في تلك العتمة الباهتة اقبلت ملاكي ..

البارت الرابع

عند سعود ومروان في الاسطبل
سعود : اقول مروان رح جب السطل من المطبخ تلاقيه بنجب الثلاجة بنغسل الخيل
مروان : ابشر
طلع مروان يجيب السطل عشان الخيل ودخل بدون لا يتنحنح على باله ما فيه احد بالمطبخ الا ونوف قدام عينه بعد بدون جلال هنا بدا قلب مروان يدق بسرعه وحرارته ترتفع وكان حر الدنيا كله صار بالمطبخ اما نوف وجها تصبغ بالون الاحمر وزكزت زين في جمال مروان وطوله وجسمه مفتول العضلات وفهت في جماله
مروان صد : اسف والله السموحه على بالي مافي احد
نوف وهي تلبس الجلال: حصل خير يولد العمة امر وش كنت تبي
مروان وهو خاق على صوتها : السطل اللي بجنب الثلاجة خالي سعود يبيه ممكن تعطيني السطل
نوف : طيب
راحت جابت السطل وجات مدت يدها وتلامست يد مروان مع يد نوف وبسرعه شال يده وقالها
مروان: خلاص حطيه بالارض
نوف وهي منحرجه ومستحيه  حطت السطل وطلعت برا المطبخ على طول على غرفة حلم فتحت الباب بقوة
حلم نقزت : بسم اللهه وش فيك ما تعرفين تدقين الباب
نوف وجها احمر : اههه ي حلم الحقيني
حلم : وش بلاك وش فيه وجهك احمر كذا
نوف : حلم اخوك اخوك
حلم بفجعه: وش فيه مروان اهرجي
نوف : حلو رجال يجنن يخبل
حلم : الله يقطع ابلسيك عبالي فيه شئ
نوف : لا مافيه شئ بس اهه قلبي عليه
حلم اضربت كتفها : استحي على وجهك تتغزلين بخوي قدامي
نوف : لو اقولك وش صار لي اليوم ما تصدقين
حلم: قولي
نوف: شفتي بعد الغداء جيت بوريك فستان على الجوال الا ويطلع اخوك في وجهي وانا بدون جلال
حلم : ههههههههههههههههههههههههههه عشان كذا اليوم انادي عليه وهو مفهي ومبتسم اتريه شاف الزين وقلبه طالح
نوف استحت : حلموه عن المصاخه وخليني اكمل كلامي
حلم : زين ي جوليت كملي
نوف : المهم قبل شوي امي قالت لي اطلع القدر عشان المحشي حق العشاء الليله زين دخلت بدون جلال لان على خبري نص من العيال مع جدي بمزرعة الورد والنص الثاني مع عمي سعود يغسلون بالخيل شوي ويجي اخوك الامير الجميل ويدخل على بدون تنحنح
حلم : ههههههههههههههههههههه زين
نوف : تافه على وش تضحكين اقول نكته انا
حلم : مدري بس شكلك انتي ومروان وانتو خاقين على بعض يفطس من الضحك
نوف : سخيفه المهم اكملك شوي ويصد عني و ويقولي امده السطل وامده وتلامست يدي مع يده اههههه يقلبي
حلم : هههههههههههههههههههههه والله انتى تحفه
نوف : احس قلبي بيوقف
حلم : تبين اجس نبض اخوي اذ يحبك ولا لا
نوف : الله واكبر حب
حلم : اي حب ما سمعتي عن الحب من اول نظره
‏نوف: هههههههههههههه قال ايش قال حب من أول نظره شكل الروايات والأفلام الرومنسية خذت عقلك
حلم :  والله انتي الحماره اللي ما عندك احساس بس وش رايك اجس النبض
نوف : اي اي تكفين
حلم : تم بس ها نوفه اذا طلع خربيطه تكفين لا تزعلين
نوف : ليش تحسبني انتي اللي بتكسر انا حاطه احتمال انه ما يفكر فيني اصلن
حلم وهي تحضن المخده الصغير : اتمنى اللي في بالي يصير
تسريع الاحداث
بعد العشاء تجمعو كل العائلتين بالدكه الخارجيه يشربون الشاي والاطفال يلعبون واللي يسولف حلم كانت جنب مروان ورغم حزنها الا انها جالسه تتناسى اللي جالس قدامها من نظرات حب وغرام
ومروان اللي عنيه ما انشالت من نوف وهي تسولف مع ريهام وامجاد ونور رغم انهم متساترين الا ان صورتها ما غابت عن باله ولا دقيقه
حلم وهي تدق اخوها : ارحمها ارحمها
مروان: وش قصدك
حلم: اقصد ارحم عينك لو انها رصاص كانت ذبحت البنت
مروان يسوي نفسه مو فاهم : اي بنت وش تخرفين انتي
حلم : عيب مو علي الكلام هذا انت اخوي خابزتك وعاجنتك
مروان: قالت لك شئ
حلم : بالاول انت قولي تبيها
مروان: مدري معرف
حلم : مروان اعجل تبيها تحبها
مروان: اي اي احبها وابيها ارتحتي
حلم : وهي بعد الحمارة طايحه على وجها وتبيك
مروان لف بسرعه على اخته وبصوت عالي : احلفيي
حلم باحراج لا ن الانظار صارت عليهم : الله يفشلك اهجد فشلتنا
مروان انتبه للكل اللي يناظره وابتسم ورجع يكلم اخته بصوت واطي : هي قالت لك
حلم : هههههههههههههههههههههههههههه اي جاتني العرفه ميته من الخجل بعد موقف المطبخ وقالت لي
مروان : اههخ ي قلبي فديتها
حلم : اثقل ي الخاروف مو كذا
مروان : زين متى اتقدم لها
حلم : بس نرجع من المزعه بكره ارتاح وبعدها كلم جدي وامي
مروان  وهو يبوس راس اخته : الله لا يحرمني منك ي فخري انتي
حلم : هههههههههههههههههههههههههههههه ولا منك ي روميو
الجد سعد : الحمد لله اللي رجعت ضحكتك ي حلم والله كنت فاقدها ي روح جدك
حلم بحياء : ما تفقد غالي ي روح حلم
لفت حلم وشافت راكان يناظر ريم وريم تناظر راكان ويتباسمون وعيونهم ما طيح ولا ترمش حسه بغصة بحلقها وتجمعت الدموع بعينها
تسريع الاحداث
الكل صار نايم الا حلم ونوف اللي كانو يسالفون وهم يرتبون اغراضهم عشان بكره الرجعه من المزرعه
نوف : اقول حلمي
حلم : هلا نوفه
نوف : وش قالك مروان
حلم : ههههههههههههههههههههه مبروك ي عروسه
نوف باستغراب : عروسه !
حلم : اي عروسه اشفيك
نوف : حلم تكلمي زين لا كف الحين وش عروسته
حلم : مروان طلع يحبك وقرر اول ما نرجع ونرتاح يكلم جدي في الموضوع ويخطبك
نوف بفرحه : صدق ولا تمزحين
حلم: لا صدق ي جوليت اخيرا روميو بيتزوجك الله يهنيكم
نوف قامت تنط على السرير وتصارخ من الفرحه وحلم ميته ضحك عليها
وبعد ما خلصت حلم ترتيب شنطتها لفت لقت نوف في سابع نومه قررت تغطيها وتطفي نور وتنزل تجلس على الدكه اللي تطل على مزرعة الورد وتقراء روايتها لبست جلالها واخذت روايتها ونزلت تتسحب بشويش والبيت كله نايم ولمن طلعت ومشت وجات بتجلس الا وتسمع اصوات غريبه قررت انها تقوم تشوف وش هاذي الاصوات راحت وشافت اللي كسر قلبها وسلب عقلها شافت راكان وهو يمتص شفايف ريم بكل نهم وحب وحاضنها بقوة ولا همه احد وهذيك متعلقة برقبته وتجاريه في البوسه انكسر قلبها وهي تشوف هذا المنظر اللي كانت تتمنى تكون هي فيه بدال ريم راحت تجري وجلست مكانها وبدت تبكي بصمت وبعد مده
ريم : حبيبي نعسانه
راكان: بشتاق لك
ريم : انت مو تقول انك بتكلم جدك اول ما نرجع
راكان : اي انشاء الله خلاص ما اصبر على فراقك
ريم : خلاص حبي كلها يومين واكون معاك واصلن بكلمك على الجوال
راكان طبع بوسه سطحية على شفايفها: احبك
ريم رجعت له البوسه : اعشقك
راكان رجع باسها : اموت فيك
ريم رجعت باسته : اهواك
راكان رجع باسها بقوه وفكها من حضنه وباس جبينها : تصبحين على خير ي روح راكان
ريم : وانت من اهله حبيبي
طلعت ريم من الجهة الخلفيه عكس راكان اللي مشى اتجاه الدكه يجلس فيها شوي الا ويلقى جسم صغير يهز  اكتافه لمن قرب منه سمع صوت بكاء وعرف انها حلم لانها الوحيده اللي ما تنام الليل قرر يسالها
راكان : حلم
حلم من سمعت صوته شهقت بالم : ه ه هلا
واكان بخوف : حلم فيك شئ اصحي مروان
حلم ببكاء اقوى : لا لا  م م ما في شئ
راكان بعدم تصدق : مافيك شئ تصحين هالصياح كله
حلم بأستهزاء : معليش انا مدلعه وقامت ونزلت من الدكه ودخلت بسرعه البيت تحت استغراب راكان اللي اول مره يتلقى معامله منها بهذا الشكل بس كالعاده ما اعطى الموضوع اهميه طلع وجلس شوي على الدكة ويلتفت الا ويلقى روايه حلم مكانها وفتح نص الكتاب الا وتفوح ريحة عطرها المميزه ريحة ‏الفانيليا والعود استنشق الريحه بكامل قوته وبعدها بدا يقراء الروايه اللي شدته لحد الصباح
تسريع الاحداث
في الصباح الكل على سفرة الفطور الا حلم
الجده مزنه  : نوف وين حلم
نوف : فوق تقول ما تبي فطور واصلن وجها ما يبشر بالخير يوم صحيت لقيت عيونها حمراء ووجهاصفر
سحر : يمه بنتي فيها شئ
قامت سحر وطلعت جري لغرفة حلم اللي كانت على الفراش مثل الميته ومشهد راكان وريم يتكرر عليها دخلت بدون ما تدق الباب
سحر : حلمي امي قلبي
حلم سمعت صوت امها وسوت نفسها قويه : هلا امي
سحر وهي تحسس جبهة بنتها: امي فيك شئ تعبانه تبين دكتور ونادت امجاد
حلم : امي امي هدي هدي انا كويسه كل الحكايه اني متاثره بروايتي ومن امس ما نمت فبرتاح شوي زين
سحر بعدم تصديق : متاكده ماما انك بخير
حلم ابتسمت ابتسامه خفيفه تطمن فيها قلب امها : انا بخير بس ابي انام وارتاح
سحر : زين يمه على راحتك
نزلت سحر وقالت لهم انها زينه وبدو ياكلون كان راكان مستغرب من تصرفات حلم في الايام الاخيره لا تاكل ولا تشرب وحتى وان كان مزاجها رايق يوم الف يوم معكر وكثيره البكاء كان مستعجب منها هو مو مهتم فيها بس كان مستغرب ونسى انه هو السبب في شقلبت حالها هذي
تسريع الاحداث
بعد الفطور صار وقت الوداع وعائلة الجد خالد جاهزة للرحيل من المزرعه وعند باب البيت
الجده مزنه : والله انبسطنا بشوفتكم لا تقاطعونا
الجده زهره: والله حتى انا وانشاء الله مامن قطاعه
الجده مزنه : انشاء الله
الجده زهره : مع السلامه ي بنات نشوفكم على خير
الاحفاد : مع السلامه جده
الجده مزنه : مع السلامه ي حليمه لا اوصيك على امك
حليمه : مع السلامه ي جده ابشري بعيوني عاد هذي على قولة اخونا الكويتين حلوه اللبن
تبادلو الاحضان والسلام للوداع وراحت عائلة الجد خالد وبعدها بخمس دقائق عائلة الجدسعد تستعد للرحيل سلطان وعبدالله يركبون الاغراض بالسيارات ومروان وراكان وبدر وسعود يجيبون الاغراض من البيت لسياره وبعد ما خلصو وهم ينتظرون الحريم يخرجون طلعت حلم لانها ما تبي تنتظر وتشوف راكان طلعت وشافها سعود وكان واضح عليها التعب ما كانت تقدر تمشي زين
سعود : حلمي
حلم بصوت تعبان وباكي : هلا خالي
سعود جاء وحضنها بقوه وبهمس باذنها : ليش البكاء ها اشبك حلم وش عفسك كذا مره وحده
حلم : اههخ ي خالي قلبي موجوع محروق ونزلت دموعها حس فيها سعود لانها بللت التشيرت حقه زاد عليها بالحضن شوي ويفكها
سعود : اول ما نرجع ابيك ترتاحين زين ولنا كلام ثاني مع بعض زين حلمي
حلم: زين خالي
سعود : اركبي معي لا تروحين مع امك وخالك سلطان انا ما معي احد
حلم: وجدتي وجدي ما بجون معاك
سعود: لا ابوي بيروح مع عبدالله الشركه وامي بياخذها مروان اخوك للبيت
حلم : زين
راحت حلم تركب بسيارة خالها سعود بس استوقفها صوت قلبهاعشق هالصوت من زمن
راكان : حلم حلم
حلم لفت وبصوت فيه غصة بسيطة : هلا راكان في شئ
راكان : لا بس امس لمن قابلتك على الدكه نسيتي كتابك وشلته معي
حلم : كتابي ؟
راكان : اي هذا وطلع الكتاب حقها
حلم : اهاا مشكور
راكان: العفو تفضلي
رغم ان حلم كانت من فوقها لتحتها سودا من الحجاب الا انها استحت تمد يدها فمدتها مده بيسطه واخذت منه الكتاب وبسرعه البرق لفت ودخلت السياره وراكان رجع وركب سيارته ومشى
تسريع الاحداث
وصول بسلام ونزلو الاغراض وكل واحد راح لبيته دخلت حلم غرفتها في بيت جدها وطلعت لها ثياب وقرر تاخذ لها شور يهدي اعصابها وبعد ما خلصت وجففت شعرها نزلت عند امها وجدتها
حلم : يمه انا مره نعسانه بنام وقت ما اصحى اصحى زين
الجده مزنه :اقول يمه حلم ترى حالك هالكم يوم بالمزرعه مو بعاجبني
جات حلم وباس راس جدتها : حقك علي ي جده اسفه
الجده مزنه: يمه والله حالك تشقلب احد ينام الظهريه وين اللي كات تونسني وتسولف معي وتحني يداتي مير من بعد طيحتك انقلبتي بسم الله عليك
حلم : سامحيني ي جده والله تعبانه والبارح ما نمت واوعدك اول ما اصحى اسوي لك ذاك الحناء واجيك لين غرفتك زين
الجده مزنه باست خدها ومسحت على شعرها المظفر : الله يرضى عنك ويصلحك اطلعي الرتاحي
طلعت حلم ترتاح وعدى ذاك اليوم بسلام .