في تلك العتمة الباهتة اقبلت ملاكي ..

البارت الخامس

جاء يوم جديد يوم جديد على ابطالي الاحباء
الساعه ٣ العصر جاء راكان بيت الجد الكبير دخل المجلس لقى ابوه وعمه سعود ومروان وجده سعد
راكان : السلام عليكم
الكل: وعليكم السلام
مروان : وينك من اول ادق عليك
راكان : بدوام طلع عدنا ملفات محيوسه الله وكيلك خلصت نصهم
مروان: اسكت العمال مسوين الهوايل عندي الله يكون بالعون بس
جلسو يسالفون شوي قال راكان ومروان في وقت واحد
راكان ومروان : جدي نبيك بموضوع
سعود بستغراب : يستار استر وش عندكم هاا
عبدالله: ظنتي به مصيبه اخلص انت وهو ما تهرجون بوقت واحد الا فيه بلاء
ابتسم مروان : لا تطمن هذا بلاء مفرح
راكان : معه حق بلاء مفرح
الجد سعد: بس يعيال خلونا نسمع قول مروان
قول راكان وش تبون
راكان ومروان : نبي نكمل نص ديننا
الجد سعد : ههههههههههههههههههههههههه صدق واخيرا
سعود : اهه يالمعفنين بتتزوجون قبلي
عبدالله بعدم تصديق: راكنوه مروانوه تستهبلون صح ترى ذا زواج مو لعبه
مروان : خالي عبدالله والله مو استهبال واصلن انا مدري عن راكان بس انا ابي اكمل نص ديني
راكان : وانا بعد يبه ما ادري عنه ترى
سعود : هههههههههههههههههه
والجد سعد وانت ي راكان مين تبي
راكان بابتسامه : حفيده الجد خالد ريم
كشر الجد سعد وقلب وجه كان وده ياخذ حلم بنت عمته بس اختار ريم
سعود : وش ريم وانت ما لقيت غير هذي اللي ا تستحي تاخذها
راكان : عمي تكفى لا تلغط انا ابيها واحبها
عبدالله: حبب جلدك قال احبها على جثتي تاخاذها
عصبو وتهاوشو وصارت معركة قدام الجد سعد
وقام راكان بعصبيه بيمشي بس وقفه صوت الجد سعد: راكان
راكان التفت وهو معصب : سم جدي
الجد سعد : ان كانت تبي تاخذ ريم نفذ شرطي اول
سعود بستغراب: يبه انت راضي
رجع راكان وجلس: وشهو  ي جدي شرطك
الجد سعد : تتزوج حلم بنت عمتك سحر وبعدها حلال عليك ريم
وقعت الصدمه على راكان وابوه عبدالله وسعود ومروان
مروان : جدي انت مستوعب وش اقول حلم ما راح ترضى ليش ترمي اختي ي جدي
الجد سعد بعصبيه : ومن متى كلامي يتكسر
راكان : مستحيل جدي انت قاعد تصعبها تكفى لا تحطني بين نارين
الجد سعد : ي شرطي يتنفذ يا لانت حفيدي ولا انا اعرفك  وحتى ابوك بيتبرا منك وتطلع برا حياتنا وقام ودخل البيت
سعود : والحل
عبدالله بعصيبه : الحل عند الفالح اللي ملقى غير هذي يتزوجها
راكان بعصبيه : لو سمحت يبه لا تغلط عليها وبتزوجها حتى لو اضيع حياتي بتزوجها لاني احبها
وطلع
مروان : خالي اهدء وانشاء الله خير انا بروح وراه
سعود : اي الحقه ترى هالولد مجنون
طلع مروان وراء راكان بسرعه وركب معاه في السياره
راكان : ها وش تبي بتكمل الباقي
مروان: افا عليك اهدء وروق
راكان: مروان اخلص وش تبي
مروان: ما ابي منك شئ بجي معاك بس اهدء
راكان بعصبيه : يااخيي انا اكرهه اختك اكرها ما اطيقها اشوف الموت ولا اشوفها باي حق جدي يبي يزوجني اختك
مروان تنرفز : راكان انت واعي للي تقوله احشم نفسك انا ساكت عنك من اول لانك منصدم بس لا تغلط على حلم
راكان بعصبيه : انزل اقولك انزل
مروان بعصبيه اكبر : ما راح انزل
راكان بعصبيه وصراخ : اقولك انزل بروح البيت بتجي معي البيت
مروان نزل يوم شاف وضعه زي كذا واول ما نزل حرك راكان باقصى سرعه لفت الدنيا ودارت في راكان ويحس بالم بقلبه قرر يكلم ريم ويقولها يمكن توافق
راكان: الو
ريم : هلا حبيبي
راكان بضيق : هلا قلبي كيفك
ريم : بخير قلبي
راكان: ريم بكلمك بموضوع فاضيه
ريم : كلي لك ي قلب ريم
راكان: ريم انا كلمت جدي بموضوع زواجنا
ريم : اي وش قال حبي
راكان : شرط علي شرط
ريم : وشهو الشرط
راكان ما قدر يتكلم ويقولها
ريم : حبيبي راكان وش الشرط
راكان : الشرط ان اتزوج حلم بنت عمتي سحر بعدها اتزوجك
ريم بصدمه : ايش وش تقول انت مستحيل تاخذها
راكان: ريم انا لو ما اخذت حلم انتي ما بتكونين معي وجدي وابوي بيتبرون مني
ريم بعد صمت دائم دقائق : عادي افكر وارد لك خبر
راكان: اكيد حبي يلا باي
ريم : باي
جلس يلف بسيارة لحد ما جاء الليل رجع البيت وطلع بدون لا سلام ولا كلام والدنيا ضايقه فيه جده يبي يزوجه وحده ما يطيقهاويحرمه من حبه قرر ينام ولمن يصحى بكره يدور حل
تسريع الاحداث
الساعه ٢ الظهر راكان وهو في المكتب سرحان ومتضايق طول اليوم باله مشغول وفكره توديه وفكره تجيبه وقطع سراحنه صوت الجوال 
وكانت ريم
راكان بسرعه رد : الو
ريم : الو حبيبي
راكان : عيون حبيبك قلبه عيونه
ريم بحياء : انا موافقه
راكان بعدم تصديق : موافقه على وش على زواجي من حلم وبعدها اخذك
ريم : حبيبي طلما انا بكون معاك هذي اسعد لحظه بحياتي وانت اصلن تكره حلم فخلاص المساله واضحه كلها كم شهر وتطلقها ونعيش انا وانت لحالنا ونفتك منها صح
راكان بفرحه : صح ي قلبه انتي ويلموني في حبك اههخ ي قلبي انتي يلا بسكر معاك بروح اقول لجدي
ريم : احبك باي
راكان : اموت فيك باي
سكر من حب عمره وطلع جري لسيارته وعلى بيت جده كان الجد سعد جالس مع سعود وعبدالله وسلطان
شوي ودخل راكان
راكان : السلام عليكم
الكل: وعليكم السلام
راكان : جدي عمي سعود ابوي انا جاي اقول لكم قراري قدام عمي سلطان
سلطان: وش السالفه
الجد سعد : وش قرارك
راكان : انا موافق اتزوج حلم بمقابل اتزوج ريم بعدها
سعود : راكان انت متاكد هذا زواج وانت تعرف حلم حساسه
راكان: مايهمني سوى اني اخذ حب عمري حتى لو على سبيل اني اضيع حياتي المهم عندي ريم
الجد سعد : زين اجل على بركة الله اليوم المغرب تكنون عندي
راكان: انا عندي شرط
الجد سعد : وشهو شرطك
راكان : ابي اشوفها مستحيل ازوج وحده طول عمري شايفها اسود باسود ابي اشوفها
الجد سعد : حقك ابشر تشوفها وتجلس معها بس ان قلت لها كلمة تضيق صدرها والله ي راكان لادفنك
راكان : لا تخاف ما بقولها شئ
قام راكان وخرج رجع لدوامه وهو مرتاح انه بياخذ ريم ومتاضيق انه بياخذ حلم يحس وده يخنقها تذكر امس كيف كلم مروان وقرر يروح له البايكه عند العمال ويتاسمح منه
تسريع الاحداث
بعد ما تصالح مروان وراكان وكلم الجد سعد بنته سحر وحلم مقدرت تكسر كلمة جدها وافقت انها تتزوج راكان وهي بتموت من القهر واللي قهرها اكثر انه بياخذ عليهاريم بعد شهر من زواجها بس ما بيدها حيله غير الصبر جاء المغرب والساعه ٧:٣٠ في بيت الجد سعد كان راكان جالس جنب ابوه وسعود ومروان جنب بعض وسلطان جنب الجد سعد
الجد سعد : بعد ما تملك على حلم نروح نخطب لك ريم وبعد ما تتزوج حلم سوي زواجك على ريم
كان سعود مقهور على بنت اخته اللي متاكد انها فوق تبكي في حضن نوف ابوه ضلمها لمن شرط هذا الشرط بس ماله الا الرضوخ لامر ابوه ماحد يقدر يكسر كلمه الجد سعد
عند البنات كانت حلم لابسه فستان لونه اسود وشعرها مسويته تكسير ويوصل لركبتها ولابسه عقدفضي واسوره وحاطه ميكب خفيف يبرز ملامحها الجميله الطفولية وعيونها العسليه الواسعه ورشت من. عطرها اللي ب الفنيليا دخلت امها ويوم شافتها
سحر : مشاء الله تبارك الله من شر حاسد اذا حسد
مبروك يمه
حلم بحزن : يبارك بعمرك
نوف : هيا حلمي فكيها انشاء الله الامور تتعدل وبعدين اخيرا بتتزوجين ونشوفك عروسه ي القزمه 
حلم بابتسامه : اخيرا
شوي وتدخل امجاد ونور وريهام : ها شوفو الاخت اليوم شوفتها مكشره اضحكي
نور : ورينا غمزاتك ي قميل
حلم ضحكت على هبال امجاد ونور
ريهام : حبيبتي انتي فديت الضحكه ياحظ هالراكان ان كان بيشوف الزين هذا كل يوم
حلم تجمعت الدموع بعينها ونزلت واسها وطاحت دمعة قهر والم على خدها مسحتها بسرعه ورجعت ابتسمت شوي وتدخل ام راكان
منى : قل اعوذ برب الفلق تبارك الرحمن لا قوة الا بالله بسم الله على قلبك
حلم استحت ونزلت راسها
منى : فديت الخجلان يا ناس يلا يمه حلم جدك يقول تعالي عشان يشوفك راكان
راتجفت اوصال حلم وبقوة وما قدرت تمشي ونزلت مع ام راكان وامها وشافت خالها سعود ينتظر عن باب الملجس مسكها سعود وهمس في اذنها : انا دائم جنبك ومروان كمان جمبك لا تخافين
هزت براسها ودخل سعود ودخلت هي وراه
حلم بصوت ناعم وراسها نازل بالارض من الحياء  :السلام عليكم
رفع راكان عيونه وتوسعت يوم شاف ايه من الجمال داخله عليه ملاك يمشئ على الارض مو ادمي ما قدر يرمش ولا قدر يرد السلام عليها وعلى طول وقف وبعدها انتبه لنفسه ورجع جلس
سعود : الحين بنتركم لحالكم شوي تكلمو مع بعض
شدت حلم على يد خلها بمعنى لا تخلني
سعود بهمس في اذن حلم : لا تخافين ما ياكل
وقامو وخلوهم لحالهم
قام راكان وجلس جنب حلم ومو مصدق ان هذي اللي قدامه حلم  بنت عمته سحر اللي يكرها ويشوفها  ثقيلة دم ومدلعه
راكان : كيفك حلم
هزت حلم راسها بمعنى بخير
راكان : ايش اخبارك
هزت راسها مره ثانيه
راكان:كيف الجامعه معاك
حلم بصوت خفيف يملاه الخوف والخجل : بخير
راكان قرب من حلم ورفع راسها اللي منزلته تحت وانصدم من ملامحها اللي تسحر وتاخذ العقل لو تعويذه كان سحرت كل من شافها دقق في عينها وشاف الدموع المتجمعه فيها وشاف ارتجاف شفايفها بدون سابق انذار طاحت دمعتها على خذها ومسحها راكان بيده
راكان: ليش البكي ها ليش مو مبسوطه انك بتصرين معي
حلم ما قدرت تتكلم دموعها هي اللي تتكلم
راكان : اتوقع جدي قلك على كل شئ صح
هزت حلم راسها بنعم
راكان : اسمعي حلم انتي بنت عمتي على عيني وراسي وحترمك واعزك وبتكونين معي معززه مكرمه وبعدل بينك وبين ريم ولا بفرق بينكم ابد بس انا احب ريم تعرفين يعني ايش احبها انتي زوجتي واختي وهي حبيبتي وروحي وعقلي
حلم في نفسها : اههه ي قلبي  اذا انت تحبها انا احبك اضعاف حبها ليش كذا يربي اههخ يقلبي
راكان : تبين تقولين شئ لي
حلم هزت راسها بلا وفي نفسها : ابي اقولك اني احبك واموت عليك وان المفروض اكون سعيده لاني بصير لك لكن في ظروف غير كذا
راكان : زين يلا في امان الله. وطلع وهي مسحت دموعها وراحت داخل عند جدها وخيلانها
تسريع الاحداث
يوم ملكة حلم كان الكل يتجهز ومشغول حلم كانت تتجهز بغرفتها شوي وتدخل عليها نوف وامجاد ومعاهم فستانها وفستينهم
نوف وهي من صدمه من جمال حلم : مصيبه ي راكانوه وش مسوي عشان تاخذ وحده بهالجمال
امجاد : قل اعوذ برب الفلق لا تحسدين اختي
حلم ضحكت بحياء عليهم
جات امجاد وباست خد اختها بقوه : انتي متى كبرتي وصرتي  عروس ها
حلم ونوف :هههههههههههههههههههههههههههههه
كان شكل حلم يسحر كان ناعم وبسيط بس يذوب القلب كان فستها لونه وردي بارد لايق على لون بشرتها الحليبه وكان شعر مسويته ويفي وفيه نفخه بسيطه وحاطه مكياج يبرز جمالها تبخرت وتعطرت وجلست تنتظر متى يزفونها شوي يدق الباب وكانت مروان ومعاك الجهاز والبصمه عشان توقع اخذته من يد مروان وبيد تملاها الرجفه وقعت حط مروان الجهاز على جنب وباس جبينها : مبروك ي روح اخوك انتي يرب يهنيك ويسعدك انشاء الله
حلم بعضه : الله يبارك فيك
مروان : حلمي لا تخافين انا معاك وخالي سعود معاك وبعدين اعطيته الوصايا العشره لا تخافين
حلم مقدرت تتمالك اعصابها حضنت اخوها وانهارات بكي
مروان : لا يقلبي لا تبكين بعدين يخرب مكياجك ويقول هاصخله راكنوه زوجوني غوله
ضحكت حلم وسط بكاها وهزت راسها
اسمعي الشيخ يبي يسمع موافقتك وشروطك تعالي معي راحت حلم مع اخوها عند الشيخ
الشيخ : يابنتي هل انتي موافقه على الزواج من راكان عبدالله سعد
حلم بصوت خايف : موافقه
الشيخ : يا بنتي هل لكي شروط
حلم : اي يا شيخ
الشيخ : ماهي شروطك
حلم: دراستي ما يمنعني منها واذا تزوج علي ما يسكني مع زوجته بنفس البيت
الشيخ : هل تقبل بشروط الزوجه
راكان تنهد : اقبل ي شيخ اقبل
الشيخ : اذان على بركة الله
انزفت حلم وهي مو راضيه ابد على اللي يصير وبعدها بدقائق دخل راكان يلبسها الشبكه وما انتبه لشكلها لبسها بسرعه وخرج وما طلب يجلس معاها وهذا حز بخاطر حلم انه ما جلس معاها
تسريع الاحداث
الساعه ٣ العصر دخل مروان البيت بعد ماكان يدوام شاف اخته جالسه قدام التلفزيون  ووجها اصفر بسبب قلة الاكل وباين عليه الحزن قرر يغير جوها جاء يركض ونط على الكنب جنبها
مروان : السلام عليكم
حلم شقهت : بسم الله مخبول انت قلبي بغى يوقف قلبي
مروان : ههههههههههههههههههههه بسم الله على قلبك يلا قومي
حلم وهي تعدل جلستها : اقوم وين اروح
مروان قرب منها وبهمس باذنها : بطلعك نغير جو طفشان
امجاد فوق راسه : وانا معاكم
مروان بخرعه وصدمه : مصيبه انتي من متى هنا وكيف سمعتي
امجاد تضرب كتفه : مصيبه تصيب العدو من اول من نطيت ويلا بروح اللبس
جات بتروح وتذكرت حلم رجعت مسكت يدها
امجاد وهي تسحب يد حلم : يلا يالتيسه قومي
حلم بصدمه من اختها : انا تيسه ي قليله الادب استحي على وجهك احترميني
امجاد وهي تدفها اتجاه الدرج: اقول امشي بلا قرقره زياده بس
مروان كان فاطس ضحك عليهم شوي وتجي سحر
سحر : ها يمه احط لك غداء
مروان باس يدها : لا يمه تسلمين بطلع مع بناتك المجانين وناكل براء وش رايك تجين معنا
سحر : لا يمه بجلس مع جدتك الحين تنزل
مروان : زين يمه ابيك تكلمين جدي يقول لخالي عبد الله يخلي الخطبه والملكة بوقت واحد وبعدها على مهلنا بالزواج
سحر : ههههههه يوه يوه مستعجل تبيها على ذمتك بسرعه زين يمه من عيوني اكلمه لك
مروان ابتسم: الله لا يحرمني منك ي اجمل ام
شوي ونزلو خواته وطلعو مول
تسريع الاحداث
بعد ثلاث اسابيع الساعه ٥ العصر الكل محتاس اليوم خطبة وملكة راكان على ريم بعد ملكة حلم الجد سعد خطب ريم لراكان وقال للجد خالد انه راكان يبها خطبه وملكة بنفس الوقت
عند ريم في الغرفة كانت عندها اختها روابي وبنت عمها الجازي
روابي : الله ي ريوم طالع شكلك ناار تهبلين
الجازي : اي بسم الله عليك تهبلين
ريم : تسلمون حبيباتي انتو بعد تهبلون
كان فستان ريم لونه موف وكان مفتوح الصدر وكان شعرها القصير مسويته ستريت ونفخه بسيطة من قدام شوي وتدخل امها عليها
حليمة وهي تزغرط : لللللللووشش الف الف مبروك ي روح امك الله يهنيك ويسعدك
ريم والدموع متجمعه في عيونها : الله يبارك فيك يمه حبيبي انتي وباس راسها ويدها
وبعد دقائق وصلت ام راكان وسحر والجده مزنه
والبنات كلهم معادا حلم وامجاد وسلمو على حليمه وجلسو يرقصون شوي والا يزفون ريم وبعد زفتها نادى اخوها نواف عليها تجي توقع
نواف باس جبينها : الف مبروك حبيبتي الله يوفقك
ريم : الله يبارك فيك عقبالك
فهد جاء يركض : الف مبروك يام العبيد
ريم بعصيبه مزح: فهيد وجع انشاء الله انا ام العبيد ي معفن
فهد : يفتوك شكل راكان جالس جنب ابوي وابتسامة شاقه الوجه
ريم بحياء: فديت ابتسامته
نواف : شف شف معد به حياء وقعي وقعي بس
وقعت ريم على زغاريط امها وعماتها وجات قريب الباب عشان الشيخ يسالها عن شروطها والموفقه
الشيخ : ي بنتي موافقه على الزواج من راكان عبدالله سعد
ريم بصوت ناعم : موافقه يشيخ
الشيخ : راكان موافق على الزواج من الزوجه
راكان وهو طاير من الفرحه : موافق موافق
الشيخ : ي بنتي عندك اي شروط
ريم بصوت ناعم : لا يشيخ ما عندي
الشيخ : على بركة الله مبروك عليكم
وبعدها دخل راكان وطار بشكل ريم لبسها شبكتها وباس يدها وبعد دقائق دخلت هي وراكان يجلسون لحالهم شوي
راكان باس جبهتها: مبروك ي قلب راكان
ريم بحياء : يبارك فيك يروحي
راكان باس يدها : اخيرا صرتي لي اخيرا
ريم : طول عمري بكون لك
راكان : احبك
ريم : اموت فيك
قرب منها وباس شفايفها بقوهه وبعد عنها وجلسو يسالفون شوي
عند حلم كانت منقهرة ومتالم وتعبانه حابسه نفسها وتبكي بالم وقهر على حظها تزوجت حبيبها اللي يكرها وبالغصب ابدا ما كانت تتمنى تكون كذا وقفت وفتحت شباك غرفتها وهي تشهق بقوة ولمن رجعت ما قدرت تتوازن واغمى عليها من القهر وبسبب انها ما تاكل ولا تشرب
تسريع الاحداث
عند حليمة كان الكل مستانس شوي الا سحر تدق اختها
سحر : اقولك قلبي ناغزني
نورة : بسم الله عليك من وش
سحر : مدري احس حلم فيها شئ بقوم ادق على امجاد تشوف اختها
نوره : انشاء الله مافيها الا العافيه قومي تطمني عليها
قامت سحر واتصلت على بنتها امجاد تطلع تشوف اختها وقفلت
طلعت امجاد تشوف اختها ويوم فتحت الباب شافت اختها طايحه على الارض شهقت وركضت بسرعه وحطت راسها في حضنها
امجاد وهي تبكي وتضرب خد حلم : حلم حلمي قومي حلم
مسكت جوالها ودقت على مروان اللي كان جالس مع نواف وفهد وسعود عند الرجال
مروان : هلا امجاد
امجاد وهي تبكي : مروان الحق علي
مروان بتوتر: وش فيك وش صاير
امجاد وهي تبكي : حلم حلم لقتها طايحه بغرفتها ووجها اصفر الحق علي
مروان قام بسرعه : ايش جاي انا الحين لبسيها عبايتها
سعود بخوف : وش فيك مروان وش صاير
مروان : امجاد لقت حلم طايحه بغرفتها وتقول وجها اصفر
قام سعود مع مروان : بجي معاك
نواف : لاحول ولا قوة الا بالله طمنونا ها
سعود : انشاء الله
وطلعو بسرعه وعلى بيت الجد سعد
بعد دقائق طلع راكان بعد ما مسح فمه من الروج جاء وجلس ولاحظ غياب عمه سعود ومروان
راكان جلس وبعد السلام سال نواف : وين عمي سعود ومروان
نواف : وحده من خوات مروان دقت عليه وقالته ان اختها مغمى عليها ووجها اصفر
راكان عرف انها حلم وقام بسرعه انا استاذن
نواف وفهد : الله معاك
طلع واتصل على مروان اللي كان في المستشفى يتنظر الدكتور يطلع 
مروان : هلا راكان
راكان : مروان كيف حلم
مروان : باقي ما خرج الدكتور
راكان : راكان انتو باي مستشفى
مروان : مستشفى *****
راكان وثواني وانا عندك
تسريع الاحداث
وصل راكان ولقى الدكتور باقي ما خرج وثواني الا الدكتور خرج
سعود قام بسرعه : ها يدكتور بشر كيفها
الدكتور : صدمه عصيبه واضح المريضه كانت زعلانه مره وكمان عندها سوء تغذيه وربو اتمنى تنتبهو عليها وما تزعل كثير لان هذا ياصر على صحتها النفسيه والبدنيه وتاكل كويس تقدرون تشوفونها هي نايمه دلوقتي
مروان : شكرا ي دكتور يعطيك العافيه
دخلو عليها كانت نايمه زي الطفل ووجها اصفر من قلة الاكل وباين عليه التعب
مروان باس جبتها : يروح اخوك انتي سلامتك ي قلبي انا
سعود : سلامتها انشاء الله
راكان كان مكتفي بصمت ويناظر في وجها اللي باين عليه التعب بعد صمت دام لدقائق
راكان : خالي سعود مروان روحو انتو عشان ما احد يقلق وانا بجلس عند حلم
سعود فكر ان راكان انه يبي يجلس معها  ويتكلمون زين ويفهمها كمان: زين اجل انتبه عليها زين
راكان : لا تشيل هم
راح سعود ومروان عشان لاحد ينتبه وحرصو على امجاد ما تجيب سيره لحد . .