.....
السلام عليكم ، اعتذر ع التأخير هاي الفترة كلش صعبة وحتى مالحك الزم الموبايل ، وافكار ماعندي ولله جنت منتظرة تجيني افكار بس كتبت بارت هيج مال صبر☹️
م: ولله رحتي؟
امنية: اي ولله رحت وديتلهن سلة فواكه وعشه علساس ثواب وهاي وبنفس الوقت تعرفت على ابتهال وامها!
ادم : صدك تحجين امنية ولله عيب هسه شتكوول البتت مارحتيلها قبل اله هسسه
سارة: ومررض شبيك شكو بيها
ضاج ادم وسكت، ابتسمت امنية وراحت لغرفتها، دخل فاضل وعذاب للصالة تعبانين كاعدين كلمن على صفحة، لبس فاضل نضارته ورفع تلفونه بادي يتصفح بالفيسبوك بينما عذاب تمدد وسارة تلعب بشعره
سارة: بابا
همهم الاكبر مرتخي بنعاس على اصابع بنته الناعمة الي تمشي على راسه،
سارة: شوف بابا اني ولله احس كلش اشتاق للبنات
فاضل: منو هنه باباتي
سارة: دان وكامي
صذرت قهقهة من فاضل الي ترك تلفونه مباوع لسارة الي عابسه
فاضل: مو بس انتي بنيتي احنه هم ههههه
عذاب: شلون بلوة هاي كامي لسانها يرطن اطول من لسان سارة
فاضل بأبتسامة: بس تضل فطيرة، وهاي السميرة شحلاتها مؤدبة
سارة : اهوو هسه شيسكتهم
فاضل : ولج لا اكوملج بت الاودام.
سارة : اسمعوني، ولله مشتاقتلهن خلي اروحهلن
.
' رفع جسمه من الفراش متنهد بنعاس ، نزل رجليه ع الارض ماخذ خطواته للحمام ، عشر دقائق وطلع رتب شعره وحواجبه السود بعدها طلع من غرفته '
آدم: حتى البزونة مرتاحة اكثر مني،نيالج
' نبس بزعل وهو يباوع للبزونة بباب الصالة ونايمة، سمع صوت ضحكات خفيفه من المطبخ ،استغرب ماخذ خطواته ببطئ ودخل، توقف بمكانه متفاجئ وهو يشوف ابتهال كاعدة يم البنات ومبتسمة علكيف ، شافته هيه وتفاجئت بسرعة مدنكة بأحراج '
أمنية: ها ادم،صح النوم
' سد شفايفه مدرك لوضعه وتحمحم مباوع لسارة بهدوء'
ادم: شسمه ، جوعان
' وكفت سارة مبتسمة فاتحة الثلاجة بينما ادم ضل واكف عينه على سارة ، ابتسمت امنية وحجت '
امنية: هاي ابتهال اليوم وديت عليها وجبتها طلعت تخيط فساتين وحبيت تصمملي فستان ! شغلها يجنن!
' ارتبك آدم مباوع لأبتهال الي عاضه شفتها بأحراج وتباوع للاسفل ، ابتسم ادم واومئ '
ادم: اكيد شغلها حلو
