشر ي جدي ابشرو كلكم والله لحطها بعيوني وبنفسه يقول : والله لطلع كل الدلع والمصاخه من عينها ولاعلمها ان الله حق
اههخ ي ريم وينها وين ريم
ركبت حلم السياره مع راكان وانطلقو للبيت لان راكان ما حجز فندق
دخل البيت ودخلت وراه حلم وجلست على السرير
راكان: اسمعي من الاخير انا مستحيل المسك انا تزوجتك بس عشان اقدر اتزوج ريم كل اللي بسويه معاك اني اعدل بينك وبينها والان قومي بدلي ملابسك عشان بكره بنسافر بنروح ابها ثلاث ايام ونرجع لامي مقدر اترك دوامي اكثر من كذا
رمى الكلام اللي زي السم عليها وهي دوبها بفستانها الابيض بكت من قهرها على نفسها من قهرها على حياتها وعلى حبها حب عمرها قامت وفكت الشنطه اللي جهزتها امها لها لقت فيها قميص يفضح اكثر مما يستر وباقي اغراضها في الدولاب مغلفه قررت تلبس القميص كذا ولا كذا هو ما يبيها كارها دخلت الحمام (يكرم القارى)
اما راكان طلع لصاله ونزل شماغه طلع جواله من جيبه واتصال على ريم وصله صوتها الناعس
ريم بنعاس : الو
راكان : قلبي نايمه
ريم : اي حبيبي
راكان : اسف صحيتك
ريم : واذا صحيتني عادي احب ما على قلبي
راكان : ريم
ريم : اممم
راكان : احبك احبك احبك
ريم : اموت فيك اموت فيك اموت فيك
طلعت حلم من الحمام ( يكرم القارى) على صوت راكان وهو يقول ريم ابتسمت بقهر وبعدها سمتعته يوم قلها احبك مسحت دمعتها وراحت انسدحت في الفراش واخذت منوم لان صار لها فتره ما تنام وحطت العلبه على الطاولة اللي بجنب السرير وخمسة دقائق ونامت دخل راكان يبدل ملابسه شافها نايمه طنش بدل ويوم جاء بسنسدح الا وينتبه لعبة المنوم اللي على الطاوله جاله فضول راح ومسكها ويوم قراء العلبه انصدم منها تستخدم منوم قوي ناضر فيها ومسك يدها لقها زي الجثه حتى ما حست فيه لمن مسكها ناظر فيها شوي بتمعن وبعدها تنهد ونام
-
صباح اليوم الثاني صحي من النوم ولقها متكشفها اخذ يناظر فيها وفي جمال شعرها ووجها صحي علي نفسه وهو يبوس جبهتها كان شكلها مغري بالثوب الوردي البارد اللي لين فخذها وظهرها المكشوف كانت فعلا مثيره بس اللاسف راكان بعد عنها وراح الحمام ( يكرم القارى) وبعد ما خلص طلع وشافها توها صاحيه من النوم وتفرك عينها زي الاطفال وشعرها اللي لين ركبتها منكش بطريقه لطيفه ابتسم راكان من داخله على شكلها الطيف والمغري بنفس الوقت
راكان: صباح الخير
حلم بصوت خجلان من اللي لابسته : صباح النور
راكان: يلا قومي اجهزي ورانا طياره
حلم : زين يلا
قامت وهي تحاول تغطي نفسها اما راكان ما نتبه لها كان ماسك جواله يكتب لريم رساله
تسريع الاحداث
عند مروان اللي يحاول يخلي زواجه مع زواج راكان
مروان: جدي تكفى والله انا في عذاب ياخي ابي استقر
سعود : ههههههههههههههههههههه تكفى يبى والله رحمته زوجوه وفكونا من حنته
الجد سعد : يعني انت تبي زواجك مع زواج راكان
مروان : اي خلاص ما اتحمل تكفى ي جدي
الجد سعد : هههههههههههههههه زين لا يطق لك عرق موافق كلم امك وجدتك وخالك عبدالله علي
مروان قام وباس جده وهو مبسوط ورجع لمكتبه يكمل شغله
عند راكان وحلم بعد ما وصلو للفندق في ابها كانت حلم جيعانه بس استحت تطلب منه اكل قررت الصمت احسن لها وتشرب مويه اما راكان فكان لا يقل جوع عنها فقرر يطلب الاكل للغرفه وياكلون سوا وصل الاكل ونادى راكان حلم تاكل على الرغم من جوعها الشديد الا انها كانت تاكل بقله وهذا اللي استغرب منه راكان بس حطه من باب الخجل خلصت اكل وقامت جات بتروح بس وقفها راكان : انا برتاح شوي من السفر بعدين نخرج زين
حلم: زين
مشت وجلست على السرير على جوالها تفرفر فيه شوي الا ويجي راكان وينسدح جنبها ويلف للجهه الثانيه وينام قفلت جوالها وجلست تتامل ظهره كان ودها لو يلف شوي بس عشان تشوف وجهه قامت من مكانها وطلعت شغلت التلفزيون وجلست تتفرج على فليم تقضي وقتها لحد ما يصحى ..