في منزل ندى
كان الجميع يجلسون يتناولون الطعام وندى سرحانه وتقلب في طبقها ولم تأكل شيء
قالت وفيه مالك يا نودي ما بتاكليش ليه يا قلب ماما ايه اللي شغلك
قالت ندى ما فيش حاجه بس فيه حاجه غريبه قوي حصلت انهارده
قالت وفيه خير يا حبيبتي ايه اللي حصل
قالت ندى المحامي اللي ماسك قضيه الخلع جالي الكافيه النهارده اداني ورق القضيه وقالي ان القضيه خسرانه مع ان الاول قالي ان هي كسبانه 100% وهيتحكم لي من اول جلسه
قالت فيروز باستغراب الموضوع ده فيه ان
قالت اسراء مش يمكن دي اشاره من ربنا عشان تدي رحيم وحياتكم فرصه تانيه
قالت ندى بانفعال لو سمحتي يا اسراء ما تنرفزنيش البني ادم ده لو اخر واحد في الدنيا هعيش معاه ومش هرجع له ويا ريت يا اسراء ما تجيبيش سيرته تاني
قالت اسراء انا اسفه يا ندى والله ما كانش قصدي حقك عليا يا قلبي قطع كلامهم جرس الباب
قالت وفيه خليكوا انتم انا هفتح الباب اما اشوف مين حماته بتحبه جاي لنا دلوقتي ذهبت وفتحت الباب فوجدت عزيز وادهم وراكان وحازم وريان فقالت باستغراب ايه اللي لم الشامي على المغربي وجايبكم مع بعض
قال ريان انا جاي انا وحازم وقابلناهم تحت بس صدفه يعني
قالت وفيه اتفضلوا ادخلوا عشان احنا بنتعشى اللي عايز ياكل يجي ثم دخلت ودخل الجميع وراءها بعد التحيه جلسوا على السفره
قال ريان يااااه يا وفيه ما تعرفيش اكلك واحشني قد ايه
قال حازم وانا كمان واحشني اكلك قوي
قالت وفيه بالهنا والشفا على قلبكم
قال عزيز وانا كمان واحشني اكلك قوي يا وفيه بقى لي سنين ما اكلتش من ايدك
تجاهلته وفيه وقالت عامل ايه يا حازم واخبار المستشفى ايه
قال حازم كله تمام الحمدلله
قال ريان كنت عايز اطلب منك طلب يا وفيه وما تكسفنيش
قالت وفيه وانا من امتى بكسفك يا جزمه قول اللي عندك
قال ريان حبيبتي حبيبتي حبيبتي انا رايح بكره اطلب ايد زينه من صقر كنت عايزك تبقي معايا
قالت وفيه انا كده كده جايه عشان خاطر زينه
قال ريان بس انا كنت عايزك تيجي معايا بس مش مهم المهم انك هتبقي موجوده
قالت وفيه مبروك يا حبيبي ربنا يتم لك بخير وانت يا دكتور مش ناوي تفرحنا وتتجوز انت كمان
قال حازم والله اذا كان عليا نفسي بس بنتك مش راضيه
قالت وفيه باستغراب بنتي مين اللي عاوز تجوزها
أنت تقرأ
ليتك كنت رحيم
Short Storyهو رحيم ولكن اسم على غير مسمى فان الرحمه لا تعرف لي قلبه طريق اسمه مجرد وهم في بحر الظلمات رحمه مفقوده في قلب متجمد سياتي يوما ويدفع الثمن ويتمنى لو كان رحيما حقا
