في تلك العتمة الباهتة اقبلت ملاكي ..

البارت السادس

الساعه ٣ الفجر كان راكان مسند راسه على الجدار وجالس بالكرسي اللي جنب السرير ومغمض عينه شوي ويصحى على صوت بكى وشهقت قام وشاف حلم تبكي وتشهق ولافه وجها للناحيه الثانيه
راكان مسك يدها : حلم اشبك تعبانه تبين دواء
حلم لفت راسها وتلاقت عيونهم هذي اللحظة راكان انصدم من جمال حلم ومن عيونها اللي كنها مجرة
راكان في نفسه : سبحان من خلقك حتى وانتي تبكين حلوه اههخ ي حلم لو كنت ادري ان تحت العبايه والخمار الاسود ذا الزين كله
حلم ببكاء : عطشانه
صحى راكان من سرحانه : ها طيب الحين اجيب لك
جاب لها المويه وفتحها واعطها عشان تشرب بس ما قدرت لان يدها كانت ترجف فقام وشربها كانت زي الطفل في حضن راكان وماسكه القارورة بيدها الثنين كانت يدها على يد راكان واليد الثانيه على القارورة وفرق الطول بينهم كان واضح قرب راكان منها وشم ريحة شعرها اللي كان مظفر وبعدها غمض عينه ورجع فتحها لقها نايمه وهي جالسه قفل قارورة المويه وسدحها زين وغطها بالحاف ورجع لمكانه وضل يتاملها يتامل جمال الطفلة اللي قدامه اللي مليئة بالانوثه والنعومه قرب ومسك يدها اللي كانت صغيره مره بالنسبه ليده الرجوليه باسها بخفه ورجعها على السرير وضل يتاملها
تسريع الاحداث
عرفت سحر عن بنتها اللي متنومه بالمستشفى وعرفت ان راكان هو المرافق معاها
سحر ببكاء : ي حسرة قلبي عليك ي بنتي من وين جالك كل هذا وانت ي الثور كيف تخلي راكان يبات معاها
مروان: استهدي بالله وبعدين يمه راكان زوجها حلالها وخالي سعود كان معنا وما عارض
سحر : ولو ولو اههه ي بنتي اهه ي قلبي عليها.
امجاد : يمه اهدي قولي لا اله الا الله ما يصير اللي تسوينه
الجده مزنه : ي بنتي اهجدي الله يصلحك يقولون لك البنت طيبه ومافيها الا العافيه
سحر وهي تبكي : اي عافيه يمه بنتي عندها صدمه عصبية الشر مسكها من كنا في المزرعه اهه ي بنتي
شوي ودخل سعود عليهم
سعود : السلام عليكم
الكل وعليكم السلام
قامت سحر له : سعود تكفى ودني لبنتي ابي بنتي
سعود يضم اخته : اهدي ي بنت الحلال بنتك بخير ومافيها الا العافيه توي مكلم راكان بيشوفها الدكتور ويكتب لها خروج وتجي تعالي نجلس
عند حلم في المستشفى الساعه ٤ العصر كانت نايمه وصحيت لفت شافت راكان يضحك ومبسوط ابتسمت بس ابتسامتها تلاشت من سمعت صوتة وهو يقول
راكان : ريمي قلبي
ريم: هلا حبيبي
راكان : احبك واعشقك واهواك مو مصدق نفسي انك صرتي ملكي امس
ريم : ههههههههههههههههههههههه راكان بس عاد ترى استحي انا
راكان : ي قلبي انا على اللي يستحون
ماكان منتبه للي دموع نزلت على خدها الناعم الابيض ولفت راسها لناحيه الثانيه وبكت لمن لفت انتبه لها راكان وقفل من ريم وقرب منها شافها تبكي
راكان : حلم باقي تعبانه
حلم لفت له وقامت بهدوء وسنتد ظهرها على السرير وبصوت باكي: ابي ارجع البيت
راكان : فيك شئ ليش تبكين
حلم تمسح دموعها وبعصبيه : ابي ارجع البيت الان ارجع البيت
راكان : طيب طيب اهدي برجعك والله بس يشوفك الدكتور
حلم لفت وجها جهة الشباك ونزلت دمعتها قد ايش هي ضعيفه وحساسه من زمان كانت تحاول تخبي دمعتها بس ما كانت تقدر كان اخوها مروان وهي صغيره يسميها ام دميعه لان على اي شئ وبسرعه تبكي
تسريع الاحداث
خلص راكان اجراءت الخروج بعد ماكتب له الدكتور الدواء وحذرة من انها تزعل او تتضايق وينتبه لها لان معها ربو طلع وشاف حلم تنتظره وجالسه على السرير وراسها منزلته على الارض
راكان : يلا حلم خلصت
قامت حلم بسرعه وحسة بدوخه كانت بطيح بس تمسكة بالكرسي اللي قدمها
راكان : بسم الله عليك وجاء بيمسك يدها يساعدها بس حلم وخرته
حلم بحده وقهر : بعد يدك انا كويسه
حاولت توازن نفسها ونجحت في كذا ومشت قدامه خارجين جات بتركب وراء بس يد راكان منعتها
راكان بقهر من اسلوبها : انا مو سواق عند ابوك عشان تركبين وراء اركبي قدام
حلم سمعت الكلام وبقهر ركبت قدام وحركو وطول الطريق عين راكان تراقب حلم وحلم ساكته ولافه راسها للجهة الثانيه
تسريع الاحداث
الجد سعد : اقول ابو راكان
عبدالله : سم يبه
الجد سعد : بعد بكره انشاء الله بنجي عندك البيت نطلب يد نوف لمروان وها ترى نبيها خطبه وملكة بيوم واحد عاد هذا ولد الغالي رحمة الله عليه
عبدالله بفرحه : على بركة الله وحياكم الله يبه احنا الطالعين وانتو الداخلين
الجد سعد : بارك الله فيك
وصلت حلم البيت واول ما دخلت ركضت امها عليها تضمها وتبوس راسها وخدها
سحر وهي تتفحص بنتها : يمه فيك شئ يعورك فيك حاجه توجعك
حلم وهي تكتم دمعتها : يمه اهدي انا بخير بس اغمى علي زي المره اللي فات انا زينه
سحر انتبه لراكان وهي تمسح دموعها : هلا يمه راكان حياك
جاء راكان وباس يدها : هلا عمتي كيفك
سحر : بخير يمه حياك
راكان : لا خالتي بروح عندي شغل ضروري المهم الحمد لله على سلامة حلم
حلم ناظرت فيه بستحقار ونادت اختها : امجاد تعالي سنديني بطلع ارتاح
استغرب راكان من تصرفاتها اللي تغيرت فجاءه حتى سحر استغربت ان بنتها تتكلم بهذا الاسلوب المعروف عن حلم انها اسلوبها هادي حتى لو عصبت
سحر : معليش ي ولدي اكيد انها مره تعبانه فتتصرف كذا بيني وبينك هي متغيره من يوم المزرعه
راكان : لا ولا يمهك خالتي مقدر اللي تمر فيه
سحر : تسلم ي ولدي تعبناك راكان سلم على امك ونوف
راكان : لا تعب ولا شئ يوصل انشاء الله يلا في امان الله
سحر : مع السلامه
طلع راكان وهو معصب منقهر من اسلوب حلم معه توها قبل يقفل من ريم تبتسم في وجهه ركب السيارة وهو يتنهد على هالمصيبه اللي صار فيه صار بين نارين صار خايف يحب حلم ويظلم ريم معه حرك السياره واتجه للبيت لانه من امس ما نام سهر على راس حلم
تسريع الاحداث
وجاء اليوم المنتظر لمروان ونوف الساعه ٩ الصباح الجد سعد قرر ان الملكة تكون اليوم الثاني في الليل عشان الكل يمديه يتجهز
وفي بيت الجد الكل كان متجمع بمناسبه هذي وبنفس الوقت يجهزون لان الملكة بتصير ببيت الجد لانه كبير
كان الكل جالس تحت معدا حلم كانت بغرفتها مالها خلق تشوف راكان
لاحظ سعود ان حلم مو موجوده
سعود : امجاد وين اختك
امجاد كانت تسولف مع نور وريهام : هلا والله فوق خالتي نورة تحايلتها تنزل تقول تعبانه ومالها خلق ازعاج
نوف : شف الملعونه بطلع لها انا
سعود : لا نوف اقعدي انا بطلع لها
طلع سعود دق الباب عليها
حلم ببكاء: مين
سعود: انا خالك
حلم وهي تمسح دموعها فتحت الباب: هلا خالي
سعود عرف انها كانت تبكي : ممكن اكلمك شوي
حلم : تفضل خالي
دخل سعود وجلس على الكنب وحلم جلست على الكرسي المقابل له كان وجها تعبان واحمر من كثرة البكي وضعفانه من قلة الاكل وفوق هذا صدرها كان يوجعها من الربو
سعود : ممكن اعرف ايش فيك
حلم : ايش فيني خالي ما فيني شئ
سعود : الا فيك شايفه شكلك شايفه وجهك كيف كنتي وردة الابتسامه ما تختفي عن وجهك والحين ايش كله تعبانه وحابسه نفسك حتى عيونك اللي كانت شمس تشع بالطاقه صار ذبلانه
حلم : خالي الله يخليك ما ابي اتكلم
سعود : الا بتتكلمين
حلم : لا والله يخليك لا تضغط علي
سعود : انتي فيه شئ بينك وبين راكان
حلم : لا مافي شئ بيني وبينه
سعود : حلم راكان بات عندك في المستشفى لانه فيه شى يبي يقولك عليه اخلصي وقوليلي
حلم : اقسم بالله مافي شئ بيني وبين راكان
سعود : يعني الحين بتقنعيني ان تعبك هذا كله وحركاتك واسلوبك المتغير مع الكل راكان ونومته معاك بالمستشفى وما بينكم شئ
حلم بكت : اي اقنعك لان راكان من ملك علي وهو ما يكلمني الا كلمتين ورد غطاهم وتكفى خالي قفل الموضوع انا تعبانه وبرتاح
سعود يوم شافها بكت قفل على الموضوع لان كل شئ بيبان بعدين : زين يلا قومي معي ننزل
حلم : مابي انزل ابي انام
سعود : حلم قومي ننزل
حلم: خالي تكفى خلاص مابي
سعود : واحد
حلم : خالي خلاص مابي
سعود : اثنين
حلم : خالي والله مو فايقه
سعود : ثلاثه
حلم : خالي الله يخل ماكملة كلمتها الا وخالها شايلها من فوق الكرسي ونازل فيها انتبه له راكان كيف شايل حلم بوضعية النونو وحس ان قلبه انحرق والغيره لعبه فيه صح اللي شايل حلم خالها بس حس ان قلبه يقول هذي لي هذي حقتي انكتبت بسمي هذي ملكي ما اسمح لاحد يلمسها قطع سرحانه ضحكة حلم من خبال نوف اخته ابتسم من ضحكتها الانثويه الحلوه اللي تبين غمازاتها اول مره تجلس معه بدون جلال او عبايه وقدام اعمامه وجده
تسريع الاحداث
يوم الملكه نوف كانت في غرفة حلم تتجهز رغم ان عندها غرفه في جناح ابوها بس ما تبي الا غرفه توام روحها كانت لابسه فستان عنابي يبين بياض جسمها وشعرها اللي يوصل لخصرها مسيوته ويفي ومن قدام مهليه قصتها على وجها ومكياجها الناعم اللي يبرز ملامحها الانثويه اما حلم فكانت جهزه بس جلست بالغرفه عند نوف لان نوف ما تبي تجلس لحالها كانت حلم لابسه فستان اسود يبرز لون بشرتها الحليبي ومكياجها كان شوي ثقيل موضح جمالها وشاعرها كانت لفته كعكه عشان ما يضايقها كان شكلها حلو مره
وصلو الناس ومن ضمنهم حليمه وبناتها ريم وروابي وجلسو سواليف ورقص والناس فرحانه
عند الرجال الشيخ وصل وكتب كتاب نوف ومروان وقع مروان واعطى الشيخ الكتاب لاراكان يوصله لاخته عشان توقع
راكان: زين شوفولي طريق
مروان : لحظه بدق على حلم تجي تسويلك
دق مروان على حلم
حلم: هلا مروان
مروان : حلم تعالي انتي ونوف عشان راكان يبيها توقع
حلم : يلا زين
نزلت هي ونوف وراحو على المجلس وعند الباب كان راكان ينتظر شوي ويشوف ملاك يمشي على الارض لابس اسود وشعره فوق يوم دقق عرف انها حلم اعطى اخته توقع بفهاوه في شكل حلم كان وده كل يوم يشوفها يمسكها ويضمها لصدره بقوهه ولا يخلي احد يشوف جمالها وزينتها غيره رغم حبه لريم الا ان حلم سيطرة عليه وقعت نوف وسط زغاريط امها وعماتها اللي جو معاها وسمع الشيخ موافقتها وماكان لها شورط كانت بس تبي تكون مع مروان وهذي هي تحقق حلمها وصارت ملكه ودخل مروان ولبسها شبكتها وباس جبينها ولا اعطى اي اعتبار للي جالسين شوي ويقومون يدخلون يجلسون مع بعض شوي
مروان جلس جنب نوف ومسك يدها وباسها : اخيرا اخيرا ي قلبي صرتي لي تدرين من شفتك بالمزرعه وانا اعد الايام والدقائق والثواني اللي تكونين فيها ملكي
نوف تصاعد الدم لخدودها و لسانها النربط كل اللي سوته نزلت راسها بس مروان رفع راسها : لا لا تكفين لا تنزلين راسك ابي املي عيني من هالوجه الحلو وقرب وباس خدها
هنا نوف ماتت ناظرت بوسط عيونه وهو ناظر وبعد مده مو طويله قالها مروان بتخدر : احبك واعترف انك من اول دقيقه تملكتي قلبي وروحي احبك واقسم ي نوف اني لاحميك لاخر يوم في عمري
نوف ابتسمت ومسكة يده وقالت بصوت ناعم وفرحان والخجل طاغي عليها : وانا اموت فيك
كملو سواليفهم برومانسية وحب
عند راكان كان جالس يطقطق في جواله شوي الا ريم ترسله
ريم : قلبي
راكان : عيون قلبك
ريم : اشتقت لك صار يومين ما تكلمني
راكان : ههههههههههههه وانا بعد اشتقت لك
ريم : والله صدق ولا بس تسلك لي
راكان : افا اخسي اسلك لك اقولك
ريم : هلا حبي
راكان : تعالي المطبخ وانا بقابلك هناك
ريم اوكي
وراحت ريم سالت ريهام عن المطبخ ودلتها دخلت ولقت راكان يستناها يوم شافها انبهر بشكلها اللي يحبه كانت لابسه فستان ازرق قصير لين الركبه ومكياجها كان ناعم وشعرها القصير استريت
راكان: اههخ قلبي قلبي
ريم : هههههههههههههههههههه
راكان : يمه فديت الضحكه ي جعلها دوم
ريم : خلاص راكوني خلاص والله استحي
راكان حاوط خصرها النحيف وقربها له : ي عمر راكونك انتي ي عشقه ي انفاسه وهواه
قرب من شفايفها وباسها بعمق وهي بدورها بادلته بكل حب
كانت حلم جالسه تسولف مع البنات وتضحك شوي وتناديها خالتها نوره
نوره : حلم يمه
حلم : هلا خالتي
نوره : يمه قومي جيبي ثلاجه القهوه الثانيه تلاقينها بالمطبخ وتعالي شيلي كسات المويه هذي وديها للخدامات يغسلونها
قامت حلم وشالت الكاسات وراحت المطبخ واول ما دخلت شافت منظر ريم وهي متعلقه براكان ويلتهمون شفايف بعضهم واول ما فصل راكان عن شفاشف ريم انتبه للي تجمعة الدموع في عينها ويدها ترتجف وواقفه كانها لوح خشب ولا هي قادرة تتكلم عينها بعين راكان وريم استحت وخبت وجها بصدر راكان تدري ان حلم بعد زوجته بس تزوجها غصب عنه حلم من قوة الرجفه اللي صابتها طاحت الكاسات اللي كانت ماسكتها على رجلها وخارت قوها وماقدرت تمسك دموعها اكثر من كذا نزلت دمعتها وجاء راكان وريم بسرعه لها
راكان: حلم يعورك شئ تعورتي
ريم مسكة يد حلم : حلم ردي تعورتي القزاز عورك
حلم فلت يدها من ريم ومسحه دمعتها : انا زينه اسفه مكان قصدي اقطع عليكم واخذت ثلاجه القهوه وطلعت وراحت ولا كان شئ حصل . .
___________

أعطوني رأيكم في هذي البارتات اكتبولي كومنت اكمل ؟؟