قَيْـــسٌ وَ لَيْـــلَى 🕷️🕸️『𝑄𝑎𝑖𝑠 𝑎𝑛𝑑 𝐿𝑎𝑖𝑙𝑎』

£ Part 43 £ 🔥

Olaaa sinyoraaaaa 🤭🫶🏻

رواية : قيـــــــــــس و ليلـــــــــى ✨
• بأنامل : جمـــــــرة ( جنات مجدولين )

İnsta : wattp_jamra🤍

أحممم مرحباااااا بسنفورااات جدااد

شدو شدو بلايصكم اسنفوراااااتي شخدااات أحداث 💺💺💺💺💺🌀...

" البارت 43 💥 "

قلبو شاعل، هاد المرة بواحد القوة ما عمرها دازت عليه. العرق كيطيح من جبينو، نض راسو للفوق بحركة عصبية، حاط يدو على راسو كيحاول يهدي النبض لي مدمدم فيه. عينيه كانوا كيبرقو بنظرة شيطانية، وحدة فيها الغموض وفيها الغضب، وحتى هو ما عارفش واش هادشي لي كيحس حقيقي ولا غير من راسه. دخل للقصر بنفس ديك الحالة، وكل خطوة كان كيحس بيها الأرض كتتقل تحثو. فالممر الطويل، عينيه تزلاقو حتى توقفو على بدر… بدر لي كان كيشوف فيه بحصرة مخنوقة

…

دوزو جوج أيام.

ناصر كان جالس فالكافي لي تحت المول، قدامو لين. هي بلا ميكاب، ملامحها صافية، لابسة لباس خفيف ومريح كيبيّن الراحة لي عايشاها. ناصر بقى ناصر… داك الحضور القوي، الوقفة ديال سيد واثق. كانوا باقيين فالجولة الثالثة ديال اختياراتهم، كيقلّبو على حاجة مميزة للعرس.

لين بقاو عينيها غارقين فعيونو: باش كتحس دابا؟ فرحان؟"

ناصر ابتسم وضحك بخفة: نشوف كيبان ليك ! خاصني نكون فرحان زعمة راني عريس ليومة

لين تبسمت، دموع صغار لمّعو فعينيها بلا ما ينزلو : حتى أنا فرحانة… غير حيت نتا فرحان

ناصر شد يدها بواحد الحنية: عارفك يا لينوشتي

هي بقات كتشوف فيه ساكتة، غارقة فالعينين ديالو حتى الوقت وقف. ومن بعد، وقفوا عاوتاني باش يكملو جولتهم، دخلو محال ورا محال، لكن ما عجبهم حتى شي حاجة. حتى تاصل بيهم بدر بلي المصمم جا و جاب معاه كلشي

لين بصوت مدلّع: جاااني جوع

ناصر ضحك ومشى معاها: يلا هاني، نمشيو ناكلو

جلسو، كلاو بجو ديال قهقهات خفيفة، ومن بعد رجعو للقصر. مع أول خطوة فالباب، غمرهم إحساس غريب… بحال واحد الطيف كيحوم حولهم. كل واحد حسّو بطريقة مختلفة، ولكن بجوج عارفين أن الليالي الجاية ما غاديش تكون عادية.

…

طلع صباح جديد.
الليلة فاتت على زغاريد وضحك ودموع الفرح. القصر كان عامر بناس الداخل والخارج، البخور معطّر الأجواء، والموسيقى الكلاسيكية كترن فالممرات بحال سيمفونية كتعلن على حدث كبير.

لالة رحمة واقفة فالحديقة، قدام المسبح، عينها على أصغر تفصيلة فالتجهيزات، والهدوء ديالها كان يخبي واحد التوتر داخلي. لالة رقية فالمطبخ، مشدودة لطباق ومائدة العامرة. كل وحدة عندها مسؤولية، والكل خدام بحال خلية نحل.