روايه لشمس في جلدي حروق وعلى سموم القيظ تزهر حياتي

البارت الخامس والثالثون

_

-
غادة سحبت أنفاسها بقهر وهي تنزل الجوال من إذنها وكأن قلبها ينضغط أكثر مع كل رنّة تمر ولا يرد رمت نفسها على السرير، عيونها مثبتة بس على الشاشة تحس الوقت واقف
فجأة الجوال اهتز بيده من إشعار على الواتس كاتب لها :هلا
قامت بسرعة وهي تفز من السرير تضغط على المحادثة
كتبت بارتباك ويدها ترجف:وينك ليش ما ترد؟!
ثواني قصيرة بعدها جاها الاتصال
غادة  بلهفه واضحه نطقت : جسّار! وينك؟ ليش طولت؟
جسّار بصوته المبحوح الهادي: كنت أصلي
سكتت للحظة وهي تضغط على شفايفها بقوة : الله يتقبل بس مو كان مبطي مآذن عندكم  ليش مأخر صلاتك
ضحك ومارد
وانقهرت غاده وبلهجتها نطقت بسرعه:وشو اللي يضحكك لاتقول انت واصل الشرقيه انتم والشرقيه وقتكم واحد
جسار ببتسامه واضحه بصوته وهو يشغل السياره:والله السموحه ياحيي اذن بالطريق وماقدرت اوقف كملت لين ماحصلت مسجد وصليت استنكرت غادة  طريقه نطقه  وقالت بدلع:ماتصلح لك اللهجه لاتقلدني
جسّار وهو يضحك بخفوت واضح: لااا وش فيه ما يصلح؟ بالعكس غادة رفعت صوتها بحدّه وهي تعض شفايفها: جسار لا تجاكِرني تكفى!
جسّار مسك  ضحكته وسكت
غادة تنفست بحدة وقالت بعصبية تخفي خوفها: خلنا من ذا الكلام وركز معي في موضوع لازم ينفتح الحين
سكت جسّار لحظة وصوته صار هادي  كأنه يستوعب جدّيتها: وش عندج؟غادة عضّت شفايفها وترددت ثواني وقلبها يدق بسرعة بعدها قالت بنبرة واضحة:المفروض اقول هالكلام زمان بس الصدق مااستوعبت خطورته إلا الحين بس عادي مافاتنا شي يمديك تنسحب من الرالي ؟
رفع حاجبه بااستنكار؛ليش شنو شحقه لحظه ليش الحين تفتحين الموضوع!غاده بمراوغه:والله تبي الصدق ولا ابن عمه
ضحك على طريقتها وهو يحك طرف عينه :لا يبا الصج قولي  شعندج
غاده بدلع خفيف  وبااسلوبها المعروف تخلط المزح والصدق بنفس الوقت:اليوم واحنا طالعين من السوق شفت اعلان الرالي والصدق قعدوا اهلي يسولفون عنه وخرعوني ومابي تشارك هذا الصدق أصلا لو واعي انت ماتشارك قبل زواجك  صح ولالا
والواقع والواضح انك مو  مستوعب
ركز وصحصح  تكفى الوضع جدا دينجر
ومااسمح لك تحط نفسك بالخطر وعاد انت وكيفك تبي تمشي وتطنش طلبي كمل بس ماراح اكون راضيه
كان سامعها وماسك نفسه مايضحك لين آخر جمله قالتها انفجر بضحك قويي خلها تبتسم وتسكت شوي وتنطق:ماخلصت ضحك ترى صادقه
جسّار كان للحين يضحك وصوته مبحوح: يازينج بس والله ضحكتيني براسج اني داخل ومو عارف خطوره السباق؟
غاده بدلعها:اوف جسار لاتركز على الشي اللي يضحكك ترى صادقه واتكلم بواقعيه ماتقدر تنسحب؟
جسار وهو يشد على مسكته لدركسون:والله ياحبيبه قلبي
الموضوع صعب عندي ادري وش بخاطرج ومقدر خوفج وقلقج بس كلها ماله داعي
إجراءات الامن والسلامه بسويها كلها وبتوكل على ربي
وانتي ادعي لي أفوز
وكمل بلهفه وحماس:اه قسم بالله غدوي لو أفوز اني شقولج لو تطلبين تروحين القمر بوصلج له
غادة سكتت لحظة وابتسمت بخفه رغم قهرها وصوتها نزل وهي تتمتم: يعني مافي أمل تقولي بنسحب؟
جسّار رد ب ضحكة قصيرة: لا ياغادة الأمل إنچ تدعين لي وتوقفين جنبي
غادة بحدّة طفولية: بس أنا ما أبيك تشارك! وش أبي بفوزك إذا فيه خطر عليك؟
جسار بتفكير؛مافي خطر طيب لحظه عمرج حضرتي الرالي؟
غاده بسرعه ردت؛اي بس زمان ياخي ماذكر متى يمكن عمري وقتها ١٤ أتوقع هو آخر فعاليه حضرتها  بحايل
جسّار ضحك بخفوت ينزل سلك الشاحن عن جواله : عاد حايل كلها مافيها إلا رالي ذي فعاليتكم الوحيدة
غاده عصبت:هيه عن الغلط  توك مسولف حايلي الحين قلبت علينا
جسّار ضحك بخفة وهو يغيّر مسكة الدركسون: لا يبا مو اني أقلب بس أقول الواقع
غادة عصبت أكثر وهي ترفع صوتها: الواقع عندك بس أنا عندي الواقع إنك بتحط نفسك بخطر ما له داعي!
جسّار رد بنبرته الثقيلة الهادية: الخطر مكتوب لو الله كاتب بس ترى الرالي مو مثل ما تفكرون له نظام له تحكيم وله إجراءات سلامة موب واحد راكب له سيارة و
غادة قاطعته بزعل واضح : بس مو مستاهل زواجنا قريب يا جسّار والله لو يصير لك شي ما أتحمّل
جسّار سكت ثواني وصوته صارت قصير: غادة اسمعي زين ترى أنا ما أشارك علشان شهرة ولا صور ولا فشخرة. هالشي جزء منّي من حياتي من زمان بس لو تحسين إنه مايعجبج وبيخوفج لهالدرجة قوليها لي صريحة
غادة شهقت بخفة: وش تبي أقول أكثر من اللي قلته؟ قلبي يوقف وأنا أتخيل بس
جسّار ابتسم ابتسامه واضحه ب صوته: عاد تبين الصج؟ هالخوف اللي تحسينه هو اللي يعطيني دافع خليني أخلص وأفوز وأرجع لج رافع راسج
غادة انقهرت من طريقته وسكتت شوي بعدها قالت بنبرة ضعيفة: يعني مصرّ؟
جسّار وهو يغيّر يده عالدركسون: مصرّ وواثق ومتوكّل على الله
غادة عضّت شفايفها وغصّت: ما أقدر أقنعك؟
جسّار بهدوء: تقدرين إذا قلتي لي انسحب بس وقتها صدقيني بعيش بقهري سنين لأني ما كملت شي كان نفسي فيه
سكتوا ثواني بس صوت نفسها وهي تتنفس بزعل واضح
غادة بخفوت: الله يستر عليك
جسّار بصوته المبحوح: امين ياحياتي بس عاد لا تصيرين ضدي خلج معي⁩
_