ليتك كنت رحيم

💖 الفصل 19💖

قالت ندى كنت عايزه أسأل نجلا سؤال انتي قتلتي نادين ليه مع انها نفذت كل طلباتك وكل اللي انتي عايزاه عملته

قالت نجلا بتوتر نادين مين انا ما اعرفش حد بالاسم ده انتي عايزه تلبسيني تهمه وخلاص

قالت ندى سوري يا نوجا معلش حقك عليا صح انتي ما قتلتيش نادين عشان شريكك هو اللي قتلها بس انتي حاولتي تقتليني لما حطيتي لي الجرعه الزياده في العصير عشان تخلصي مني قبل ما ريان يرجع ويكشفك قصدي يعرفني ويقول ان انا مش ندى اللي كانت بتحط له البودره

كان الجميع في حالة صدمه وذهول وسادت حاله من الهرج والمرج

قال رحيم لصقر هو ايه اللي بيحصل ده هي عرفت كل ده منين ولا انتم عاملين فيلم عليا

قال صقر والله ما اعرف حاجه انا متفاجئ زيك بالظبط

قالت نجلا وهي تبلع ريقها بصعوبه ما حصلش ما حصلش انتي كدابه رحيم هو اللي حط لك الجرعه مش انا

قالت ندى انتي اللي كذابه عشان انا عارفه كل حاجه حتى شريكك قصديييي اسعد الدمنهوري اللي قتل نادين عشان يخلص منها قبل ما حد يوصل لها

قال اسعد بخوف انا ما عملتش حاجه انتي ما عندكيش دليل على الكلام ده

قالت ندى تصدق انت صح انا نسيت اوريكم الدليل ثم قالت راكان كل حاجه جاهزه

قال راكان كله جاهز يا برنسيسه ومستنين اوامرك

قالت ندى طب يا راكي ابدا

قال رحيم راكي وحياه امك ماشي يا ندى

وضع راكان فلاشه في جهاز الصوت عليها كل مكالمات نجلا واسعد

بقولك رحيم فاكر ان البنت دي هي اللي كانت بتحط لريان البودره في القهوه وخدها العزبه عشان ينتقم منها لازم تتصرف يا اسعد قبل ما ريان يرجع

قال اسعد ما تخافيش قبل ما ريان يرجع هاكون مخلص على البت دي

قالت نجلا ياريت والزفته الثانيه عملت فيها ايه يعني كان لازم تقول اسم واحده شغاله في الكافيه الله يخرب بيتك يا اسعد هتوديني في داهيه رحيم لو عرف ان انا لي يد في الموضوع ده مش بعيد يقتلني

قال اسعد بنرفزه ما قلت لك ما تخافيش واذا كان على نادين الله يرحمها والثانيه هتحصلها خلصنا بقى

قالت نجلا ياريت نكون خلصنا وتبعد عني عشان انا مش مستغنيه عن عمري وكفايه اللي انا ساعدتك في لغايه دلوقتي

قال اسعد لا يا حلوه مش بمزاجك احنا في مركب واحده يعني لو فكرتي تخلعي هيبقى عليا وعلى اعدائي وهقول لرحيم على كل حاجه وعلى كل الصفقات اللي خسرها بسببك

قالت نجلا انت بتهددني يا اسعد بعد كل اللي عملته لك

قال اسعد هو انتي عملته لي ببلاش كله بثمنه يا قطه فياريت تعقلي كده عشان انتي عارفه ان انا ما بهددش انا بنفذ على طول سلام يا قطه