#عكــــد الظفيـــرة
بقلمي/زنـــــايب ꨄ︎ .
لاتنسون تصويت وتعليق بين فقره وفقره داررروني بتفاعلكم🥹♥+تصاميمكم 🦋.
_البارت تأخر لان الواتباد يعلك وطيرلي نصه فاكتبت واكو فقرات اهواي بس صارن على بارت الجاي
صلوا على محمد وال محمد
- قراءه ممتعه -
𓂃 𓂃 𓂃 𓂃 𓂃 𓂃 𓂃 𓂃 𓂃 𓂃
جوري:-
و انا اشوف ذياب وهو يسوي المرجوحه ومبتسم ودرع يباوعله رحت ناحيه الباب ردت اطلع بس تذكرت مايقبل
رجعت شابكه ايدي سويه مبتسمه موخره خصله من شعري وره اذني وكعدت تأچيه ضهري على الحايط مدده رجليه واحرك بيهن فرحانه
جوري_أشووو صاير حباب
اخذت شالي لابسته وطلعت ماده شوي راسي لكيته حاط بسمار على الخشب ويضغط قوي بيده
جوري_زلمتي the man
رحت للثلاجه مطلعه بطل مي فاتحته وشربت منه جان صايرتله بروده خفيفه
جوري_خوش البروده جو مرات تفيد
قبقت بطل المي وفتحت الحنفيه غسلت وجهي وحسيت بصوت درع مديت راسي شوي وشفته دخل الغرفته وذياب باقي بره عاكد حواجبه ومضيك عيونه يضغط بلبسامير
مشيت سريع طالعه يمه رفع عيونه شافني وضحك رجع انضاره للخشب ولزم حصوايه جبيره وكام يضرب على بسمار
ذياب_صباح الخير حمامتي
خليت ايديه سويه وره ضهري اتحرك يمين ويسار على كيفي مبتسمه
جوري_صباح النور
ضحك كارص رجلي وخرت رجليه خازرته
جوري_شبيك
ذياب_ول يبه تردينو يور لگلبي
رجعت مبتسمه وهو نزل راسه معدل البسمار ضاغط عليه نوب بلحصوه يدكدك نزلت المستواه حاطه ايديه على الكاعيه اباوعله
جوري_ذيــا...
قاطعني شايف ايدي وخزرني وعاط
ذياب_أييييدچ
وخرتهم بسرعه وهوو جراهن بطرف فانيلته نكتهن الي
ذياب_لاتتنجسين الي خلك اسبح زعاطيط اني
جوري_محد عاتب عليك تسبحني
ماجاوب وانا خليت ايديه بحضني
جوري_ذيـبو
جان يريد يضرب البسمار بس سمع وكف بدون مايباوعلي صارت ابتسامه على شفايفه
ذياب_جديده هاي
