ليتك كنت رحيم

💖 الفصل 18💖

نظر له رحيم وابتسم بشر وقال ما تخافش مش هعمل حاجه ثم نظر امامه وجد ندى تقف وحدها فقال عن اذنك هروح اسلام علي اللي واخد قلبي وروحي وذهب

قال صقر وهو يبتسم دي هتطلع روحك وقلبك بس انت ابن حلال وتستاهل كل اللي بتعمله فيك

ذهب رحيم لندى وقال عامله ايه يا قلب رحيم وحشتيني قوي

قالت ندى اعوذ بالله من غضب الله جت كسر قلبك ووحش لما يلهفك انا احسن منك

قال رحيم وهو ينظر لها باشتياق دايما يا قلبي تبقي احسن مني ومن الناس كلها دي حاجه تفرحني

قالت ندى بقول لك ايه يا جدع انت ما تخلصنا من ام الليله دي وتطلقني وتشوف حياتك وتسيبني اشوف حياتي مع واحد من سني اصل بصراحه انت كبير قوي وكل اللي يشوفك يقول لي انتي ازاي تتجوزي ده ده اللي يشوفكم مع بعض بيفتكروه ابوكي

ضحك رحيم بشده وقال اممممم كبير واد ابوكي بس ده ما كانش كلامك الاول ولا نسيتي يا قلبي

قالت ندى معلش كنت عاميه وفتحت وشفتك على حقيقتك وبصراحه كده انت كبير قوي عليا وانا مش عايز اعيش معاك

قال رحيم بصوت هامس انتي مجرباني على السرير عامله ازاي وبخليكي تحت مني عامله ازاي تعالي نطلع اوضتنا وانا اوريكي الكبير ده هيعمل فيكي ايه مش هسيبك لغايه الصبح

قالت ندى بتوتر انت انت قليل الادب ومش محترم وتركته وذهبت بسرعه

قال رحيم وهو يضحك براحتك يا نودي انتي اللي خسرانه بس بحبك يا قلب رحيم ومهما تعملي فيا ولا تقولي مش هزعل منك ابدا يا قلبي

كانت فيروز تقف وهي تقلب في الهاتف وفجاه سمعت صوت حازم وهو يقول الجميل واقف لوحده ليه

قالت فيروز باستغراب ابدا البنات راحوا يجيبوا حاجه نشربها وانا واقفه مستنياهم في حاجه

قال حازم بهيام فيروز انا معجب بيكي وعايزك تديني فرصه اتعرف عليكي عشان عايز اتجوزك

قالت فيروز باستغراب معجب بيا وعايز تتجوزني انا بس انا ما بفكرش في الحاجات دي وياريت تبعد عن طريقي عشان انا الصراحه عندي عقده من العيله دي كلها

قال حازم طب اديني فرصه وبعدين انا انا بحبك وغرضي شريف

قالت فيروز اسفه بعد اللي حصل لندى ما بقاش عندي ثقه في حد من العيله دي ولو سمحت ابعد عني

قال حازم مش كل الرجاله زي بعض صوابعك مش زي بعضها ولا هو عشان واحد وحش يبقى الكل وحشين

قالت فيروز اه كلكم زي بعض طينه واحده الغدر والخيانه في دمكم عن اذنك وذهبت

قال حازم بصوت عالي بس انا بقى مش هبعد عنك يا فيروز عشان انا بحبك وهفضل وراكي لغايه ما تحبيني يا قلبي