ليتك كنت رحيم

💖 الفصل 16 💖

كان رحيم يسمع غناء ندى ودموعه تغرق وجهه وقلبه يعتصر الما عليها وقال داخل نفسه لازم اعمل المستحيل عشان تسامحني عشان انسيها اللي حصل لو قعدت عمري كله اراضيها لغايه ما ترضى عني مهما تعمل فيا هستحملها

عندما انتهت ندى من الغناء بكت بشده

قالت وفيه وهي تمسح دموعها ما تبكيش يا قلب امك اللي جاي كله احلى ان شاء الله

قالت ندى وهي تمسح دموعها انا ببكي عشان انتم كلكم جايين تزوروني من غير ما تجيبوا لي حاجه اكلها ما حدش فيكوا حتى فكر يجيب لي فرخه مشويه ولا ساندوتش شاورما انتم وحشين قوي

ضحك الجميع بشده

فقال حازم شوفي انتي عايزه ايه واحنا نجيب لك اللي انتي عايزاه

قالت ندى باعجاب ايه الراجل المز ده انت مين يا عم الامور

قال حازم وهو يضحك انا الدكتور حازم عمك وصاحب المستشفى اللي انتي قاعده فيها دي كلها

قالت ندى دكتور ومز وغني وعمي كمان واا حصرتاه قلبي الصغير لا يتحمل انا كنت ناويه اطلب ايدك للجواز بس انت ضيعت عليا الفرصه

قال حازم انتي بتعاكسيني بقى

قالت ندى بصراحه اه وبما انك عمي فالمفروض تنفذ لي كل طلباتي

قال رحيم بغيظ وغيره شوفي انتي عايزه ايه وانا هجيبه لك وما تطلبيش من حد حاجه

تجاهلت ندى رحيم تماما ولا كانه تكلم وقالت اسمع بقى يا زومي انت تجيب لي سندوتشات شاورما وبيتزا وشيبسي وحاجه ساقعه واعمل حساب اللي موجودين عشان ما حدش يبص لي في اكلي

قال حازم انتي تؤمري يا برنسيسه وانا عليا التنفيذ بس بشرط بلاش زومي دي عشان الهيبه وكده يعني

قالت ندى خلاص مش عايزه منك حاجه انا هطلب من دومي اخويا حبيبي هو مش هيتشرط عليا

قال ادهم اميرتي تطلب وانا عليا التنفيذ بس برده بلاش دومي دي

قالت ندى وهي تتصنع البكاء عاجبك كده يا ست ماما مش عاوزيني ادلعهم

قالت وفيه وهي تضحك معلش ما لهمش في الطيب نصيب ما تدلعهمش تاني وسيبك منهم

قال ريان سيبك منهم يا نودي وما تزعليش انا هجيب لك اللي انتي عايزاه ودلعيني زي ما انتي عايزه يا ستي

قالت ندى حبيبي يا رينو انت اللي فيهم والباقي سلطه
هات لي بقى اللي انا طلبته من الدكتور حازم اللي مش عاجبه زومي ومن ادهم اللي مش عاجبه دومي

قال حازم يا خرابي عليكي يا بت غداره بعتيني انا واخوكي في اول محطه

قالت ندى وهي تنظر لرحيم معلش اصل انا خدت درس في الغدر وذاكرته صح واتعلمته