ليتك كنت رحيم

💖 الفصل 15💖

قال الطبيب بحزن شديد لاسف عندها انهيار عصبي وهبوط في الدوره الدمويه يعني لو ما كنتوش لحقتوها في الوقت المناسب كان ممكن لا قدر الله تروح فيها

قالت وفيه وهي تبكي بحرقه بنتي بنتي بتروح منييييي حضنتها اسراء وفيروز وزينه وهم يبكون

قالت فيروز ان شاء الله هتبقى كويسه ندى قويه انتي ما تعرفهاش

قالت اسراء ان شاء الله هتعدي منها انتي ما تعرفيش احنا عدينا بايه في الملجأ هتقوم وهتبقى اقوى من الاول

قالت زينه ما تخافيش يا طنط هتبقى كويسه بس انتي ادعي لها قطع كلامهم دخول صقر ومعه امرأة جميله

قال صقر مالها ندى يا مدام وفيه ايه اللي حصل لها

قالت وفيه وهي تبكي بحرقه بنتي بتروح مني يا صقر

قال صقر بحزن ما تخافيش يا مدام وفيه على ندى هتبقى كويسه ان شاء الله ربنا يطمنك ويطمننا عليها ثم قال احب اعرفك بالدكتوره رقيه مراتي وكانت هي اللي متابعه حالة ندى لما كانت في الغيبوبه

قالت رقيه انا تشرفت بمعرفتك يا مدام وفيه احب اقول لك ان ندى ان شاء الله هتبقى كويسه انتي عارفه ندى قعدت في الغيبوبه قد ايه

قالت وفيه انا ما اعرفش حاجه عن بنتي ما لحقتش اعرف حاجه

قالت رقيه ندى قعدت في الغيبوبه ست شهور

قالت وفيه بصدمه وحزن ست شهور يا قلب امك يا بنتي كل ده وانا ما اعرفش عنها حاجه

قالت رقيه ما تحزنيش يا مدام وفيه ده من رحمه ربنا بيها ان هي كانت في غيبوبها عشان السم اللي في جسمها يطلع من غير ما تحس بيه حضرتك ما تعرفيش الاعراض الانسحبيه للمخدرات بتبقى صعبه جدا بس ندى ربنا بيحبها وخلها ما تحسش بالاعراض دي عرفتي بقى يا مدام وفيه بنتك قويه قد ايه وربنا بيحبها عشان كده بقول لك هتقوم بالسلامه وهتبقى كويسه وانا اللي هتابع حالتها بنفسي

قالت وفيه يارب يسمع منك ربنا
قطع كلامهم دخول حازم وهو يقول وفيه ندى مالها ايه اللي حصل لها

قالت وفيه وهي تمسح دموعها ندى هتبقى كويسه طول ما هي بعيدا عن علية الرشيدي

قال حازم بحزن شديد عندك حق يا وفيه انا كمان بعدت عنهم انا هبيع نصيبي في الشركه وكفايه على المستشفى انا هبقى جنبكم وعمري ما هسيبكم ابدا قطع كلامهم دخول ادهم وعزيز

قال عزيز ندى مالها يا حازم بنتي فيها ايه طمني عليها

قال حازم اللي بنتك فيه ده انت السبب فيه انت اخترت تبعد حتى عن اخوك فكرت تسال عليا تعرف انا عايش ازاي انت اناني قوي يا عزيز ما بتفكرش غير في نفسك وبس لو كنت سبت بنتك في حضن امها ما كانش كل ده حصل

قال عزيز بصوت عالي وحزين خلاص بقييييييييي كفايييييه عارف ان انا غلطت وان بنتي هي اللي دفعت التمن ثم بكى بحرقه وقال وانا كمان دفعت التمن ببعدي عنها دفعت التمن لما شفتها وشفت اللي حصل فيها غلط اه غلط لما اخدتها من حضن امها وامنتها عند واحد غدر بينا ورماها في ملجأ عشان خاطر طمع في الفلوس يا ريته كان خد الفلوس وسابها لي قطع كلامه دخول ريان ورحيم والجد