Anshi : Maa .... (maa Anshi ki taraf gaur se dekhti hai)
Maa" wo...
Uski awaaz ruk ruk kar nikalti hai ,jaise gaale me kuch aatak gaya ho ,usne aankhe uthakar Maa ki taraf dekha ,phir zameen ki taraf aur dheere se boli
Maa" mujhe bahut dard hota hai?
ye shabd sunte hi Maa ekdam se chok gai...unhone turant apni beti ka chahra apne dono haantho me le liya aur aankho me gahri chinta utar aayi
Maa (chinta se) : Dard ? b..bata laddo tujhe kaha dard hota hai ...maa ne bechain hokar puchha ...
Anshi chup ho gai ...uska chahra sharam se laal pad gaya...hont hilne lage ,par shabd naa ban paye ....
maa : bata naa laddo me teri maa hoo ...mujhse chhupayegi apna dard..
uski palke sharam se neeche jhuki jaa rahi thi ...maa ne uski aankho me aasuo ka bojh dekh liya tha ...
Maa : mujhe ..bata laddo ,kahaa dard hota hai Sharma mat....beta mujhe nahi batayegi to kise batayegi me teri maa hoo? tere muh se ye baat sunkar mera kalejaa phat raha hai...
Bol..laddo apni maa ko bata kya baat hai
tujhe kya pareshani hai...
Anshi ki aankho se aasu tapak pade..par uske hoonth abhi bhi band the...
Maa bechain hokar uska haath pakadti hai..
kaha dard hota hai ...laddo ? seedha bol
me maa hoo teri ! mujhse kesi sharam laddo..
Anshi (bahut dheemi awaaz me)
Maa! p..pet k..ke neeche... roz jalan rahti hai ...kabhi kabhi khoon sa bhi aa jata hai...chalti hoo to yesa lagta hai aandar kuch chubh raha ho aur... raat ko to aur jada badh jati hai
maa ki aankhe aasuo se bhar jaati hai.
wo Anshi ko Kas ke gaale laga leti hai..
Maa : Hey.. Bhagwaan ... tu kabse jhel rahi hai ye sab?
tune mujhe pahle kyu nahi bataya ?
Anshi (aankho me aasu aur palke neeche jhukake)
sharam aati thi Maa ! ....apni tabiyat ke baare me apko baatane me .... ki aap kya sochegi .aur lagta tha shayad meri hi galti hai ...aur sochti thi apne aap theek
hojaaugi...par ab to ye dard din ba din badhte jaa raha hai ...kabhi kabhi kapde bhi gaande ho jaate hai .
Maa mujhe lagta hai ...mujhe koi badi bimari ho gayi hai.
ye sunte hi Maa ka dil kaap gaya aur unhone apni beti ko zor se seene se laga liya...maa ke aasu Anshi ke baalo me girne lage ....
Maa : Chup ! kuch bhi bolti hai Arre pagli ...beti apna dukh maa se nahi kahegi to kis se kahegi... m..me tujhe Kal hi doctor ke pass le jaaugi.. tu chinta mat kar...
Anshi ke baalo ko sahelate huye kahti hai...
Laddo tune apni takleef ke bare me damaad ji ko bataya ...kya kaha unhone
ager tune nahi bataya hai unhe to me unse baat karugi teri tabiyat bare me....
ye sunte hi Anshi ki pairo taale zameen kisak gai...
agar maa ne unse sach me baat kar li to?
agar unhe pata chal gaya ki mene kuch baate maa ko batai hai to?
unka gussa ....unki darindgi..me seh nahi paugi...
maa : Bolnaa Laddo tune baatya damaad ji ko?
Anshi bechaini se saans lete huye...
Haa maa mene kaha tha unse ...par wo office ke kaam me hamesha vyast rahte hai naa....to bas unhone kaha ki tum thoda aaram karlo theek hojaaogi
Anshi apne aandar sochti hai
agar maa ko sach bol diya...jo dard me seh rahi hoo bo unhi ki wajah se hai
toh maa toot jayegi,
aur mujhe apne sath lejaane ki zid karegi....aur phir ghar par aur tufaan mach jaayega....
Baithak me baate chal rahi thi ,par maa
ki aankho ke samne Anshi ka saadi se pahle bala chahra ghoom raha hota hai
Maa : bahenji ....ham soch rahe the ki Anshi ko do chaar din ke liye apne sath lejaye bese bhi uski tabiyat bhi theek nahi chal rahi ,hawa pani badle gaa to shayad sehat me sudhaar ho...apne to dekha hi hai kitani kamzor hogai hai ,rang bhi udd gaya hai chahre ka ...
